《台語荒漠甘泉（漢羅版）》

 | | | 轉寄

Jú鍛鍊，Jú價值

作者 陳清俊 譯 林俊育 漢羅翻寫 2010.10.24

listen
十月二四(十月二十四日)
「我(góa) beh hō͘ 你(lí) 做(tsòe) phah 五穀(gō͘-kak) 新(sin) ê 器具(khì-kū)，利(lāi) koh 有(ū) 齒(khí)。」(以賽亞(í-sài-a) 41：15)

Tī 二十(jī-tsa̍p) 世紀(sè-kí) 初(tsho͘)，一條(tsi̍t-tiâu) 鋼鐵(kǹg-thih) 價值(kè-ta̍t) 五(gō͘) kho͘ 美金(bí-kim)，若是(nā-sī) 將(tsiong) tsit 條(tiâu) 鐵(thih) phah 做(tsòe)(鐵(thih) ê)馬蹄(bé-tê)，就(tsiū) 價值(kè-ta̍t) 十(tsa̍p) kho͘;做(tsòe) 鋼針(kǹg-tsiam) ê 時(sî)，就(tsiū) 價值(kè-ta̍t) 三(saⁿ) 百(pah) 五十(gō͘-tsa̍p) kho͘;若是(nā-sī) 製(tsè) 做(tsòe) 刀柄(to-pìⁿ) 就(tsiū) 價值(kè-ta̍t) 到(kàu) 三(saⁿ) 萬(bān) 兩(nn̄g) 千(tshing) kho͘;製(tsè) 做(tsòe) 手錶(tshiú-pió) ê 發條(huat-tiâu) 價值(kè-ta̍t) 增加(tsing-ka) 到(kàu) 二十五(jī-tsa̍p-gō͘) 萬(bān) kho͘。你(lí) 看(khòaⁿ) 一條(tsi̍t-tiâu) 鋼鐵(kǹg-thih) 經過(king-kòe) 受(siū) kòng 受(siū) phah tsiah 會(ōe) 增加(tsing-ka) 價值(kè-ta̍t)，jú 搥(tûi)、phah、火(hé) 燒(sio)、磨(bôa)，價值(kè-ta̍t) jú 高(kôaiⁿ)。

用(ēng) tsit-ê 譬喻(phì-jū) 提醒(thê-tshíⁿ) 咱(lán) ài 安靜(an-tsēng)，忍受(jím-siū) 苦難(khó͘-lān)，因為(in-ūi) 受苦(siū-khó͘) jú tsuē ê 人(lâng)，伊(i) ê 價值(kè-ta̍t)，得(tit) 祝福(tsiok-hok) jú 大(tōa)。上帝(siōng-tè) 通過(thong-kè) 痛苦(thòng-khó͘) hō͘ 咱(lán) 能(ōe) 發揮(huat-hui) siōng 大(tōa) ê 才能(tsâi-lêng)，為(ūi) tio̍h 伊(i) ê 榮耀(êng-iāu) kap 別人(pa̍t-lâng) ê 幸福(hēng-hok)。

Oh，賜(sù) 你(lí) ê 奴僕(lô͘-po̍k)：
忍耐(jím-nāi)，能(ōe) 安靜(an-tsēng) 順(sūn) 你(lí) 安排(an-pâi)，
勇氣(ióng-khì)，能(ōe) 全心(tsôan-sim) uá 靠(khò) 你(lí)，無(bô) 受(siū) 陷害(hām-hāi)，
智慧(tì-hūi)，無(bô) 迷路(bê-lō͘) 家己(ka-kī) 毀(húi)，thàn tsit-ê 世代(sè-tāi)，
疼痛(thiàⁿ-thàng)，現時(hiān-sî) 雖(sui) 有(ū) 苦痛(khó͘-thàng)，知(tsai) 安歇(an-hioh) 自在(tsū-tsāi)。

咱(lán) ê 性命(sìⁿ-miā) 真(tsin) 奧妙(ò-biāu)，事實(sū-si̍t) 上(siōng)，完全(ôan-tsôan) buē-thang 解釋(kái-sik)，除了(tû-liáu) 講(kóng)，上帝(siōng-tè) 準備(tsún-pī) 咱(lán) 去(khì) 永遠(éng-óan) ê 世界(sè-kài)，參與(tsham-ú) tī hia，現在(hiān-tsāi) 所(só͘) 看(khòaⁿ) buē-tio̍h ê 事工(sū-kang)。Hiah-ê 特殊(te̍k-sû) ê 事工(sū-kang) 需要(su-iàu) 經過(king-kòe) 火(hé) ê 鍛鍊(tòan-liān)，有(ū) 親像(tshin-tshiūⁿ) 鋼(kǹg) ê 靈性(lêng-sèng)。

工匠(kang-tshiūⁿ) 做(tsòe) ê 刀(to)，jú 利(lāi) jú suí ê，是(sī) jú 用心(iōng-sim) 做(tsòe) ê。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org