《台語荒漠甘泉（漢羅版）》

 | | | 轉寄

基督ê平安

作者 陳清俊 譯 林俊育 漢羅翻寫 2010.06.13

listen
六月十三(六月十三日)

「我(goá) 將(tsiong) 我(goá) ê 平安(pêng-an) 賞賜(siúⁿ-sù) lín。」(約翰(iok-hān)14:27)

有(ū) 兩(nn̄g) 個(ê) 美術家(bí-su̍t-ka)、畫圖家(oē-tô͘-ka) beh 畫(oē) in 所(só͘) 想(siūⁿ) 安歇(an-hioh)、平安(pêng-an) ê 圖(tô͘)。一個(tsi̍t-ê) 是(sī) 畫(oē) 深山(tshim-suaⁿ) 內(lāi) 平靜(pêng-tsēng) ê 湖(ô͘)，另外(lēng-goā) 一個(tsi̍t-ê) ê 畫(oē) 大(toā) 水(tsúi) tshiâng，水(tsúi) tshiâng 下(ē) 有(ū) 一(tsi̍t) 叢(tsâng) lám-lám ê 樹(tshiū)，垂(sûi) tī 噴(phùn) 起來(khí-lâi) 水波(tsúi-pho) 頂面(téng-bīn)，樹枝(tshiū-ki) hō͘ 水波(tsúi-pho) 噴(phùn) tâm-tâm，安然(an-jiân) 生(siⁿ) tī hia。

第一(tē-it) 幅(pak) 圖(tô͘) 是(sī) 表現(piáu-hiān) 出(tshut) 平平(pêng-pêng) 靜靜(tsēng-tsēng) 無(bô) 活氣(ua̍h-khì) ê 安歇(an-hioh)，第(tē) 二(jī) 幅(pak) 圖(tô͘) 卻(khiok) 描寫(biâu-siá) 出(tshut) 有(ū) 活氣(ua̍h-khì) 真正(tsin-tsiàⁿ) ê 安歇(an-hioh)、平安(pêng-an)。

表面(piáu-bīn) 看(khoàⁿ)，基督(ki-tok) 所(só͘) 受(siū) ê，是(sī) 多災(to-tsai) 多難(to-lān) ê 一生(it-sing)。風暴(hong-po̍k)、困難(khùn-lân)，一波(tsi̍t-pho) koh 一波(tsi̍t-pho) 續接(soà-tsiap) 來(lâi)，直到(ti̍t-kàu) 伊(i) 厭倦(ià-siān) ê 身體(sin-thé) hông khǹg tī 墳墓(hûn-bōng) 內(lāi)。總是(tsóng-sī) 伊(i) 內心(lāi-sim) ê 生活(sing-ua̍h) 卻(khiok) 是(sī) 平靜(pêng-tsēng) ná 鏡(kiàⁿ) 一樣(tsi̍t-iūⁿ)，是(sī) 非常(hui-siông) 平靜(pêng-tsēng)。

任何(jīm-hô) 人(lâng) 任何(jīm-hô) 時(sî) tsūn，來(lâi) 到(kàu) 伊(i) 面前(bīn-tsêng)，lóng beh 得(tit) tio̍h 平安(pêng-an)。連(liân) 人間(jîn-kan) ê 鷹犬(ing-khián)(走狗(tsáu-káu)) tī 耶路撒冷(iâ-lō͘-sat-léng) ê 街路(kue-lō͘) teh 當(tng) 等(tán)，teh tshē beh 掠(lia̍h) 伊(i) ê 時(sî)，伊(i) iáu 對(tùi) 伊(i) ê 學生(ha̍k-sing) 講(kóng)，賜(sù) in「我(goá) ê 平安(pêng-an)」。

平安(pêng-an) m̄ 是(sī) tī 禮拜堂(lé-pài-tn̂g) 內(lāi) hit 種(tsióng) 神聖(sîn-sèng) 莊嚴(tsong-giâm) ê 感覺(kám-kak)，是(sī) tuì 內心(lāi-sim) khiā 在(tsāi) tī 上帝(siōng-tè) hit 種(tsióng) ê 恬靜(tiām-tsēng) ê 心境(sim-kéng)。──Henry Drummond

我(goá) 賜(sù) 平安(pêng-an)，當(tng) 你(lí) 悲傷(pi-siong) 煩惱(hoân-ló)，
Hō͘ 你(lí) 平靜(pêng-tsēng)，安慰(an-ùi) kap 信靠(sìn-khò)。

我(goá) 賜(sù) 平安(pêng-an)，當(tng) 祈禱(kî-tó) ná 親像(tshin-tshiūⁿ) 無(bô) 聽見(thiaⁿ-kìⁿ)，
知(tsai) 我(goá) ê 應允(èng-ún)，我(goá) ê 話(oē)，一定(it-tēng) 會(oē) 實施(si̍t-si)。

我(goá) 賜(sù) 平安(pêng-an)，當(tng) 你(lí) 孤獨(ko͘-to̍k)，
夜鷹(iā-ing) 暗暝(àm-mî) ê 歌聲(kua-siaⁿ) siōng suí siōng 快樂(khoài-lo̍k)。

我(goá) 賜(sù) 平安(pêng-an)，當(tng) 死失(sí-sit) 經過(king-koè)，
Uì 光明(kong-bêng) ê 路(lō͘) thàng 到(kàu) 十字架(si̍p-jī-kè)。

我(goá) 賜(sù) 平安(pêng-an)，tī 對敵(tùi-te̍k) 攻擊(kong-kik)、譏刺(ki-tshì)，
通過(thong-kè) 無情(bô-tsêng) 侮辱(bú-jio̍k)，kap 主(tsú) 交陪(kau-poê) ná 甘甜(kam-tiⁿ)。

我(goá) 賜(sù) 平安(pêng-an)，當(tng) 辛苦(sin-khó͘) 工作(kang-tsok) 流汗(lâu-koāⁿ)，
因為(in-ūi) 我(goá) ê 頭額(thâu-gia̍h) 也(iā) 有(ū) 血水(huih-tsúi) teh tsuāⁿ。

我(goá) 賜(sù) 平安(pêng-an)，tī 好(hó) 朋友(pêng-iú) 出賣(tshut-boē)，
平安(pêng-an)、疼痛(thiàⁿ-thàng)，teh 為(ūi) in 祈禱(kî-tó)、赦罪(sià-tsoē)。

我(goá) 賜(sù) 平安(pêng-an)，當(tng) 只有(tsí-ū) 死路(sí-lō͘) 一條(tsi̍t-tiâu)，
十字架(si̍p-jī-kè) 路(lō͘) 通到(thong-kàu) 我(goá) tsia 了(liáu)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com