《台語荒漠甘泉（漢羅版）》

 | | | 轉寄

細細輕輕ê聲音

作者 陳清俊 譯 林俊育 漢羅翻寫 2010.10.03

listen
十月初三(十月三日)

「地動(tē-tāng) 了後(liáu-āu) 有(ū) 火(hé)；...火(hé) 了後(liáu-āu) 有(ū) 細(sòe) koh 輕(khin) ê 聲(siaⁿ)。」 (列王記(lia̍t-ông-kì) 上(siōng) 19：12)

有(ū) 一個(tsi̍t-ê) 婦女(hū-lú) 信(sìn) 主(tsú) 了後(liáu-āu)，伊(i) ê 靈性(lêng-sèng) 進步(tsìn-pō͘) 真(tsin) 緊(kín)。人(lâng) 看(khòaⁿ) 伊(i) 輕輕(khin-khin) 鬆鬆(sang-sang) 就(tsiū) 有(ū) 成就(sêng-tsiū)，就(tsiū) 問(mn̄g) 伊(i) ê 祕訣(pì-kuat)。伊(i) ê 回答(hôe-tap) 真(tsin) 簡單(kán-tan)，「體會(thé-hōe) 出(tshut) 上帝(siōng-tè) ê 阻擋(tsó͘-tòng)、禁止(kìm-tsí)。」

真(tsin) tsuē 人(lâng) 對(tùi) 上帝(siōng-tè) ê 認識(jīm-bat) 進步(tsìn-pō͘) 真(tsin) 慢(bān)，就是(tsiū-sī) 因為(in-ūi) buē 曉(hiáu) 體會(thé-hōe) tio̍h 上帝(siōng-tè) tsit 種(tsèng) 溫柔(un-jiû) ê 阻擋(tsó͘-tòng)，也(iā) 就是(tsiū-sī) 伊(i) 對(tùi) 咱(lán) ê 言行(giân-hêng) 所(só͘) 禁(kìm) ê，真(tsin) 敏感(bín-kám) 用心(iōng-sim) 去(khì) 體會(thé-hōe)。伊(i) 用(ēng) hit-ê「微細(bî-sòe) ê 聲音(siaⁿ-im)」，真(tsin) 弱小(jio̍k-sió) 但是(tān-sī) 不斷(put-tōan)、無(bô) 停(thêng)，耳孔(hīⁿ-khang) 真(tsin) oh 聽見(thiaⁿ-kìⁿ)，ài 用(ēng) 心靈(sim-lêng) 去(khì) 感受(kám-siū)。親像(tshin-tshiūⁿ) 清早(tshing-tsá) 微微(bî-bî) ê 風(hong) 輕輕(khin-khin) 摸(bong) tio̍h 你(lí) ê 心(sim) 一樣(tsi̍t-iūⁿ)。你(lí) 若(nā) 全(tsôan) 心(sim) 用(ēng) 心靈(sim-lêng) ê 耳孔(hīⁿ-khang) 靜靜(tsēng-tsēng) 去(khì) 體會(thé-hōe)，就(tsiū) 會(ōe) 聽(thiaⁿ) 起來(khí-lâi) ná 清楚(tshing-tshó)。

原來(gôan-lâi) 上帝(siōng-tè) ê 聲音(siaⁿ-im) 是(sī) 用(ēng) 有(ū) 疼心(thiàⁿ-sim) ê 耳孔(hīⁿ-khang) 去(khì) 聽(thiaⁿ) ê，有(ū) 真正(tsin-tsiàⁿ) ê 疼心(thiàⁿ-sim)，連(liân) siōng 微細(bî-sòe)，siōng 弱小(jio̍k-sió) ê 耳孔(hīⁿ-khang) 聲(siaⁿ) 也(iā) 能(ōe) 聽(thiaⁿ) tio̍h。總是(tsóng-sī) 咱(lán) 若(nā) buâi tshap 伊(i)，無(bô) 相信(siong-sìn) 伊(i) 發出(huat-tshut) ê 信息(sìn-sit)，伊(i) 疼(thiàⁿ) ê 話語(ōe-gú) 就(tsiū) 會(ōe) 無(bô) 去(khì)。Ài 知(tsai)，「上帝(siōng-tè) 就是(tsiū-sī) 疼(thiàⁿ)。」 (伊(i) 約翰(iok-hān) 4：8)人(lâng) beh 認識(jīm-bat) 上帝(siōng-tè)，聽(thiaⁿ) 伊(i) ê 聲音(siaⁿ-im)，應該(ing-kai) 不斷(put-tōan) 安靜(an-tsēng) 來(lâi) 用(ēng) 內心(lāi-sim) ê 耳孔(hīⁿ-khang)，去(khì) 感受(kám-siū) hit-ê 溫柔(un-jiû) 細細(sòe-sòe) ê 接觸(tsiap-tshiok)。

