《台語荒漠甘泉（漢羅版）》

 | | | 轉寄

Siōng適當ê十字架

作者 陳清俊 譯 林俊育 漢羅翻寫 2010.08.29

listen
八月二九(八月二十九日)

「家己(ka-kī) giâ 伊(i) ê 十字架(si̍p-jī-kè)。」(約翰(iok-hān) 19：17)

「換(ōaⁿ) 十字架(si̍p-jī-kè)」是(sī) 一(tsi̍t) 首(siú) 詩(si)，講(kóng) 起(khí) 有(ū) 一個(tsi̍t-ê) 厭倦(ià-siān) ê 婦女(hū-lú)，伊(i) 想(siūⁿ) 伊(i) 所(só͘) 背(pē) ê 十字架(si̍p-jī-kè) 比(pí) 別人(pa̍t-lâng) khah 重(tāng)，所以(só͘-í) 希望(hi-bōng) uē-thang 選(sóan) 另外(lēng-gōa) 別人(pa̍t-lâng) ê 十字架(si̍p-jī-kè)。當(tng) 伊(i) 睏(khùn) ê 時(sî)，夢見(bāng-kìⁿ) hō͘ 人(lâng) tshuā 到(kàu) 有(ū) 真(tsin) tsuē 無(bô) siâng 款(khóan) ê 十字架(si̍p-jī-kè) ê 所在(só͘-tsāi)，thang 來(lâi) 選(sóan)。In ê 形(hêng) 無(bô) siâng，大(tōa) 細(sòe) 無(bô) siâng，其中(kî-tiong) 有(ū) 一支(tsi̍t-ki) 鑲(siuⁿ) 寶石(pó-tsio̍h)，安(an) 黃金(n̂g-kim) ê 十字架(si̍p-jī-kè)。伊(i) 講(kóng)：「我(góa) thang 爽快(sóng-khòai) 來(lâi) 背(pē) tsit 支(ki)。」就(tsiū) giâ tsit 支(ki) 十字架(si̍p-jī-kè) 起來(khí-lâi)，無(bô) phah 算(sǹg)，tsit 支(ki) 相當(siong-tong) tāng，用(ēng) 伊(i) ê 身體(sin-thé) giâ tsit 支(ki) 就(tsiū) khiā 無(bô) 好勢(hó-sè)，強強(kiông-kiông) beh 跋倒(po̍ah-tó)。寶石(pó-tsio̍h) 金(kim) 金(kim) sih-sih 實在(si̍t-tsāi) 真(tsin) suí，總是(tsóng-sī) 對(tùi) 伊(i) siuⁿ 重(tāng) lah。

續落去(sòa-lo̍h-khì) 看(khòaⁿ) tio̍h 一支(tsi̍t-ki) 真(tsin) suí ê 十字架(si̍p-jī-kè)，有(ū) 刻(khik) 圖樣(tô͘-iūⁿ)，koh 有(ū) 星(tshiⁿ) 花(hue) tńg-se̍h tī 頂面(téng-bīn)。 伊(i) 想(siūⁿ) 這(tse) 一定(it-tēng) 真(tsin) 適合(sik-ha̍p) 伊(i)。伊(i) 一下(tsi̍t-ē) the̍h 起來(khí-lâi)，花(hue) ê 下面(ē-bīn) 有(ū) 刺(tshì)，鑿破(tsha̍k-phòa) 伊(i) ê 皮膚(phê-hu) 流血(lâu-huih)。

最後(tsòe-āu) 伊(i) 看(khòaⁿ) tio̍h tsit-ê 真(tsin) 樸素(phok-sò͘) ê 十字架(si̍p-jī-kè)，無(bô) 寶石(pó-tsio̍h)，無(bô) 雕刻(tiau-khik)，頂面(téng-bīn) 只有(tsí-ū) 寫(siá) 幾(kúi) 字(jī) 表示(piáu-sī) 疼(thiàⁿ) ê 字(jī)，伊(i) kā 伊(i) the̍h 起來(khí-lâi)，確實(khak-si̍t) 比(pí) 其他(kî-tha) 所有(só͘-ū) ê 十字架(si̍p-jī-kè) khah 好(hó)，也(iā) 容易(iông-īⁿ) 背(pē)。伊(i) 一下(tsi̍t-ē) 看(khòaⁿ)，發現(huat-hiān) he 是(sī) 浸(tsìm) 過(kè) tī 天頂(thiⁿ-téng) ê 光輝(kong-hui) 內(lāi) 會(ōe) 發(huat) 光(kng)。Koh 看(khòaⁿ)，原來(gôan-lâi) 是(sī) 伊(i) 家己(ka-kī) hit 支(ki) 十字架(si̍p-jī-kè)。伊(i) 現在(hiān-tsāi) tsiah 知(tsai)，這(tse) 是(sī) 對(tùi) 伊(i) siōng 好(hó) ê 一支(tsi̍t-ki)，對(tùi) 伊(i) 是(sī) siōng 輕鬆(khin-sang)，適合(sik-ha̍p) ê。

