《台語荒漠甘泉（漢羅版）》

 | | | 轉寄

主對你ê計畫

作者 陳清俊 譯 林俊育 漢羅翻寫 2010.07.25

listen
七月二五(七月二十五日)

「我(góa) 所(só͘) 做(tsòe) ê，你(lí) 現今(hiān-kim) m̄ 知(tsai)，後來(āu-lâi) 就(tsiū) 會曉(ōe-hiáu) 得(tit)。」 (約翰(iok-hān) 13:7)

Tī 現世(hiān-sè)，咱(lán) 看(khòaⁿ) 上帝(siōng-tè) ê 作為(tsok-ûi)，只有(tsí-ū) 片面(phiàn-bīn)，無(bô) 完全(ôan-tsôan)，所(só͘) 見(kìⁿ) tio̍h ê 只是(tsí-sī) 一部分(tsi̍t-pō͘-hūn)，á 是(sī) iáu 無(bô) 全然(tsôan-jiân) 展出(tián-tshut) ê 現象(hiān-siōng)。總是(tsóng-sī) 當(tng) 咱(lán) khiā tī 榮華(êng-hôa) 永遠(éng-óan) ê 聖殿(sèng-tiān) 前(tsêng)，咱(lán) 就(tsiū) 會(ōe) 看(khòaⁿ) tio̍h 全景(tsôan-kéng)，看(khòaⁿ) tio̍h 每(múi) 一項(tsi̍t-hāng) 事(sū) án-tsuáⁿ 奇妙(kî-biāu) 結合做(kiat-ha̍p-tsòe) 一體(tsi̍t-thé)。

咱(lán) thang 想像(sióng-siōng) tī 以色列(í-sik-lia̍t) 王(ông) 所羅門(só͘-lô-mn̂g) ê 時(sî)，黎巴嫩(lî-pa-lùn) ê 眾(tsèng) 山(suaⁿ)，你(lí) thang 看(khòaⁿ) tio̍h 一片(tsi̍t-phiàn) 大(tōa) 叢(tsâng) 高高(kôaiⁿ-kôaiⁿ) ê 香柏樹(hiong-phik-tshiū)。In thang 真(tsin) 驕傲(kiau-ngō͘)，因為(in-ūi) bat 經歷(king-le̍k) 過(kè) 真(tsin) tsuē pái 寒冷(hân-léng) 北風(pak-hong) ê 掃(sàu)，熱天(jo̍ah-thiⁿ) 太陽(thài-iông) ê 曝(pha̍k)，暗暝(àm-mî) 露水(lō͘-tsúi) ê 濕(sip)。有(ū) 鳥(tsiáu) á 造(tsō) siū tī in ê 枝椏(ki-ue)，有(ū) 厭倦(ià-siān) ê 旅客(lí-kheh) kap 遷徙(tshian-sóa) ê 顧羊(kò͘-iûⁿ) 人(lâng) 歇(hioh) tī in ê 蔭影(ìm-ńg) 下(ē)，來(lâi) 閃(siám) bih 炎熱(iām-jia̍t) ê 日頭(ji̍t-thâu)，強烈(kiông-lia̍t) ê 暴風雨(pō-hong-ú)。Siáng 知(tsai)，忽然間(hut-jiân-kan) tsiah-ê 大(tōa) 叢(tsâng) ê 柏香樹(pik-hiuⁿ-tshiū) tī tshò 材(tshâ) 人(lâng) ê 斧頭(pó͘-thâu) 下(ē)，lóng 倒(tó) 落去(lo̍h-khì)！

咱(lán) 看(khòaⁿ) 斧頭(pó͘-thâu) tuì 柏香樹(pik-hiuⁿ-tshiū) phut 頭(thâu) 下(ē) 所(só͘) 產生(sán-sing) ê 傷痕(siong-hûn)，koh 將(tsiong) 所有(só͘-ū) 枝椏(ki-ue) lóng 總(tsóng) 削(siah) 去(khì)，到(kàu) kui 叢(tsâng) 樹(tshiū) 大聲(tōa-siaⁿ) 哀(ai) 一下(tsi̍t-ē) 倒(tó) 落去(lo̍h-khì) tī 土腳(thô͘-kha)。咱(lán) beh 抗議(khòng-gī) tsiah-ê 樹(tshiū) 受(siū) tshò，受(siū) 剿滅(tsâu-bia̍t)，大自然(tāi-tsū-jiân) 受(siū) 破壞(phò-hōai) 表示(piáu-sī) 憤慨(hùn-khài)。咱(lán) beh 親像(tshin-tshiūⁿ) 先知(sian-ti) 撒迦利亞(sat-ka-lī-a) án-ni 講(kóng)：「松樹(siông-tshiū) ah，lín tio̍h 哮(háu)，因為(in-ūi) 柏香樹(pik-hiuⁿ-tshiū) 已經(í-king) 倒(tó)！」 (撒迦利亞(sat-ka-lī-a) 11:2)咱(lán) ná 親像(tshin-tshiūⁿ) ài 請(tshiáⁿ) khah 細(sòe) 叢(tsâng) ê 樹(tshiū) 表示(piáu-sī) 同情(tông-tsêng)，請(tshiáⁿ) 無(bô) 活命(o̍ah-miā) ê 物(mi̍h) 也(iā) 表示(piáu-sī) 怨恨(òan-hūn) tsit 種(tsióng) 行為(hêng-ûi)。

