《台語荒漠甘泉（漢羅版）》

 | | | 轉寄

全方向ê扶持

作者 陳清俊 譯 林俊育 漢羅翻寫 2010.09.12

listen
九月十二(九月十二日)

「Hit-ê 靠(khò) tī 伊(i) 所(só͘) 戀愛(lôan-ài) ê，tuì 曠野(khòng-iá) 上來(tsiūⁿ-lâi) ê，這(tse) 是(sī) tsī-tsuī?」 (雅歌(ngá-ko) 8：5)

我(góa) bat tī 一間(tsi̍t-king) 南方(lâm-hong) ê 教會(kàu-hōe) 學(o̍h) tio̍h 寶貴(pó-kùi) ê 功課(kong-khò)，有(ū) 一個(tsi̍t-ê) 人(lâng) 祈禱(kî-tó)，求(kiû) 主(tsú) 賜福(sù-hok)，親像(tshin-tshiūⁿ) 你(lí) 我(góa) ê 祈禱(kî-tó)，也(iā) 為(ūi) 得(tit) tio̍h ê 真(tsin) tsuē 福氣(hok-khì) 來(lâi) 感謝(kám-siā)，也(iā) 是(sī) 親像(tshin-tshiūⁿ) 你(lí) 我(góa) ê 感謝(kám-siā) 一樣(tsi̍t-iūⁿ)。總是(tsóng-sī) 伊(i) tī 祈禱(kî-tó) beh 結束(kiat-sok) 以前(í-tsêng)，伊(i) 有(ū) 一個(tsi̍t-ê) 無(bô) 平常(pêng-siông) ê 請求(tshéng-kiû) 講(kóng)：「iáu 有(ū)，主(tsú) ah，扶持(hû-tshî) 支持(tsi-tshî) 我(góa)，tī 我(góa) 會(ōe) khi 去(khì) ê 每(múi) tsit 方面(hong-bīn)，每(múi) 一個(tsi̍t-ê) teh 斜(tshiâ) ê 方向(hong-hiòng)，扶持(hû-tshî) 我(góa)，hō͘ 伊(i) 四正(sì-tsiàⁿ)。」

你(lí) 有(ū) 軟弱(lóan-jio̍k) 需要(su-iàu) 靠(khò) 人(lâng) 扶(hû) ê 時(sî) mah? Tsit-ê 謙卑(khiam-pi) ê 人(lâng)，tùi新(sin) ê 角度(kak-tō͘) 來(lâi) 看(khòaⁿ) tsit-ê 事(sū)，有(ū) 新(sin) ê 意思(ì-sù)，看(khòaⁿ) 上帝(siōng-tè) 是(sī) 一個(tsi̍t-ê) 偉大(úi-tāi) ê 扶持者(hû-tshî-tsiá)，伊(i) 認為(jīm-ûi) 上帝(siōng-tè) lóng tī 基督徒(ki-tok-tô͘) ê 身邊(sin-piⁿ)，隨時(sûi-sî) 準備(tsún-pī) tshun 伊(i) ê 聖手(sèng-tshiú) 全(tsôan) 方向(hong-hiòng) teh 扶持(hû-tshî) 軟弱(lóan-jio̍k) ê 人(lâng)。

我(góa) 所(só͘) 疼(thiàⁿ) ê kiáⁿ，重(tāng) 重(tāng) phīng-uá，
Hō͘ 我(góa) 感受(kám-siū) 你(lí) 沉重(tîm-tāng) ê 憂慮(iu-lū) 孤單(ko͘-tuaⁿ)，
Kiáⁿ ah，我(góa) 知(tsai) 你(lí) ê 重擔(tāng-tàⁿ)，我(góa) 計畫(kè-ōe) 中(tiong)，
Tsit-ê 重量(tāng-liōng)，超過(tshiau-kè) 你(lí) ê 力量(le̍k-liōng)，
當(tng) 我(góa) 將(tsiong) 擔(tàⁿ) khǹg tī 你(lí)，
「我(góa) tī 你(lí) 身邊(sin-piⁿ)，當(tng) 你(lí) 靠(khò) uá 我(góa) ê 時(sî)，
Tsit-ê 重量(tāng-liōng) 是(sī) 我(góa) ê，m̄ 是(sī) 你(lí)。
我(góa) 用(ēng) 疼(thiàⁿ) ê 手(tshiú) 抱(phō) 我(góa) 眾(tsèng) kiáⁿ 兒(jî)。」
安心(an-sim) tī tsia，m̄ 免驚(bián-kiaⁿ)，
將(tsiong) 擔(tàⁿ) hē tī 執政者(tsip-tsèng-tsiá)，
Khah 近(kūn) uá，你(lí) iáu 無(bô) 夠(kàu) 近(kūn)，
我(góa) beh 擔(tàⁿ) 你(lí) ê 憂悶(iu-būn)，
Hō͘ 我(góa) 感受(kám-siū) tio̍h 我(góa) kiáⁿ phīng teh 穩穩(ún-ún)，
我(góa) 知(tsai) 你(lí) 疼(thiàⁿ) 我(góa)，無(bô) koh 懷疑(hôai-gî)、khing-hun，
疼(thiàⁿ) 我(góa)，緊緊(kín-kín) phīng-tī 我(góa) 得(tit) 平順(pêng-sūn)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org