所以(só͘-í)，當(tng) 你(lí) 想(siūⁿ) beh kap 別人(pa̍t-lâng) 講話(kóng-ōe)，想(siūⁿ) beh 對(tùi) 伊(i) 講(kóng) ê 是(sī)，若(nā) 有(ū) 感覺(kám-kak) tio̍h 上帝(siōng-tè) ê 阻擋(tsó͘-tòng)，聽(thiaⁿ) tio̍h hit-ê 輕輕(khin-khin) 細細(sòe-sòe) ê 聲音(siaⁿ-im)，就(tsiū) 應該(ing-kai) 體會(thé-hōe) tio̍h tsit-ê 禁止(kìm-tsí)，m̄-thang 講(kóng) lah。若是(nā-sī) 你(lí) 計畫(kè-ōe) 做(tsòe) 甚麼(sím-mi̍h)，表面(piáu-bīn) 看(khòaⁿ) 是(sī) 清清(tshing-tshing) 楚楚(tshó-tshó) 應該(ing-kai) 做(tsòe)，總是(tsóng-sī) tī 靈(lêng) 裡(nih) 有(ū) 一種(tsi̍t-tsióng) ê 感受(kám-siū)，有(ū) 說服力(suat-ho̍k-la̍t)，也(iā) 感覺(kám-kak) 平安(pêng-an)，ài 你(lí) 行(kiâⁿ) 另外(lēng-gōa) 一條(tsi̍t-tiâu) 路(lō͘)；應該(ing-kai) 留心(liû-sim) 聽(thiaⁿ) tsit-ê 微細(bî-sòe) ê 聲音(siaⁿ-im)，改變(kái-piàn) 去(khì) 行(kiâⁿ) 另外(lēng-gōa) 一條(tsi̍t-tiâu) 路(lō͘)，雖然(sui-jiân) tuì 人(lâng) ê 智識(tì-sik) 看(khòaⁿ)，tsit-ê 變動(piàn-tōng) 是(sī) 無(bô) 理智(lí-tì)，是(sī) 戇(gōng) ê。

咱(lán) 也(iā) 應該(ing-kai) 學習(ha̍k-si̍p) thìng 候(hāu) 上帝(siōng-tè) ê 功課(kong-khò)，明白(bêng-pe̍k) 伊(i) ê 心意(sim-ì)。你(lí) 心內(sim-lāi) 有(ū) 甚麼(sím-mi̍h) 想法(siūⁿ-huat)，應該(ing-kai) 交付(kau-hù) hō͘ 上帝(siōng-tè)，hō͘ 伊(i) 一步(tsi̍t-pō͘) 一步(tsi̍t-pō͘) 來(lâi) 展開(tián-khui)，來(lâi) 完成(ôan-sêng)，千(tshing) 萬(bān) m̄-thang 靠(khò) 家己(ka-kī) ê 聰明(tshong-bêng)，展(tián) 風神(hong-sîn)。常常(siông-siông) 上帝(siōng-tè) 所(só͘) 做(tsòe) ê kap 伊(i) hō͘ 你(lí) ê 計畫(kè-ōe) 無(bô) siâng，有時(ū-sî) 甚至(sīm-tsì) 是(sī) 倒(tó) páiⁿ 方向(hong-hiòng)。上帝(siōng-tè) ná 親像(tshin-tshiūⁿ) 矛盾(mâu-tún)，咱(lán) 所(só͘) 會(ōe) 做(tsòe) ê 指示(tsí-sī) 照(tsiàu) 伊(i) ê 話(ōe) 去(khì) 做(tsòe)，信靠(sìn-khò) 伊(i)。有時(ū-sî) tuì 表面(piáu-bīn) 看(khòaⁿ) 是(sī) 荒唐(hong-tông) 無理(bô-lí)。到(kàu) 後來(āu-lâi) 咱(lán) beh 明白(bêng-pe̍k)「萬項(bān-hāng) 事(sū) 相(saⁿ) kap 來(lâi) hō͘ 疼(thiàⁿ) 上帝(siōng-tè) ê 人(lâng) 得(tit) tio̍h 利益(lī-ik)。」 (羅馬(lô-má) 8：28) tsit 句(kù) 話(ōe) ê 真正(tsin-tsiàⁿ) 意思(ì-sù)。總是(tsóng-sī) 上帝(siōng-tè) ê 計畫(kè-ōe) tī tú 開始(khai-sí) ê 時(sî)：

Tī 伊(i) 家己(ka-kī) ê 世界(sè-kài) 事(sū)，伊(i) 無(bô) 掛意(kòa-ì) lóng teh 輸(su)。

你(lí) 若(nā) ài 知(tsai) 上帝(siōng-tè) ê 心意(sim-ì)，應該(ing-kai) 無管(bô-kóan) 成功(sêng-kong) á 失敗(sit-pāi)，無論(bô-lūn) 成果(sêng-kó) án-tsuáⁿ，烏暗中(o͘-àm-tiong) 伊(i) ài 你(lí) 行(kiâⁿ)，你(lí) 就(tsiū) 行(kiâⁿ)。伊(i) 家己(ka-kī) 本身(pún-sin) 就是(tsiū-sī) hit-ê 光耀(kng-iāu) ê 光(kng)，會(ōe) 照(tsiàu) 光(kng) tī 內面(lāi-bīn)。Án-ni 你(lí) tuì 上帝(siōng-tè) ê 智識(tì-sik) 會(ōe) tī 你(lí) 心(sim) 中(tiong) ná 泉水(tsôaⁿ-tsúi) 流(lâu) 出(tshut) 無(bô) 停(thêng)，kap上帝(siōng-tè) ê 交往(kau-óng) 也(iā) 有(ū) 快速(khòai-sok) ê 長進(tióng-tsìn)。Tsit 種(tsèng) ê 認識(jīm-bat) kap 交通(kau-thong) thang 到(kàu) 深(tshim) ê 程度(thêng-tō͘)，是(sī) 將(tsiong) 你(lí) kap 上帝(siōng-tè) 契合(khè-ha̍p) 做(tsòe) 一個(tsi̍t-ê)。不管(put-kóan) 你(lí) 受(siū) ê 考驗(khó-giām) 是(sī) juā 強烈(kiông-lia̍t)，你(lí) 生活上(sing-o̍ah-siōng) 受(siū) ê 壓力(ap-le̍k) juā 大(tōa)，上帝(siōng-tè) lóng kap 你(lí) 同在(tông-tsāi)。 ──tuì 「信心(sìn-sim) 之(tsi) 道(tō)」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org