你(lí) 看(khòaⁿ)，上帝(siōng-tè) siōng 清楚(tshing-tshó) 咱(lán) 所(só͘) 需要(su-iàu) 是(sī) tó tsit 種(tsèng) ê 十字架(si̍p-jī-kè)。咱(lán) buē 了解(liáu-kái) 別人(pa̍t-lâng) ê 十字架(si̍p-jī-kè) 是(sī) juā 重(tāng)，咱(lán) 看(khòaⁿ) 別人(pa̍t-lâng) 生活(sing-o̍ah) ná 真(tsin) 安逸(an-ia̍t) 自在(tsū-tsāi)，伊(i) ê 十字架(si̍p-jī-kè) 有(ū) 花(hue) 裝飾(tsng-thāⁿ)，總是(tsóng-sī) 咱(lán) 若(nā) 會(ōe) 一一(it-it) 將(tsiong) 咱(lán) 所(só͘) 認為(jīm-ûi) 比(pí) 家己(ka-kī) khah 輕(khin) ê 十字架(si̍p-jī-kè) 來(lâi) 試驗(tshì-giām)，就(tsiū) beh 發現(huat-hiān) 無(bô) 一支(tsi̍t-ki) 比(pí) 咱(lán) 本來(pún-lâi) ê，khah 適當(sik-tòng)。──tuì《生活(sing-o̍ah) ê 窗(thang) á》

若是(nā-sī) 你(lí) 緊緊(kín-kín) 放棄(hòng-khì) 你(lí) ê 十字架(si̍p-jī-kè)，
Tī 世間(sè-kan) á 是(sī) 別(pa̍t) 所在(só͘-tsāi) 你(lí) lóng 無法度(bô͘-huat-tō͘)koh tshē。
Tī tsia，你(lí) 為(ūi) 上帝(siōng-tè) ê 緣故(iân-kò͘) 受苦(siū-khó͘) 只有(tsí-ū) tī 現世(hiān-sè)，
Tī 未來(bī-lâi) 世界(sè-kài)，咱(lán) beh 疼(thiàⁿ) 伊(i)，事奉(sū-hōng) 伊(i)，o-ló 天父(thiⁿ-pē)。
歡喜(huaⁿ-hí) ná 來(lâi) ná 接近(tsiap-kūn) 祖家(tsó͘-ke)。
Hit 時(sî)，咱(lán) 無(bô) koh 受(siū) 召(tiàu) 來(lâi) 受苦(siū-khó͘) 怨慼(òan-tsheh)。
受苦(siū-khó͘) 指示(tsí-sī) tsit 時(sî) ê khang-khè。
一(tsi̍t) 兩(nn̄g) 點鐘(tiám-tsing) ê 受苦(siū-khó͘) kiám buē-tàng 忍(jím) neh?
若是(nā-sī) 伊(i) 今日(kim-ji̍t) 召(tiàu) 你(lí) 脫離(thuat-lî) 你(lí) ê 十字架(si̍p-jī-kè)，
「照(tsiàu) 你(lí) 祈禱(kî-tó) hō͘ 你(lí) 脫離(thuat-lî) 艱苦(kan-khó͘) ê 十字架(si̍p-jī-kè)。」
你(lí) beh 感覺(kám-kak) 遺憾(ûi-hām) koh pháiⁿ-sè，
「Tsiah-nih 緊(kín) 就(tsiū) beh 召(tiàu) 我(góa) tńg 去(khì) 天家(thiⁿ-ke)？
我(góa) ài koh tiap-á 久(kú)，因為(in-ūi) 我(góa) iáu 未(bōe) o-ló 上帝(siōng-tè)。」
所以(só͘-í) 咱(lán) teh 等(tán) ê，beh 緊緊(kín-kín) 來(lâi)，緊緊(kín-kín) 過(kè)，
把握(pá-ak) 現在(hiān-tsāi)，tī 咱(lán) 身上(sin-tsiūⁿ) 來(lâi) 榮光(êng-kng) 天父(thiⁿ-pē)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org