《台語荒漠甘泉（漢羅版）》

 | | | 轉寄

M̄-thang心內不平

作者 陳清俊 譯 林俊育 漢羅翻寫 2010.10.10

listen
十月初十(十月十日)

「m̄-thang...心內(sim-lāi) 不平(put-pêng)。」(詩篇(si-phian) 37：1)

我(góa) 認為(jīm-ûi) tsit 句(kù) 經文(king-bûn) kap「m̄-thang 偷(thau) the̍h」 (出埃及記(tshut-ai-ki̍p-kì) 20：15) siâng 款(khóan)，lóng 是(sī) 上帝(siōng-tè) ê 命令(bēng-lēng)。心(sim) 不平(put-pêng) 是(sī) 甚麼(sím-mi̍h) 意思(ì-sù) neh? 有(ū) 人(lâng) kā 伊(i) hē 定義(tēng-gī) 講(kóng)：「伊(i) 會(ōe) hō͘ 人(lâng) 變(piàn) 粗魯(tsho͘-ló͘)、粗(tsho͘) 粗(tsho͘)，將(tsiong) 家己(ka-kī) kap 別人(pa̍t-lâng) 中間(tiong-kan) ê 摩擦(mô͘-tshat) 到(kàu) 損害(sún-hāi) ê 地步(tē-pō͘)。」Kiám m̄ 是(sī) mah? 一個(tsi̍t-ê) ài 受氣(siū-khì)，無理(bô-lí) 氣(khùi) koh ài 批評(phue-phêng) ê 人(lâng)，m̄-nā hō͘ 本身(pún-sin) 消磨(siau-mô͘) 氣力(khùi-la̍t) tī 氣(khùi) phut-phut ê 狀態(tsōng-thài)，也會(iā-ōe) hō͘ 別人(pa̍t-lâng) 真(tsin) 討厭(thó-ià) 無奈(bû-nāi)？當(tng) 人(lâng) 憂慮(iu-lū)、不平(put-pêng) ê 時(sî)，會(ōe) hō͘ 別人(pa̍t-lâng) 煩惱(hôan-ló)，無(bô) ài tshap。詩篇(si-phian) m̄-nā 是(sī) 講(kóng)：「M̄-thang 因為(in-ūi) 做(tsòe) pháiⁿ ê 人(lâng) 心內(sim-lāi) 不平(put-pêng)。」也(iā) 無(bô) hō͘ 人(lâng) 心(sim) 存(tsûn) 不平(put-pêng) ê 餘地(û-tē)。心(sim) 懷(hôai) 不平(put-pêng) 是(sī) 大(tōa) 有(ū) pháiⁿ 處(tshù)，上帝(siōng-tè) 無(bô) ài 咱(lán) 傷害(siong-hāi) 家己(ka-kī) á 是(sī) 別人(pa̍t-lâng)。

醫生(i-sing) 會(ōe) 對(tùi) 你(lí) 講(kóng)，發(huat) 一(tsi̍t) pái ê 脾氣(phî-khì) 比(pí) 發燒(huat-sio) tuì 身體(sin-thé) ê 損害(sún-hāi) khah 大(tōa)。經常(king-siông) 心(sim) 懷(hôai) 不平(put-pêng) tuì 身體(sin-thé) ê 健康(kiān-khong) 絕對(tso̍at-tùi) 無(bô) 好(hó)。Tuì 心(sim) 懷(hôai) 不平(put-pêng) 發展(huat-tián) 落去(lo̍h-khì)，就(tsiū) 常常(siông-siông) 發(huat) 脾氣(phî-khì)，就是(tsiū-sī) 受氣(siū-khì)。願(gōan) 咱(lán) 會(ōe) 斷然(tòan-jiân) 將(tsiong) 伊(i) 放離(pang-lī)，簡單(kán-tan) 遵守(tsun-siú)「m̄-thang 心內(sim-lāi) 不平(put-pêng)」ê 命令(bēng-lēng)。──Margaret Bottome

果園(kó-hn̂g) ê 心聲(sim-siaⁿ)

青笛(tshiⁿ-tî) á 對(tùi) 雀鳥(tshik-tsiáu) á 講(kóng)，
「我(góa) ài 知(tsai) tsiah-ê 人類(jîn-lūi) 為甚麼(ūi-sím-mi̍h) teh 猖狂(tshiong-kông)
煩惱(hôan-ló)、無閒(bô-êng)，亂亂(lōan-lōan) tsông。」

雀鳥(tshik-tsiáu) á 對(tùi) 青笛(tshiⁿ-tî) á 回訴(hôe-sò͘)，
「朋友(pêng-iú)，我(góa) 想(siūⁿ) 一定(it-tēng) 孤孤(ko͘-ko͘)
是(sī) 因為(in-ūi) in 無(bô) 親像(tshin-tshiūⁿ) 咱(lán) 有(ū) 天父(thiⁿ-pē) ê 照顧(tsiàu-kò͘)。」──Elizabeth Tseney


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org