《台語荒漠甘泉（漢羅版）》

 | | | 轉寄

堅定ǹg上帝

作者 陳清俊 譯 林俊育 漢羅翻寫 2010.07.18

listen
七月十八(七月十八日)

「因為(in-ūi) 耶和華(iâ-hô-hua) ê 目睭(ba̍k-tsiu) tī 全(tsôan) 地(tōe) 看(khòaⁿ) 來(lâi) 看(khòaⁿ) 去(khì)；見若(kìⁿ-nā) 專心(tsuan-sim) ǹg 伊(i) ê，伊(i) beh 顯明(hián-bêng) 伊(i) ê 大(tōa) 氣力(khùi-la̍t) 幫贊(pang-tsān) 伊(i)。」 (歷代志錄(le̍k-tāi-tsì-lio̍k) 下(ē) 16:9)

上帝(siōng-tè) tshē 求(kiû) hiah-ê 心(sim) 堅定(kian-tēng) ǹg 伊(i) ê 男女(lâm-lú)，in 將(tsiong) 一切(it-tshè) 信任(sìn-jīm) 伊(i)，伊(i) 也(iā) 熱切(jia̍t-tshiat) ài in 做(tsòe) khah 大(tōa) ê tāi-tsì。歷史(le̍k-sú) ê 時鐘(sî-tsing) 已經(í-king) tī 十一(tsa̍p-it) 點鐘(tiám-tsing)，最後(tsòe-āu) ê 時(sî) tsūn lah。

全世界(tsôan-sè-kài) teh 看(khòaⁿ) 上帝(siōng-tè) beh 將(tsiong) hiah-ê 交託(kau-thok) 性命(sìⁿ-miā) hō͘ 伊(i) ê 人(lâng) 做(tsòe) 甚麼(sím-mi̍h)。M̄-nā 全世界(tsôan-sè-kài)，連(liân) 上帝(siōng-tè) 本身(pún-sin) 也(iā) teh 等(tán) 甚麼(sím-mi̍h) 人(lâng) siōng 完全(ôan-tsôan) 將(tsiong) 家己(ka-kī) 獻(hiàn) hō͘ 伊(i)，甘心(kam-sim) 放(pàng) sat 一切(it-tshè)，hō͘ 基督(ki-tok) 成做(tsiâⁿ-tsòe) 一切(it-tshè)，完全(ôan-tsôan) 照(tsiàu) 上帝(siōng-tè) ê 旨意(tsí-ì)行(kiâⁿ) 事(sū)，能(ōe) 接受(tsiap-siū) 基督(ki-tok) ê 謙卑(khiam-pi)、信心(sìn-sim)、疼心(thiàⁿ-sim) kap 力量(le̍k-liōng)，buē 阻礙(tsó͘-gāi) tio̍h 上帝(siōng-tè) ê 計畫(kè-ōe)，永遠(éng-óan) hō͘ 伊(i) 繼續(kè-sio̍k) 做(tsòe) 伊(i) 奇妙(kî-biāu) ê 工作(kang-tsok)。──C. H. P.

你(lí) 若(nā) 無(bô) 求(kiû) 家己(ka-kī) ê 榮光(êng-kng)，上帝(siōng-tè) 通過(thong-kè) 你(lí) 所(só͘) 做(tsòe) ê 事(sū) 是(sī) 無限量(bû-hān-liōng) ê。

