《台語荒漠甘泉（漢羅版）》

 | | | 轉寄

苦難kap拯救

作者 陳清俊 譯 林俊育 漢羅翻寫 2010.08.22

listen
八月二二(八月二十二日)

「其餘(kî-û) ê 人(lâng) 有(ū) ê 用(ēng) 枋(pang)，有(ū) ê 用(ēng) 船(tsûn) 內(lāi) ê 物(mi̍h)。Tuì án-ni，眾人(tsèng-lâng) lóng 得救(tit-kiù) 上山(tsiūⁿ-suaⁿ))。」 (使徒(sù-tô͘) 行傳(hêng-tōan) 27：44)

保羅(Pó-lô) 去(khì) 羅馬(lô-má) 坐船(tsē-tsûn) ê 奇妙(kî-biāu) 故事(kò͘-sū)，充滿(tshiong-móa) 了(liáu) 患難(hōan-lān) kap 勝利(sèng-lī)，正是(tsiàⁿ-sī) 人生(jîn-sing) 信心(sìn-sim) ê 旅行(lú-hêng)，有(ū) 光明(kong-bêng)，有(ū) 烏暗(o͘-àm) 極(ke̍k) 好(hó) ê 例(lē)。旅途(lú-tô͘) 中(tiong) siōng 偉大(úi-tāi)，了不起(liáu-put-khí)ê，是(sī) tī 困境(khùn-kéng)、危險(gûi-hiám) ê 所在(só͘-tsāi)，有(ū) 上帝(siōng-tè) 特別(te̍k-pia̍t) ê 供應(kiòng-èng) kap 干涉(kan-sia̍p) 作為(tsok-ûi)。

一般(tsi̍t-puaⁿ) 人(lâng) 誤會(gō͘-hōe)，掠(lia̍h) 做(tsòe) 做(tsòe) 一個(tsi̍t-ê) 基督徒(ki-tok-tô͘)，伊(i) ê 信心(sìn-sim) ê 路程(lō͘-thêng) 遍地(phian-tē) 充滿(tshiong-móa) 花(hue) ê suí，實際(si̍t-tsè) ê 經驗(king-giām) tú-tú 相反(siong-hóan)。聖經(sèng-king) ê 信息(sìn-sit) 是(sī)「已經(í-king) 有(ū) 做(tsòe) 干證(kan-tsèng) ê 到(kàu) hiah tsuē，親像(tshin-tshiūⁿ) 雲(hûn) 圍(ûi) 咱(lán)，」 (希伯來(hi-pik-lâi) 12：1) tsiah-ê 人(lâng) ê 一生(it-sing) 無(bô) m̄ 是(sī) tī 苦難(khó͘-lān) kap 得勝(tik-sèng) 相(saⁿ) 交替(kau-thè)，tuì 亞伯(a-pik) 到(kàu) 最後(tsòe-āu) 一位(tsi̍t-ūi) 殉道者(sûn-tō-tsiá) lóng 是(sī) án-ni。

保羅(Pó-lô) 是(sī) 一個(tsi̍t-ê) 極(ke̍k) 特殊(te̍k-sû) ê 例(lē)，說明(suat-bêng) 上帝(siōng-tè) ê kiáⁿ 兒(jî) 受苦(siū-khó͘)，精神(tsing-sîn) 卻(khiok) buē 受(siū) 擊倒(kik-tó)，也(iā) buē 解體(kái-thé) 破碎(phò͘-tshùi) lik 落去(lo̍h-khì)。伊(i) tī 大馬色(tāi-má-sik) 受(siū) 召(tiàu) 了後(liáu-āu)，做(tsòe) 見證(kiàn-tsèng)，受(siū) 迫害(pik-hāi) 追趕(tui-kóaⁿ)，人(lâng) beh 害(hāi) 伊(i)，為(ūi) tio̍h 性命(sìⁿ-miā) 就(tsiū) ài 逃閃(tô-siám)。總是(tsóng-sī) 並(pēng) 無(bô) 天軍(thian-kun)、天車(thian-tshia)、天馬(thian-bé) tuì 天(thiⁿ) 降(kàng) 落來(lo̍h-lâi) 拯救(tsín-kiù) tsit-ê 聖徒(sèng-tô͘) 脫離(thuat-lî) 敵人(te̍k-jîn) ê 手(tshiú)，上帝(siōng-tè) 用(ēng) 真(tsin) 簡單(kán-tan) koh 平常(pêng-siông) ê 方法(hong-huat) hō͘ 伊(i) 脫出(thuat-tshut)。「若是(nā-sī) 伊(i) ê 學生(ha̍k-sing) 透暝(thàu-mî) 將(tsiong) 伊(i) 用(ēng) 籃(nâ) tuì 城牆(siâⁿ-tshiûⁿ) kā 伊(i) luī 落去(lo̍h-khì)。」(使徒(sù-tô͘) 行傳(hêng-tōan) 9：25)伊(i) 是(sī) tshàng tī 舊(kū) ê 衫(saⁿ) 籃(nâ) 內(lāi)，親像(tshin-tshiūⁿ) 一捆(tsi̍t-khún) 衫(saⁿ) á 是(sī) 貨物(hè-mi̍h)。主(tsú) 耶穌(Iâ-so͘) 基督(ki-tok) ê 僕人(po̍k-jîn) 是(sī) tuì 窗(thang) á 口(kháu) liu 落去(lo̍h-khì) 到(kàu) 城牆(siâⁿ-tshiûⁿ) 外口(gōa-kháu)，用(ēng) 低低(kē-kē) ê 姿勢(tsu-sè) 逃避(tô-phiah) 敵人(te̍k-jîn) ê 怨恨(òan-hūn)。

