《台語荒漠甘泉（漢羅版）》

 | | | 轉寄

一支草，一點露

作者 陳清俊 譯 林俊育 漢羅翻寫 2011.01.30

listen 正月三十(一月三十日)

「我(góa) beh tī 以色列(í-sik-lia̍t) 親像(tshin-tshiūⁿ) 露水(lō͘-tsúi)；」(何西阿(hô͘-se-a) 14：5)

露水(lō͘-tsúi) 是(sī) 朝氣(tiau-khì)，新鮮(sin-sian)，活潑(o̍ah-phuat)。上帝(siōng-tè) 降(kàng) 露水(lō͘-tsúi) 是(sī) hō͘ 大地(tōa-tōe) 更新(king-sin)，潤澤(lūn-te̍k) 花草(hue-tsháu)，有(ū) 性命(sìⁿ-miā)。聖經(sèng-king) 中(tiong) 也(iā) 用(ēng) 露水(lō͘-tsúi) 表達(piáu-ta̍t) 屬靈(sio̍k-lêng) ê 換新(ōaⁿ-sin) (提多(thê-to) 3:5) 講(kóng)：「聖靈(sèng-lêng) ê 換新(ōaⁿ-sin)」，就是(tsiū-sī) 聖靈(sèng-lêng) ná 露水(lō͘-tsúi) 灌(kòan) ak tī 人(lâng) ê 靈性(lêng-sèng) ê 生活(sing-o̍ah)，心靈(sim-lêng) 復到(hok-tò) 得(tit) 氣力(khùi-la̍t)。

真(tsin) tsuē 基督徒(ki-tok-tô͘) 工作者(kang-tsok-tsiá) 無(bô) 認識(jīm-bat)，koh 忽略(hut-lio̍k) tuì 天(thiⁿ) 來(lâi) ê 甘露(kam-lō͘) 是(sī) 對(tùi) in ê 性命(sìⁿ-miā) 有(ū) 相當(siong-tong) ê 重要性(tiōng-iàu-sèng)。Suah 失去(sit-khì) 靈命(lêng-miā) ê 更新(king-sin) kap 力量(le̍k-liōng)，做工(tsòe-kang) 無(bô) 力(la̍t)，beh 死(sí) beh 死(sí)。

親愛(tshin-ài) ê 兄弟(hiaⁿ-tī) ah，你(lí) kiám bat 看(khòaⁿ) tio̍h 一個(tsi̍t-ê) 勞動者(lô͘-tōng-tsiá) kui 日(ji̍t) 作穡(tsoh-sit) 無(bô) 停(thêng)，lóng 無(bô) 食飯(tsia̍h-pn̄g)；你(lí) kiám buē 感覺(kám-kak) tsit 種(tsióng) 人(lâng) 真(tsin) 戇(gōng) mah?Án-ni，上帝(siōng-tè) ê 工人(kang-lâng) 牧養(bo̍k-iúⁿ) 羊群(iûⁿ-kûn)，卻(khiok) 無(bô) 食(tsia̍h) tuì 天(thiⁿ) 來(lâi) ê má-ná 米糧(bí-niû)，你(lí) 想(siūⁿ) in kiám 有(ū) 氣力(khùi-la̍t) 來(lâi) 做(tsòe) 真(tsin) 好(hó) ê 工(kang) mah?靈性(lêng-sèng) ê 米糧(bí-niû) m̄ 是(sī) 久久(kú-kú) 食(tsia̍h) 一(tsi̍t) 遍(piàn) 就(tsiū) 有夠(ū-kàu)，是(sī) ài 日日(ji̍t-ji̍t) 得(tit)「甘露(kam-lō͘)」靈性(lêng-sèng) ê 更新(king-sin)。

