《台語荒漠甘泉（漢羅版）》

 | | | 轉寄

修剪

作者 陳清俊 譯 林俊育 漢羅翻寫 2010.09.19

listen
九月十九(九月十九日)

「我(góa) ê 父(pē) 是(sī) 作園(tsoh-hn̂g) ê 人(lâng)。」(約翰(iok-hān) 15：1)

這(tse) 是(sī) 一個(tsi̍t-ê) 安慰(an-ùi) ê 想法(siūⁿ-huat)：咱(lán) 受(siū) ê 苦難(khó͘-lān) 無論(bô-lūn) 是(sī) tó 一(tsi̍t) 款(khóan)，lóng 是(sī) 上帝(siōng-tè) 差(tsha) 來(lâi) ê 天使(thiⁿ-sài)。Tuì 表面(piáu-bīn) 看(khòaⁿ)，苦難(khó͘-lān) 產生(sán-sing) 痛疼(thiàⁿ-thàng)，甚至(sīm-tsì) 破壞(phò-hōai)；內心(lāi-sim) 看(khòaⁿ)，卻(khiok) 是(sī) 靈性(lêng-sèng) ê 工作(kang-tsok) 帶來(tòa-lâi) 祝福(tsiok-hok)。咱(lán) 所得(só͘-tit) ê 福氣(hok-khì)，真(tsin) tsuē lóng 是(sī) tuì 憂傷(iu-siong)、痛疼(thiàⁿ-thàng) ê 結果(kiat-kó)。咱(lán) 永遠(éng-óan) m̄-thang buē 記得(kì-tit)，世間(sè-kan) siōng 大(tōa) ê 祝福(tsiok-hok) 就是(tsiū-sī) 人(lâng) 得(tit) tio̍h 救贖(kiù-sio̍k)，這(tse) 是(sī) tuì 世上(sè-tsiūⁿ) siōng 大(tōa) ê 憂傷(iu-siong) 所(só͘) 結(kiat) ê 果子(ké-tsí)。果子樹(kóe-tsí-tshiū) 需要(su-iàu) 修剪(siu-tsián)，鉸刀(ka-to) 剪(tsián) 真(tsin) 深(tshim) 真(tsin) 厲害(lī-hāi)，受(siū) 創傷(tshòng-siong) 真(tsin) 重(tāng)，若(nā) 知(tsai)「我(góa) ê 父(pē) 是(sī) 作園(tsoh-hn̂g) ê 人(lâng)」是(sī) juā-tsiâⁿ ê 安慰(an-ùi) ah!

十九(tsa̍p-káu) 世紀(sè-kí) 尾(bé)，二十(jī-tsa̍p) 世紀(sè-kí) 初(tsho͘)，美國(Bí-kok) 衛理公會(ūi-lí-kong-hōe) 主教(tsú-kàu) Bûn-sing 約翰(iok-hān)(John Vincent)帶領(tài-niá) 主日學(tsú-ji̍t-o̍h) 運動(ūn-tōng)。有(ū) 一(tsi̍t) pái 講(kóng) tio̍h 伊(i) 去(khì) 一個(tsi̍t-ê) 大(tōa) 溫室(un-sik)，內面(lāi-bīn) 兩(nn̄g) pîng 生(siⁿ) 出(tshut) 真(tsin) 大(tōa) pha koh suí koh tsuē ê 葡萄(phû-tô)。溫室(un-sik) ê 主人(tsú-lâng) 對(tùi) 伊(i) 講(kóng)：「記得(kì-tit) hit 年(nî) 新(sin) ê 作園(tsoh-hn̂g) 人(lâng) 來(lâi) ê 時(sî)，講(kóng)，伊(i) 若(nā) 無(bô) 將(tsiong) 葡萄(phû-tô) tîn 大大(tōa-tōa) 修剪(siu-tsián)，伊(i) 就(tsiū) 無(bô) beh 插手(tshap-tshiú) tī tsiah-ê 葡萄(phû-tô) ê 栽培(tsai-pôe)。我(góa) 順(sūn) 伊(i) ê 意(ì) hō͘ 伊(i) 放心(hòng-sim) 去(khì) 做(tsòe)，結果(kiat-kó) 雖然(sui-jiân) 有(ū) 兩(nn̄g) 年(nî) lóng 無(bô) 收成(siu-sêng)，總是(tsóng-sī) 現在(hiān-tsāi) 你(lí) 看(khòaⁿ) tio̍h hit-ê 成果(sêng-kó) lah。」

Tsit-ê 修剪(siu-tsián) ê 故事(kò͘-sū) 應用(èng-iōng) tī 基督徒(ki-tok-tô͘) 生活(sing-o̍ah) 是(sī) 真(tsin) 有(ū) 意思(ì-sù)，修剪(siu-tsián)，ná 親像(tshin-tshiūⁿ) 毀滅(húi-bia̍t) 葡萄藤(phû-tô-tîn)，園丁(hn̂g-ting)(作園(tsoh-hn̂g) 人(lâng)) ná 親像(tshin-tshiūⁿ) beh lóng 總(tsóng) 除去(tû-khì)，總是(tsóng-sī) 伊(i) 看(khòaⁿ) 到(kàu) 未來(bī-lâi)，知(tsai) 葡萄藤(phû-tô-tîn) 會(ōe) koh 發(huat)，koh 真(tsin) 茂盛(bō͘-sēng)，收成(siu-sêng) koh-khah 豐富(hong-hù)。

真(tsin) tsuē ê 福份(hok-hūn) 得(tit) buē tio̍h，除非(tû-hui) 願意(gōan-ì) 付出(hù-tshut) 痛苦(thòng-khó͘) ê 代價(tāi-kè)，因為(in-ūi) 苦難(khó͘-lān) 是(sī) 唯一(ûi-it) 得(tit) tio̍h 祝福(tsiok-hok) ê 道路(tō-lō͘)。──J. R. Miller

Kap 快樂(khòai-lo̍k) 作伙(tsòe-hé) 行(kiâⁿ)，
伊(i) 一(tsi̍t) 路(lō͘) 講話(kóng-ōe) lóng buē 定(tiāⁿ)，
講(kóng) kah hiah tsuē 件(kiāⁿ)，
無(bô) 增加(tsing-ka) 智慧(tì-hūi)，真正(tsin-tsiàⁿ)。

Kap 憂傷(iu-siong) 同(tâng) 作伙(tsòe-hé)，
一(tsi̍t) 路(lō͘) lóng 無(bô) 講話(kóng-ōe)，
對(tùi) 伊(i) ê 表現(piáu-hiān) 來(lâi) 體會(thé-hōe)，
Hō͘ 我(góa) 學(o̍h) 真(tsin) tsuē。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org