後來(āu-lâi) 咱(lán) 也(iā) 知(tsai)，保羅(Pó-lô) 孤單(ko͘-tuaⁿ) 受(siū) 關監(kuaiⁿ-kaⁿ) 受苦(siū-khó͘) tsuē-tsuē 月(ge̍h) 日(ji̍t)，寫(siá) 講(kóng)：「無(bô) 睏(khùn)，無(bô) 食(tsia̍h)」 (哥林多(ko-lîm-to) Ṳ 6：5)，koh 如何(jû-hô) hō͘ 朋友(pêng-iú) 棄(khì) sak，受(siū) 鞭(piⁿ) phah，甚至(sīm-tsì) 上帝(siōng-tè) 應允(èng-ún) 解救(kái-kiù) 伊(i) 以後(í-āu)，iáu tú-tio̍h 海(hái) 中(tiong) 大(tōa) 風湧(hong-éng) ê 艱苦(kan-khó͘)，到(kàu) 險險(hiám-hiám) 死(sí) 去(khì)，也(iā) 不得不(put-tik-put) 保護(pó-hō͘) 想(siūⁿ) beh 逃(tô) 走(tsáu) ê 水手(tsúi-siú)。最後(tsòe-āu) in 得(tit) tio̍h 解救(kái-kiù)，mā m̄ 是(sī) tuì 天(thiⁿ) 降(kàng) 天船(thian-tsûn) 來(lâi) 救(kiù)，也(iā) m̄ 是(sī) 天使(thiⁿ-sài) 行(kiâⁿ) 水面(tsúi-bīn) 來(lâi) 解救(kái-kiù)，á 是(sī) 命令(bēng-lēng) 暴雨(po̍k-ú) 強(kiông) 風(hong) 大湧(tōa-éng) 靜靜(tsēng-tsēng) ê 特殊(te̍k-sû) 權能(kôan-lêng)。只有(tsí-ū) 用(ēng) 平凡(pêng-hôan) siōng 自然(tsū-jiân) ê 方法(hong-huat)，用(ēng) 柴(tshâ)，用(ēng) 船(tsûn) ê 枋(pang)，á 是(sī) 柴箍(tshâ-kho͘)，能(ōe) 浮(phû) tī 水面(tsúi-bīn)，koh 也(iā) 有(ū) 人(lâng) 用(ēng) 泅水(siû-tsúi) 上岸(tsiūⁿ-hōaⁿ)。

Tsit-ê 故事(kò͘-sū)，咱(lán) thang 知(tsai) 上帝(siōng-tè) 為(ūi) 咱(lán) 性命(sìⁿ-miā) 定(tiāⁿ) 一個(tsi̍t-ê) 模式(mô͘-sik)。Tsit-ê 好(hó) ê 信息(sìn-sit) 是(sī)「tuì 生活(sing-o̍ah) tī 凡間(hôan-kan) 普通(phó͘-thong) 環境(khôan-kéng) 下(ē)，用(ēng) 完全(ôan-tsôan) 普通(phó͘-thong) ê 方式(hong-sik)，來(lâi) 應付(èng-hù) 各種(kok-tsióng) 普通(phó͘-thong) 情況(tsêng-hóng) ê 人(lâng)。」

上帝(siōng-tè) ê 應允(èng-ún) kap 伊(i) ê 供應(kiòng-èng) 無(bô) hō͘ 咱(lán) 超越(tshiau-o̍at) 這(tse) 實實(si̍t-si̍t) 在在(tsāi-tsāi) ê 世界(sè-kài)，kap 日常(ji̍t-siông) ê 苦難(khó͘-lān)，因為(in-ūi) 咱(lán) ê 信心(sìn-sim) beh tuì tsiah-ê 平常(pêng-siông) ê 事(sū) 來(lâi) 得(tit) 完美(ôan-bí)。上帝(siōng-tè) 也(iā) ài tsit-ê 世界(sè-kài)，將(tsiong) 伊(i) ê 疼痛(thiàⁿ-thàng) ê 金線(kim-sòaⁿ) kap 咱(lán) 日常(ji̍t-siông) 生活(sing-o̍ah) 喜樂(hí-lo̍k) kap 苦難(khó͘-lān) 織(tsit) 作伙(tsòe-hé)。──tuì「信心(sìn-sim) oh 行(kiâⁿ) ê 道路(tō-lō͘)」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org