《台語荒漠甘泉（漢羅版）》

 | | | 轉寄

萬事交託主

作者 陳清俊 譯 林俊育 漢羅翻寫 2010.11.21

listen
十一月二一(十一月二十一日)

「Tio̍h 將(tsiong) 你(lí) ê tāi-tsì 交代(kau-tāi) 耶和華(iâ-hô-hua)。」(詩篇(si-phian) 37：5)

不管(put-kóan) 你(lí) 有(ū) 甚麼(sím-mi̍h) 事(sū)，任何(jīm-hô) ê 重擔(tāng-tàⁿ) lóng 講(kóng) hō͘ 上帝(siōng-tè) 聽(thiaⁿ)，將(tsiong) kui-ê tāi-tsì 交託(kau-thok) tī 伊(i) ê 手中(tshiú-tiong)。Án-ni 做(tsòe)，你(lí) 就(tsiū) buē 受(siū) tio̍h 世間(sè-kan) ê 紛亂(hun-lōan)、衝突(tshiong-thu̍t)，kap 掛慮(kòa-lū)。事實上(sū-si̍t-siōng)，不管(put-kóan) 甚麼(sím-mi̍h) 時(sî) 準備(tsún-pī) 做(tsòe) 甚麼(sím-mi̍h) 事(sū)，受(siū) 甚麼(sím-mi̍h) 考驗(khó-giām)，á 是(sī) 做(tsòe) 日常(ji̍t-siông) 生活(sing-o̍ah) khang-khè，lóng 總講(tsóng-kóng) hō͘ 上帝(siōng-tè) 知(tsai)。是(sī)，將(tsiong) 一切(it-tshè) 向(hiòng) 伊(i) 講明(kóng-bêng)，甚至(sīm-tsì) 將(tsiong) 重擔(tāng-tàⁿ) 卸(sià) hō͘ 伊(i)，了後(liáu-āu) 你(lí) 就(tsiū) 無(bû) koh 為(ūi) tsiah-ê 事(sū) 憂慮(iu-lū) kap 煩惱(hôan-ló)。Tuì taⁿ 起(khí)，靜靜(tsēng-tsēng) 工作(kang-tsok)、認真(jīn-tsin)、謹慎(kín-sīn)，了解(liáu-kái) 你(lí) 是(sī) 完全(ôan-tsôan) 靠(khò) 伊(i) 來(lâi) 進行(tsìn-hêng) 工作(kang-tsok)。將(tsiong) 你(lí) ê 憂慮(iu-lū) kap 你(lí) 本身(pún-sin) 做(tsòe) 一伙(tsi̍t-hé)，ná 重擔(tāng-tàⁿ) 交託(kau-thok) 上帝(siōng-tè)。──R. Leighton

今日(kim-ji̍t) 圍(ûi) 造(tsō) 一個(tsi̍t-ê) 信心(sìn-sim) ê 籬笆(lî-pa) 園(hn̂g)，
疼(thiàⁿ) ê 工作(kang-tsok) 充滿(tshiong-móa) hit 中央(tiong-ng)，
明日(bêng-ji̍t) 莫得(bo̍h-tit) 看(khòaⁿ) 籬笆(lî-pa) guā 遠遠(hn̄g-hn̄g)，
無論(bô-lūn) 喜樂(hí-lo̍k) á 憂傷(iu-siong)，伊(i) lóng 會(ōe) 擔當(tam-tng)。

你(lí) beh 發現(huat-hiān) 無(bô) 可能(khó-lêng)「將(tsiong) 你(lí) ê tāi-tsì 交代(kau-tāi) 耶和華(iâ-hô-hua)」，除非(tû-hui) 你(lí) ê 事(sū) 有(ū) 符合(hû-ha̍p) tio̍h 伊(i) ê 同意(tông-ì)。只有(tsí-ū) 通過(thong-kè) 信心(sìn-sim) 來(lâi) 做(tsòe)，假使(ká-sú) 你(lí) ê 心內(sim-lāi) 甚至(sīm-tsì) 有(ū) 一點點(tsi̍t-tiám-tiám) á ê 懷疑(hôai-gî)，信心(sìn-sim) 就(tsiū) buē 發生(huat-sing) 作用(tsok-iōng)。將(tsiong) tāi-tsì 交託(kau-thok) 上帝(siōng-tè) 是(sī) 連續(liân-sio̍k) ê 動作(tōng-tsok)，m̄ 是(sī) 孤孤(ko͘-ko͘) 一(tsi̍t) pái 就(tsiū) 夠額(kàu-gia̍h)。不管(put-kóan) 伊(i) ê 引(ín) tshuā 是(sī) 真(tsin) 意外(ì-gōa)，á 是(sī) 真(tsin) 特別(te̍k-pia̍t) 無(bô) 平常(pêng-siông)，也(iā) 無管(bô-kóan) 伊(i) tshuā 到(kàu) 離(lī) 山崖(suaⁿ-gâi) juā 近(kūn)，永遠(éng-óan) m̄-thang 將(tsiong) 引(ín) tshuā ê 索(só) tuì 伊(i) ê 手(tshiú) 搶(tshiúⁿ) 過(kè) 來(lâi)。

你(lí) 願意(gōan-ì) 將(tsiong) 你(lí) 一切(it-tshè) ê 事(sū) lóng 交託(kau-thok) 上帝(siōng-tè)，hō͘ 伊(i) 做(tsòe) 決定(kuat-tēng) mah?一個(tsi̍t-ê) 基督徒(ki-tok-tô͘) 需要(su-iàu) 詳細(siông-sè) 檢驗(kiám-giām) 伊(i) 本身(pún-sin) ê 習慣(si̍p-kòan) kap 見解(kiàn-kái) 看法(khòaⁿ-huat)，因為(in-ūi) 咱(lán) 常常(siông-siông) 陷落(hām-lo̍h) tī 掠(lia̍h) 做(tsòe) 上帝(siōng-tè) 一定(it-tēng) 同意(tông-ì)。Án-ni tsiah 會(ōe) 有(ū) 一(tsi̍t) kuá 基督徒(ki-tok-tô͘) 會(ōe) 著急(tio̍h-kip) kap 驚惶(kiaⁿ-hiâⁿ)。顯然(hián-jiân) in 無(bô) 交代(kau-tāi) in ê 所(só͘) 做(tsòe) hō͘ 主(tsú)，完全(ôan-tsôan) 交託(kau-thok) 伊(i)。In the̍h tāi-tsì 到(kàu) 伊(i) ê 面前(bīn-tsêng)，總是(tsóng-sī) 離開(lī-khui) ê 時(sî)，也(iā) koh 將(tsiong) tāi-tsì 帶(tòa) tò-tńg。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org