Mí-lá Jio-jí (George Mueller) tī 九十(káu-tsa̍p) guā 歲(hòe) ê 時(sî)，tuì 一陣(tsi̍t-tīn) 牧師(bo̍k-su) kap 基督徒(ki-tok-tô͘) 工作者(kang-tsok-tsiá) 講(kóng)：「我(góa) 是(sī) tī 1825 年(nî) 11 月(ge̍h) 信(sìn) 主(tsú)，但是(tān-sī) 到(kàu) 1829 年(nî) 7 月(ge̍h) 我(góa) tsiah 完全(ôan-tsôan) 將(tsiong) 我(góa) ê 心(sim) 交託(kau-thok) 伊(i)。到(kàu) hit 時(sî)，我(góa) tsiah 知(tsai)，我(góa) ài 名利(bêng-lī)、權勢(kôan-sè)，kap 世間(sè-kan) 一切(it-tshè) 享樂(hióng-lo̍k) ê 心(sim) 完全(ôan-tsôan) 無(bô) 去(khì)，上帝(siōng-tè) 成做(tsiâⁿ-tsòe) 我(góa) ê 一切(it-tshè)。Tī 伊(i) ê 內面(lāi-bīn) 我(góa) 有(ū) 一切(it-tshè) 我(góa) 所(só͘) 需要(su-iàu)ê，我(góa) 無(bô) 其他(kî-tha) ê 願望(gōan-bōng)。靠(khò) tio̍h 伊(i) ê 恩典(un-tián)，我(góa) 明白(bêng-pe̍k) koh 得(tit) tio̍h 伊(i) ê 充足(tshiong-tsiok)，直到(ti̍t-kàu) 現在(hiān-tsāi)，hō͘ 我(góa) 成做(tsiâⁿ-tsòe) 真正(tsin-tsiàⁿ) 幸福(hēng-hok) ê 人(lâng)，我(góa) 所(só͘) 關心(kuan-sim) ê 只是(tsí-sī) 上帝(siōng-tè) ê 事(sū)。親愛(tshin-ài) ê 信徒(sìn-tô͘) 朋友(pêng-iú)，我(góa) 問(mn̄g) lín 是(sī) m̄ 是(sī) 將(tsiong) 本身(pún-sin) 完全(ôan-tsôan) 交託(kau-thok) 上帝(siōng-tè)，á 是(sī)，你(lí) ê 性命(sìⁿ-miā) 中(tiong)，無(bô) tshap 上帝(siōng-tè) 對(tùi) 你(lí) ê 呼召(ho͘-tiàu)，是(sī) m̄ 是(sī) iáu 有(ū) 甚麼(sím-mi̍h) 物(mi̍h) m̄ 肯(khéng) 放(pàng)，á 是(sī) 交(kau) 出來(tshut-lâi) ê mah?

Tī 我(góa) iáu-buē 交(kau) 出(tshut) 性命(sìⁿ-miā) ê 以前(í-tsêng)，我(góa) 看(khòaⁿ) 真(tsin) tsuē 其他(kî-tha) ê 冊(tsheh)，反(hóan) tńg 聖經(sèng-king) 看(khòaⁿ) khah 少(tsió)。但是(tān-sī) tuì hit tiap 起(khí)，伊(i) 藉(tsià) tio̍h 聖經(sèng-king) hō͘ 我(góa) 明白(bêng-pe̍k) 伊(i) ê 真理(tsin-lí)，hō͘ 我(góa) 有(ū) 講(kóng) buē 出(tshut) ê 福份(hok-hūn)。我(góa) 現在(hiān-tsāi) 誠實(sêng-si̍t) tuì 內心(lāi-sim) 講(kóng) 出來(tshut-lâi)，上帝(siōng-tè) 是(sī) 無限(bû-hān) 奇妙(kî-biāu) ê 神(sîn)！」

「請(tshiáⁿ) 你(lí) 定(tiāⁿ) tio̍h 決心(kuat-sim)，若(nā) 無(bô) tuì 心靈(sim-lêng) siōng 深(tshim) ê 所在(só͘-tsāi) 講(kóng) 出(tshut)，『上帝(siōng-tè) 是(sī) 無限(bû-hān) 奇妙(kî-biāu) ê 神(sîn)』，就(tsiū) m̄ 放(pàng)suah。」

我(góa) 今(kin) á 日(ji̍t) ê 祈禱(kî-tó) 是(sī) 求(kiû) 上帝(siōng-tè) hō͘ 我(góa) 成做(tsiâⁿ-tsòe) 一個(tsi̍t-ê) 特別(te̍k-pia̍t) ê 基督徒(ki-tok-tô͘)。──George Whitefield


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org