性命(sìⁿ-miā) 充滿(tshiong-móa) 屬(sio̍k) 天(thiⁿ) ê 能力(lêng-le̍k)，日日(ji̍t-ji̍t) 更新(king-sin)，活潑(o̍ah-phuat) 有(ū) 力(la̍t)；比起(pí-khí) 日日(ji̍t-ji̍t) 靈命(lêng-miā) 枯乾(ko͘-ta)，無(bô) 力(la̍t) ê 生活(sing-o̍ah)；是(sī) 天(thiⁿ) tsham 地(tōe) ê tsing-tsha。Ài 得(tit) 甘露(kam-lō͘)，tī 暝時(mî-sî) 一切(it-tshè) lóng 安靜(an-tsēng) ê 時(sî)，tsiah 有(ū) 甘露(kam-lō͘) ê 出現(tshut-hiān)。草(tsháu)、樹葉(tshiū-hio̍h) tī 暝時(mî-sî)，伊(i) ê 毛管(mn̂g-kńg) 開(khui)，接受(tsiap-siū) 更新(king-sin) ê 露水(lō͘-tsúi) ê 灌(kòan) ak，重新(tiông-sin) 得(tit) 力量(le̍k-liōng)。Siâng 款(khóan)，安靜(an-tsēng) thìng 候(hāu) 主(tsú)，靈性(lêng-sèng) ê 甘露(kam-lō͘) tsiah 會(ōe) 來臨(lâi-lîm)，應該(ing-kai) 安歇(an-hioh) tī 伊(i) 面前(bīn-tsêng)。若是(nā-sī) 生活(sing-o̍ah) 勞碌(lô-lo̍k) 無閒(bô-êng)，甘露(kam-lō͘) 是(sī) 得(tit) buē tio̍h。Thìng 候(hāu) 上帝(siōng-tè)，hō͘ 伊(i) ê 同在(tông-tsāi) 來(lâi) 潤澤(lūn-te̍k) 你(lí)，án-ni 你(lí) 會(ōe) 帶(tòa) 基督(ki-tok) 更新(king-sin) kap 氣力(khùi-la̍t)，繼續(kè-sio̍k) 盡(tsīn) 你(lí) ê 本分(pún-hūn) kap 職責(tsit-tsik)。

Tī 有(ū) 熱氣(jia̍t-khì)，風透(hong-thàu) ê 時(sî)，甘露(kam-lō͘) buē 出現(tshut-hiān)。氣溫(khì-un) ài tāi 先(sing) 降(kàng)，空氣(khong-khì) ài 冷(léng) koh 靜靜(tsēng-tsēng) ê 時(sî)，hit-ê 看(khòaⁿ) buē-tio̍h ê 水氣(tsúi-khì) tsiah 會(ōe) 結(kiat) 做(tsòe) 露水(lō͘-tsúi)，來(lâi) 潤澤(lūn-te̍k) 樹木(tshiū-bo̍k)。咱(lán) ê 靈(lêng) 也(iā) tio̍h tī 伊(i) ê 面前(bīn-tsêng) 完全(ôan-tsôan) 安靜(an-tsēng) 落來(lo̍h-lâi)，tsiah 會(ōe) 得(tit) 上帝(siōng-tè) ê 恩典(un-tián) 所(só͘) 帶來(tòa-lâi) ê 安歇(an-hioh) kap 更新(king-sin)。

賜(sù) 你(lí) 清淨(tshing-tsēng) ê 露水(lō͘-tsúi)
直到(ti̍t-kàu) 生活(sing-o̍ah) 掙扎(tsing-tsat) suah 氣(khùi)，
心靈(sim-lêng) ê 重擔(tāng-tàⁿ) 壓力(ap-le̍k) lóng 離開(lī-khui)，
活(o̍ah) teh 順序(sūn-sū) 無(bô) 浪費(lōng-hùi)，
見證(kiàn-tsèng) 你(lí) 美好(bí-hó)、平安(pêng-an) kap 尊貴(tsun-kùi)。

Tī 我(góa) ê 喘氣(tshóan-khùi)，
Phīⁿ-tio̍h 你(lí) ê 清涼(tshing-liâng) kap 安慰(an-ùi)，
Hō͘ 感受(kám-siū) 麻痺(bâ-pì)，心定(sim-tiāⁿ) 停氣(thêng-khùi)，
經過(king-kòe) 大風(tōa-hong)、炎火(iām-hé)，地(tōe) 裂開(li̍h-khui)，
聽(thiaⁿ) tio̍h 細細(sòe-sòe) ê 聲(siaⁿ) tuì 你(lí) ê 嘴(tshùi)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org