《台語荒漠甘泉（漢羅版）》

 | | | 轉寄

守所信ê道

作者 陳清俊 譯 林俊育 漢羅翻寫 2010.12.12

listen
十二月十二(十二月十二日)

「taⁿ 我(góa) ê 血(huih) teh 做(tsòe) 灌奠(kòan-tiān)，我(góa) 過世(kè-sì) ê 期(kî) 到(kàu) lah。我(góa) 已經(í-king) 爭戰(tsing-tsiàn) 好(hó) ê 爭戰(tsing-tsiàn)，已經(í-king) 盡(tsīn) 跑走(pháu-tsáu) ê 路站(lō͘-tsām)，已經(í-king) 守(siú) 所(só͘) 信(sìn) ê 道理(tō-lí)。」(提摩太(thê-mô͘-thài) Ṳ 4：6-7)

親像(tshin-tshiūⁿ) 老(lāu) 兵(ping) ài 講起(kóng-khí) 過去(kè-khì) 參加(tsham-ka) ê 戰爭(tsiàn-tsing)，kap tio̍h 傷(siong) ê 故事(kò͘-sū)，咱(lán) 到(kàu) tī 天堂(thian-tông) 也會(iā-ōe) 談論(tâm-lūn) 上帝(siōng-tè) ê 美好(bí-hó) kap 信實(sìn-si̍t)，伊(i) 一(tsi̍t) 路(lō͘) án-tsuáⁿ tshuā 咱(lán) 經過(king-kòe) 每(múi) 一個(tsi̍t-ê) 試煉(tshì-liān)。我(góa) 無(bô) ài 人(lâng) 穿(tshēng) 羊羔(iûⁿ-ko) ê 血(huih) 洗(sóe) 到(kàu) 白白(pe̍h-pe̍h) ê 衫(saⁿ)(參考(tsham-khó) 啟示錄(khé-sī-lio̍k) 7：14) án-ni 對(tùi) 我(góa) 講(kóng)：「tsiah-ê 人(lâng) lóng 是(sī) 經過(king-kòe) 大(tōa) 災難(tsai-lān) 出來(tshut-lâi) ê，只有(tsí-ū) 你(lí) m̄ 是(sī)。」

你(lí) ài khiā tī hia hō͘ 人(lâng) 講(kóng)，你(lí) 是(sī) 唯一(ûi-it) 無(bô) 經歷(king-le̍k) 過(kè) 憂患(iu-hōan) ê 聖徒(sèng-tô͘) mah?當然(tong-jiân) 無(bô) ài！若是(nā-sī) án-ni，你(lí) beh 感覺(kám-kak) 家己(ka-kī) 親像(tshin-tshiūⁿ) tī 神聖(sîn-sèng) 團契(thôan-kè) 中(tiong) ê 生份人(siⁿ-hūn-lâng)。所以(só͘-í) 願(gōan) 咱(lán) 歡喜(huaⁿ-hí) 參與(tsham-ú) 爭戰(tsing-tsiàn)，無久(bô-kú) 咱(lán) beh 頭(thâu) 戴(tì) 榮冠(êng-kuan)，手(tshiú) giâ 棕樹枝(tsang-tshiū-ki) 來(lâi) o-ló。──Tsarles H. Spurgeon

當(tng) 美國(bí-kok) 內戰(lāi-tsiàn)(南北(lâm-pak) 戰爭(tsiàn-tsing))，tī 守望(siú-bāng) 山(suaⁿ)(Lookoot Mo͘ntain,in Teⁿessee)戰野(tsiàn-iá) 中(tiong)，軍醫(kun-i) 問(mn̄g) 一個(tsi̍t-ê) 士兵(sū-ping) 傷(siong) tī tó 位(ūi)？傷兵(siong-ping) 回答(hôe-tap) 講(kóng) tī 近(kūn) 山頭(suaⁿ-thâu) ê 所在(só͘-tsāi)。伊(i) 所(só͘) 想(siūⁿ) ê m̄ 是(sī) 伊(i) 身體(sin-thé) tio̍h 傷(siong) ê 所在(só͘-tsāi)，kán-ta 記得(kì-tit) 伊(i) 已經(í-king) 接近(tsiap-kūn) 山頂(suaⁿ-téng) lah。

願(gōan) 咱(lán) 也(iā) 為(ūi) 基督(ki-tok) 做(tsòe) khah 大(tōa) ê 事(sū)，無(bô) 歇睏(hioh-khùn) 直到(ti̍t-kàu) 山頂(suaⁿ-téng)，tī hia 大聲(tōa-siaⁿ) huah 講(kóng)：「我(góa) 已經(í-king) 爭戰(tsing-tsiàn) 好(hó) ê 爭戰(tsing-tsiàn)，已經(í-king) 盡(tsīn) 跑走(pháu-tsáu) ê 路站(lō͘-tsām)，已經(í-king) 守(siú) 所(só͘) 信(sìn) ê 道理(tō-lí)。」

做完(tsò-ôan) 工(kang)，歇睏(hioh-khùn)，lóng 無(bô) 停(thêng)，到(kàu) hit 日(ji̍t)，
因為(in-ūi) 上帝(siōng-tè) ê 安歇(an-hioh) hō͘ 你(lí)，tsiah 是(sī) 永遠(éng-óan) 得(tit)。

上帝(siōng-tè) 檢驗(kiám-giām) 你(lí) ê 一生(it-sing)，m̄ 是(sī) 看(khòaⁿ) 你(lí) 有(ū) juā-tsuē 獎章(tsióng-tsiong)、學位(ha̍k-ūi)，kap 文憑(bûn-pîn)，
只是(tsí-sī) 看(khòaⁿ) 你(lí) 身上(sin-tsiūⁿ) 有(ū) juā-tsuē 爭戰(tsing-tsiàn) 所(só͘) 留(lâu) ê 傷痕(siong-hûn)。
有(ū) 一個(tsi̍t-ê) 中古(tiong-kó͘) 時代(sî-tāi) ê 歌手(kua-siú) án-ni o-ló 伊(i) ê 英雄(ing-hiông)：

手(tshiú) giâ 伊(i) ê 寶劍(pó-kiàm)，
劍(kiàm) 頂(téng) 無(bô) 裝飾(tsng-thāⁿ)，無(bô) 威嚴(ui-giâm)，
只有(tsí-ū) 劍(kiàm) ê 缺角(khih-kak) koh 無(bô) 尖(tsiam)。

虔誠(khiân-sêng) ê 人(lâng) 所(só͘) 追求(tui-kiû) siōng 高(kôaiⁿ) ê 榮耀(êng-iāu) 是(sī) 事奉(sū-hōng) ê 傷痕(siong-hûn)，為(ūi) tio̍h 所(só͘) beh 得(tit) 報賞(pò-siúⁿ) ê 冠冕(kuan-bián) 來(lâi) 犧牲(hi-sing)，為(ūi) tio̍h 基督(ki-tok) 受(siū) 凌辱(lêng-jio̍k)，為(ūi) tio̍h 主(tsú) ê 事工(sū-kang) 犧牲(hi-sing) 性命(sìⁿ-miā)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org