《台語荒漠甘泉（漢羅版）》

 | | | 轉寄

聖靈ê吐氣

作者 陳清俊 譯 林俊育 漢羅翻寫 2010.10.31

listen
十月三一(十月三十一日)

「Koh 聖神(sèng-sîn) 也(iā) 親像(tshin-tshiūⁿ) án-ni 扶持(hû-tshî) 咱(lán) ê 軟(nńg) tsiáⁿ；因為(in-ūi) 咱(lán) m̄ 知影(tsai-iáⁿ) tio̍h 怎樣(tsáiⁿ-iūⁿ) 祈禱(kî-tó) 照(tsiàu) 所(só͘) 應該(ing-kai) ê;獨獨(to̍k-to̍k) 聖神(sèng-sîn) 家己(ka-kī) 用(ēng) buē 講(kóng) 出(tshut) ê 吐氣(thó͘-khùi) 替(thè) 咱(lán) 求(kiû)。鑑察(kàm-tshat) 人(lâng) ê 心(sim) ê 也(iā) 知(tsai) 聖神(sèng-sîn) ê 意思(ì-sù) 因為(in-ūi) 伊(i) 照(tsiàu) 上帝(siōng-tè) ê 意思(ì-sù) 來(lâi) 替(thè) 聖徒(sèng-tô͘) 求(kiû)。」(羅馬(lô-má) 8：26-27)

這(tse) 是(sī) 祈禱(kî-tó) 深沉(tshim-tîm) ê 奧祕(ò-pì)，祈禱(kî-tó) 是(sī) buē-thang 用(ēng) 話(ōe) 表達(piáu-ta̍t) ê 神聖(sîn-sèng) 工具(kang-kū)，是(sī) 神學(sîn-ha̍k) 所(só͘) oh 解釋(kái-sik)，總是(tsóng-sī) siōng 卑微(pi-bî) ê 信徒(sìn-tô͘) lóng 知(tsai) 祈禱(kî-tó)，雖然(sui-jiân) 伊(i) 無(bô) 明(bêng) tsit-ê 奧祕(ò-pì)。

Ah，咱(lán) 願意(gōan-ì) 承受(sêng-siū) buē 明白(bêng-pe̍k) ê 擔(tàⁿ)！對(tùi) 咱(lán) 所(só͘) buē 曉(hiáu) 悟(ngō͘) ê 事(sū)，咱(lán) ê 心(sim) 有(ū) buē-thang 表達(piáu-ta̍t) ê 渴望(khat-bōng)！總是(tsóng-sī) 咱(lán) 知(tsai)，這(tse) 是(sī) 對(tùi) 上帝(siōng-tè) 寶座(pó-tsō) ê 回應(hôe-èng)，是(sī) 對(tùi) 伊(i) 心內(sim-lāi) 細細(sòe-sòe) 聲(siaⁿ)。真(tsin) tsuē 時(sî) tsūn，是(sī) 吐氣(thó͘-khùi)，m̄ 是(sī) 歌聲(kua-siaⁿ)，是(sī) 一種(tsi̍t-tsióng) 重擔(tāng-tàⁿ)，m̄ 是(sī) 輕輕(khin-khin) ê 羽毛(ú-mô͘)。不過(put-kò) 是(sī) 受(siū) 祝福(tsiok-hok) ê 重擔(tāng-tàⁿ)，本質(pún-tsit) 上(siōng) 是(sī) o-ló kap buē-thang 形容(hêng-iông) ê 歡喜(huaⁿ-hí) ê 吐氣(thó͘-khùi)，是(sī) 講(kóng) buē 出來(tshut-lâi) ê 吐氣(thó͘-khùi)。咱(lán) 本身(pún-sin) 也(iā) buē 曉(hiáu) 表達(piáu-ta̍t) 咱(lán) 所(só͘) 知(tsai) ê，需要(su-iàu) 聖靈(sèng-lêng) tī 咱(lán) 內面(lāi-bīn) 祈求(kî-kiû)，只有(tsí-ū) 伊(i) 會(ōe) 了解(liáu-kái)，需要(su-iàu) 伊(i) 伸手(tshun-tshiú) 來(lâi) 幫忙(pang-bâng)。