咱(lán) 無(bô) 應該(ing-kai) tsiah 緊(kín) 就(tsiū) 出(tshut) 怨言(òan-giân)，是(sī) 應該(ing-kai) tī「Tshui-lô 往(óng) Hō͘-lân」ê 工人(kang-lâng) 將(tsiong) 樹(tshiū) 運(ūn) 落山(lo̍h-suaⁿ)，kap tsiah-ê 樹(tshiū) 去(khì) 看(khòaⁿ) māi。經過(king-kòe) 地中海(tē-tiong-hái) 船(tsûn) ê 運送(ūn-sàng)，最後(tsòe-āu) tī 上帝(siōng-tè) ê 聖殿(sèng-tiān) 中(tiong) 成做(tsiâⁿ-tsòe) 光光(kng-kng) 滑滑(ku̍t-ku̍t) 光輝(kong-hui) ê 大樑(tōa-niû)。當(tng) 你(lí) 想(siūⁿ) tio̍h tsit 叢(tsâng) 樹(tshiū) ê 最後(tsòe-āu) ê 去處(khì-tshù)，看(khòaⁿ) tio̍h 伊(i) 成做(tsiâⁿ-tsòe) 至聖所(tsì-sèng-só͘) 全能(tsôan-lêng) 君王(kun-ông) 王帽(ông-bō) ê 一(tsi̍t) 粒(lia̍p) 寶石(pó-tsio̍h)，你(lí) iáu 會(ōe) tuì 心(sim) 中(tiong) 講(kóng) tsit-ê「黎巴嫩(lî-pa-lùn) 王帽(ông-bō) ê 寶石(pó-tsio̍h)」樹(tshiū) hông tshò 落來(lo̍h-lâi)，運搬(ūn-puaⁿ)，khǹg tī 尊貴(tsun-kùi) ê 所在(só͘-tsāi) 來(lâi) 出(tshut) 怨言(òan-giân)mah?Tsit-ê 柏香樹(pik-hiuⁿ-tshiū) bat 莊嚴(tsong-giâm) khiā tī 大自然(tāi-tsū-jiân) ê 殿堂(tiān-tn̂g) 裡(nih)，總是(tsóng-sī)「Tsit 間(king) 殿(tiān) 後來(āu-lâi) ê 榮光(êng-kng)，beh 贏過(iâⁿ-kè) 前(tsêng) ê 榮光(êng-kng)。」(哈該(hap-kai) 2:9)

有(ū) 真(tsin) tsuē 人(lâng) 親像(tshin-tshiūⁿ) 老(lāu) ê 柏香樹(pik-hiuⁿ-tshiū)，上帝(siōng-tè) 試煉(tshì-liān) ê 斧頭(pó͘-thâu) kā in 削(siah) 到(kàu) 光光光(kng-kng-kng)，咱(lán) buē-thang 明白(bêng-pe̍k) 為何(ūi-hô) 需要(su-iàu) 受(siū) tsiah 大(tōa) tsiah 困苦(khùn-khó͘) ê 情境(tsêng-kéng)，但是(tān-sī) 上帝(siōng-tè) 心(sim) 中(tiong) 有(ū) 高尚(ko-siōng) ê 目標(bo̍k-piau) kap 目的(bo̍k-tik)，就是(tsiū-sī) beh hō͘ in khiā tī 天裡(thiⁿ-nih) ê 錫安(sik-an) 山(suaⁿ) 做(tsòe) 永遠(éng-óan) ê 大(tōa) 柱(thiāu) kap 大(tōa) kông。伊(i) 對(tùi) in 講(kóng)：「你(lí) beh tī 耶和華(iâ-hô-hua) ê 手(tshiú) 中(tiong) 做(tsòe) suí ê 王帽(ông-bō)，tī 你(lí) ê 上帝(siōng-tè) ê 手掌(tshiú-tsiúⁿ) 做(tsòe) 冕旒(bián-liû)。」(以賽亞(í-sài-a) 62:3) ──J. R. Macduff

無(bô) 求(kiû) 去(khì) 了解(liáu-kái)，去(khì) 明白(bêng-pe̍k) 我(góa) ê 十字架(si̍p-jī-kè)，
Khah 好(hó)，tī 烏暗中(o͘-àm-tiong) 有(ū) 你(lí) thang 摸(bong) tio̍h koh 跟(kun) tè。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org