《台語荒漠甘泉（漢羅版）》

 | | | 轉寄

選行ê路

作者 陳清俊 譯 林俊育 漢羅翻寫 2010.12.05

listen
十二月初五(十二月五日)

「耶和華(iâ-hô-hua) ah，我(góa) 知(tsai) 人(lâng) ê 路(lō͘)，m̄ 是(sī) tuì 家己(ka-kī)；行路(kiâⁿ-lō͘) ê 人(lâng) 亦(ia̍h) buē 主(tsú) 意(ì) 家己(ka-kī) ê 腳步(kha-pō͘)。」(耶利米(iâ-lī-bí) 10：23)

「tshōa我(góa) tī 平坦(pîⁿ-tháⁿ) ê 路(lō͘)。」(詩篇(si-phian) 27：11)

真(tsin) tsuē 人(lâng) beh 指揮(tsí-hui) 上帝(siōng-tè)，無(bû) 將(tsiong) 家己(ka-kī) 交(kau) hō͘ 上帝(siōng-tè)。In ài 上帝(siōng-tè) 指示(tsí-sī) 路(lō͘)，卻(khiok) m̄ 照(tsiàu) 伊(i) 所(só͘) 指示(tsí-sī) ê 路(lō͘) 行(kiâⁿ)。──Madame Guyon

我(góa) 講(kóng)：「hō͘ 我(góa) 工作(kang-tsok) tī 鄉村(hiong-tshuan)」，
上帝(siōng-tè) 講(kóng)：「m̄ 是(sī)，tī 都市(to͘-tshī) 宣傳(suan-thôan)」，
我(góa) 講(kóng)：「Hia 無(bô) 花(hue) thang 選(sóan)」，
伊(i) 講(kóng)：「無(bô) 花(hue) 但是(tān-sī) 有(ū) 榮冠(êng-kuan)。」

我(góa) 講(kóng)：「但是(tān-sī) 天(thiⁿ) 是(sī) 烏烏(o͘-o͘) 無(bô) 款(khóan)，
Lóng 總(tsóng) 無(bô)，只有(tsí-ū) 吵(tshá) koh 亂(lōan)。
但是(tān-sī) 伊(i) 傷心(siong-sim) 差(tshe) 我(góa) tńg 返(hóan)，
Iáu 有(ū) 罪犯(tsōe-hōan)。」

我(góa) 講(kóng)：「但是(tān-sī) 空氣(khong-khì) lah-sap 滿滿(móa-móa)，
烏煙(o͘-ian) 遮(jia) tsa̍h 日頭(ji̍t-thâu) 不斷(put-tōan)。」
伊(i) 回(hôe)：「心靈(sim-lêng) 有(ū) 病(pīⁿ) 無(bô) 全(tsôan)，
Hia ê 工作(kang-tsok) iáu-buē 完(ôan)。」

我(góa) 講(kóng)：「我(góa) siàu 念(liām) 光源(kng-gôan)，
朋友(pêng-iú) 也(iā) siàu 念(liām) 我(góa)，in 傳(tōan)」，
伊(i) 回答(hôe-tap)：「今(kin) 暝(mî) 決定(kuat-tēng) hō͘ 你(lí) 選(sóan)，
是(sī) 我(góa) siàu 念(liām) 你(lí) á 是(sī) in khah 高(kôaiⁿ)。」

我(góa) 請求(tshéng-kiû) 需要(su-iàu) 時間(sî-kan) 來(lâi) 判斷(phòaⁿ-tòan)，
伊(i) 講(kóng)：「Hiah oh 裁決(tshâi-kuat) ê 款(khóan)？"
Tī 天堂(thian-tông) 是(sī) 無(bô) 困難(khùn-lân)，無(bô) 紛亂(hun-lōan)，
若(nā) 能(ōe) 跟(kun) tè 主(tsú) 腳步(kha-pō͘) 轉(tsóan)。」

我(góa) 看(khòaⁿ) 田野(tshân-iá) 鄉村(hiong-tshuan)，
堅決(kian-kuat) 面對(bīn-tùi) 都市(to͘-tshī) ê 亂(lōan)，
伊(i) 講(kóng)：「我(góa) ê kiáⁿ ah，是(sī) 你(lí) 心願(sim-gōan)？
無(bô) 愛(ài) 花(hue) 愛(ài) 榮冠(êng-kuan)？」

伊(i) 掠(lia̍h) tiâu 我(góa) ê 手腕(tshiú-óan)，
伊(i) 入(ji̍p) tī 我(góa) 身體(sin-thé) 各(kok) 器官(khì-kuan)。
我(góa) 接受(tsiap-siū) 神聖(sîn-sèng) ê 光(kng) 管(kóan)
Tī tsit-ê 道路(tō-lō͘) 我(góa) 前(tsêng) 所(só͘) 反叛(hóan-pōan)。──George MacDonald


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org