所以(só͘-í) 咱(lán) 全心(tsôan-sim) 將(tsiong) 內面(lāi-bīn) 靈(lêng) ê 重擔(tāng-tàⁿ) kap 壓(ap) tī 咱(lán) 身上(sin-tsiūⁿ) ê 憂傷(iu-siong) piàⁿ 出來(tshut-lâi)。咱(lán) 知(tsai) 伊(i) 聽見(thiaⁿ-kìⁿ)，疼痛(thiàⁿ-thàng)，明白(bêng-pe̍k)，也(iā) 接納(tsiap-la̍p) 咱(lán)，將(tsiong) 咱(lán) ê 祈禱(kî-tó) 中(tiong) 所有(só͘-ū) ê 錯誤(tshò-ngō͘)，m̄-tio̍h，無(bô) 完全(ôan-tsôan) ê 部分(pō͘-hūn) 除去(tû-khì)，將(tsiong) 所(só͘) tshun ê 部分(pō͘-hūn)，kap 大(tōa) 祭司(tsè-si) ê 燒香(sio-hiuⁿ) 獻(hiàn) tī 伊(i) ê 寶座(pó-tsō) 前(tsêng)。咱(lán) thang 肯定(khéng-tēng)，把握(pá-ak) 咱(lán) 所(só͘) 奉(hōng) 伊(i) ê 名(miâ) ê 祈禱(kî-tó) 一定(it-tēng) 會(ōe) 聽(thiaⁿ) tio̍h，接受(tsiap-siū) koh 回應(hôe-èng)。

咱(lán) 無(bô) 必要(pit-iàu) 不斷(put-tōan) kap 上帝(siōng-tè) 講話(kóng-ōe)，á 是(sī) 無(bô) 停(thêng) 聽(thiaⁿ) 上帝(siōng-tè) 講(kóng)，tsiah 算(sǹg) 做(tsòe) kap 伊(i) 有(ū) 交通(kau-thong) 連繫(liân-hē)，因為(in-ūi) 有(ū) 一種(tsi̍t-tsióng) 講(kóng) buē 出(tshut) ê 交陪(kau-pôe) 比(pí) 話語(ōe-gú) khah 甜蜜(tiⁿ-bi̍t)。一個(tsi̍t-ê) gín-ná tī 老母(lāu-bú) 身邊(sin-piⁿ)，專心(tsuan-sim) tshit-thô，老母(lāu-bú) 也(iā) 專心(tsuan-sim) 做(tsòe) 伊(i) 家己(ka-kī) ê khang-khè。雖然(sui-jiân) 兩人(nn̄g-lâng) lóng 無閒(bô-êng)，lóng 無(bô) 講話(kóng-ōe)，tī in 中間(tiong-kan) 有(ū) 真(tsin) suí ê 交陪(kau-pôe) 交通(kau-thong)。Gín-ná 知(tsai) 老母(lāu-bú) tī 身邊(sin-piⁿ)，老母(lāu-bú) 知(tsai) gín-ná 安然(an-jiân) 無(bô) 事(sū) 平安(pêng-an)。

Siâng 款(khóan)，一個(tsi̍t-ê) 信徒(sìn-tô͘) thang kap 救主(kiù-tsú) tī 疼痛(thiàⁿ-thàng) 中(tiong) 靜靜(tsēng-tsēng) 交陪(kau-pôe) 真(tsin) 久(kú) ê 時間(sî-kan)。雖然(sui-jiân) 信徒(sìn-tô͘) 可能(khó-lêng) 無閒(bô-êng) tī 日常(ji̍t-siông) 生活(sing-o̍ah)，伊(i) 會(ōe) 感受(kám-siū) tio̍h 生活(sing-o̍ah) ê 每(múi) 一個(tsi̍t-ê) 細節(sè-tsiat) lóng 有(ū) 上帝(siōng-tè) 同在(tông-tsāi)，也會(iā-ōe) 感覺(kám-kak) tio̍h 伊(i) ê 同意(tông-ì) kap 賜福(sù-hok)。

當(tng) tú-tio̍h 重擔(tāng-tàⁿ) 困難(khùn-lân) ê 困擾(khùn-jiáu)，又(iū) koh 複雜(hok-tsa̍p) 到(kàu) buē 曉(hiáu) 用(ēng) 言語(giân-gí) 來(lâi) 表達(piáu-ta̍t)，也(iā) buē-thang 充分(tshiong-hun) 了解(liáu-kái)，只要(tsí-iàu) 倒(tó) tī 上帝(siōng-tè) ê 心懷(sim-hôai) 中(tiong)，用(ēng) 無(bô) 講話(kóng-ōe) ê 憂傷(iu-siong) 哭(khàu) 出來(tshut-lâi)，這(tse) 是(sī) 何等(hô-téng) ê 甜蜜(tiⁿ-bi̍t) ah!


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org