《台語荒漠甘泉（漢羅版）》

 | | | 轉寄

一粒麥

作者 陳清俊 譯 林俊育 漢羅翻寫 2010.11.14

listen
十一月十四(十一月十四日)

「一(tsi̍t) 粒(lia̍p) 麥(be̍h) 無(bô) 落(lo̍h) tī 地(tōe) 裡(nih) 來(lâi) 死(sí)，就(tsiū) 猶原(iû-gôan) 一(tsi̍t) 粒(lia̍p) nā-tiāⁿ；死(sí) 就(tsiū) 結實(kiat-si̍t) tsuē-tsuē。」(約翰(iok-hān) 12：24)

Tī 美國(Bí-kok) 麻州(mâ-tsiu) (Massatsusetts) North Hampton ê 所在(só͘-tsāi)，有(ū) 一位(tsi̍t-ūi) 古老(kó͘-ló) ê 墓地(bōng-tē)，美國(Bí-kok) 開拓(khai-thok) 時期(sî-kî) ê 宣教師(suan-kàu-su) David Brainerd tâi tī hia。

Tī 主後(Tsú-āu) 1747 年(nî)，hit 時(sî) 伊(i) 只有(tsí-ū) 29 歲(hòe)，tio̍h-tio̍h 肺癆(hì-lô) 過身(kè-sin)。伊(i) ê 墓(bōng) ê 邊(piⁿ) á，有(ū) 當時(tong-sî) 美國(Bí-kok) 清教(tshing-kàu) 神學家(sîn-ha̍k-ka) Jonathan Edwards ê tsa-bó͘-kiáⁿ，Jerusha Edwards ê 墓(bōng)。David Brainerd 真愛(tsin-ài) Jerusha Edwards，in 已經(í-king) 訂婚(tēng-hun)，但(tān) sì 結婚(kiat-hun) ê 期(kî) iáu-buē 到(kàu) 伊(i) 就(tsiū) 過身(kè-sin) 去(khì)。

想(siūⁿ) 看(khòaⁿ) māi，kap hit-ê 青年(tshing-liân) ê 宣教師(suan-kàu-su) ê 死體(sí-thé) 作伙(tsòe-hé) tâi tī 墓(bōng) 裡(nih) ê，有(ū) 甚麼(sím-mi̍h) 為(ūi) 基督(ki-tok) ê 真(tsin) 道(tō) 所(só͘) 發(huat) ê 希望(hi-bōng)、期待(kî-thāi)、ǹg 望(bāng)。Tī hit 時(sî) 只有(tsí-ū) 回憶(hôe-ik)，kap 幾(kúi) 十(tsa̍p) 個(ê) 來(lâi) 信(sìn) 歸(kui) 主(tsú) ê 印地安(ìn-tē-an) 人(lâng) nā-tiāⁿ！總是(tsóng-sī) hit 位(ūi) 偉大(úi-tāi) ê 清教(tshing-kàu) 神學家(sîn-ha̍k-ka)，Jonathan Edwards，本(pún) 希望(hi-bōng) David Brainerd uē-thang 做(tsòe) 伊(i) ê kiáⁿ 婿(sài)，就(tsiū) 將(tsiong) David Brainerd tsit 位(ūi) 青年人(tshing-liân-lâng) 短短(té-té) ê 一生(it-sing) 寫(siá) 做(tsòe) 一(tsi̍t) 本(pún) 小冊(sió-tsheh)。Tsit 本(pún) 冊(tsheh) 親像(tshin-tshiūⁿ) 發(huat) 兩(nn̄g) 支(ki) 翼(si̍t)，飛(pe) 過(kè) 大(tōa) 海洋(hái-iûⁿ)，到(kàu) 劍橋(kiàm-kiô) (Cambridge) 大學(tāi-ha̍k) 一個(tsi̍t-ê) 學生(ha̍k-sing) 名叫(miâ-kiò) Henry Martyn ê 書桌(tsu-toh) á 頂(téng)。

可憐(khó-lîn) ê Henry Martyn!伊(i) 受(siū) 好(hó) ê 教育(kàu-io̍k)，有(ū) 才華(tsâi-hôa)，有(ū) 好(hó) ê 前途(tsiân-tô͘)。伊(i) 看(khòaⁿ) 了(liáu) hit 本(pún) David Brainerd ê 生平(sing-pêng) 傳(tōan)，受(siū) 感激(kám-kik) 到(kàu) 性命(sìⁿ-miā) lóng buē 顧(kò͘) 得(tit)。後來(āu-lâi) tī 1812 年(nî)，伊(i) tuì 印度(ìn-tō͘) beh 回(hôe) 英國(ing-kok)，伊(i) kiám 有(ū) 甚麼(sím-mi̍h) 大(tōa) ê 成就(sêng-tsiū)？伊(i) ê 健康(kiān-khong) 真(tsin) bái，帶(tòa) 病(pīⁿ) ǹg 北(pak) 到(kàu) 土耳其(thó͘-ní-kî) (Turkey) 近(kūn) 烏海(o͘-hái) ê Tokat 城(siâⁿ)，發燒(huat-sio)，倒(tó) tī 一(tsi̍t) 堆(tui) ê 馬鞍(bé-uaⁿ) 下(ē) 遮(jia) teh，就(tsiū) 死(sí) tī hia，tsiah 三十一(saⁿ-tsa̍p-it) 歲(hòe)。

Tsiah-ê「浪費(lōng-hùi) 掉(tiāu)」ê 性命(sìⁿ-miā) 有(ū) 甚麼(sím-mi̍h) 目的(bo̍k-tik)？Tuì 青年(tshing-liân) ê David Brainerd ê 墓(bōng)，到(kàu) 烏海(o͘-hái) 邊(piⁿ) Henry Martyn ê 墓(bōng)，suah 興起(hing-khí) 了(liáu) 現代(hiān-tāi) 宣教師(suan-kàu-su) ê 大軍(tōa-kun)。──Leonard Wo͘lsey Bacon

有(ū) 甚麼(sím-mi̍h) 沙漠(sua-bô͘)，á 大(tōa) 海(hái)，你(lí) kā 我(góa) 差遣(tshe-khián)？
Hia 有(ū) 樹(tshiū) ài 剉(tshò)，有(ū) 地(tōe) ài 開展(khai-tián)，
帶(tòa) 你(lí) ê 一(tsi̍t) 把(pé) 種子(tséng-tsí)，掖(iā) tī 遠遠(hn̄g-hn̄g) ê 心田(sim-tiân)，
直到(ti̍t-kàu) 收成(siu-sêng) 百(pah) 倍(pē)，來(lâi) 養飼(iúⁿ-tshī) 主(tsú) kiáⁿ 兒(jî) 康健(khong-kiān)。

父(pē) ah!Kā 我(góa) 講(kóng) 沙漠(sua-bô͘) 大(tōa) 海(hái) juā 大(tōa)？
是(sī) 你(lí) ê 工程(kang-thêng) mah?偉大(úi-tāi) ê 上帝(siōng-tè)，差(tshe) 我(góa)！
雖(sui) bóng 我(góa) ê 體(thé) 倒(tó) tī 兇猛(hiong-béng) ê 海浪(hái-lōng) 淖(nòa)，
父(pē) ah!接受(tsiap-siū) 我(góa) tī 忠信者(tiong-sìn-tsiá) ê 祭壇(tsè-tôaⁿ)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org