《台語荒漠甘泉（漢羅版）》

 | | | 轉寄

水中經過

作者 陳清俊 譯 林俊育 漢羅翻寫 2011.02.06

listen 二月初六(二月六日)

「伊(i) 將(tsiong) 海(hái) 變做(pìⁿ-tsòe) 乾地(ta-tōe)；in 步行(pō͘-kiâⁿ) 過(kè) 河(hô)；tī-hia 阮(góan) 因為(in-ūi) 伊(i) 來(lâi) 歡喜(huaⁿ-hí)。」(詩篇(si-phian) 66：6)

「步行(pō͘-kiâⁿ) 過(kè) 河(hô)」á 是(sī)「經過(king-kòe) 水中(tsúi-tiong)」，tsit 句(kù) 話(ōe) 真(tsin) 有(ū) 意思(ì-sù)。人(lâng) tī 水中(tsúi-tiong) 除了(tû-liáu) 驚惶(kiaⁿ-hiâⁿ)、衝狂(tshiong-kông)、失望(sit-bōng)，驚(kiaⁿ) 失落(sit-lo̍h) 性命(sìⁿ-miā)；kiám iáu 有(ū) 甚麼(sím-mi̍h) 期待(kî-thāi) mah?總是(tsóng-sī) tī-tsia，以色列(í-sik-lia̍t) 民眾(bîn-tsiòng) 卻(khiok)「來(lâi) 歡喜(huaⁿ-hí)」。

Juā-tsuē 人(lâng) tī tsit 種(tsióng) 情形(tsêng-hêng) 會(ōe) 想(siūⁿ) tio̍h 本身(pún-sin) ê 情景(tsêng-kéng)，當(tng) 咱(lán) tī 痛苦(thòng-khó͘)、憂傷(iu-siong) ê 時(sî)，咱(lán) kiám 會(ōe) 親像(tshin-tshiūⁿ) 以色列(í-sik-lia̍t) 人(lâng) 來(lâi) 歡喜(huaⁿ-hí)，來(lâi) 唱歌(tshiùⁿ-kua)，跳舞(thiàu-bú) neh?

靠(khò) tio̍h 天父(thiⁿ-pē) ê 應允(èng-ún)，伊(i) kap 咱(lán) 何等(hô-téng) ê 接近(tsiap-kūn)。Tsiah-ê 應允(èng-ún) hō͘ 咱(lán) 頭前(thâu-tsêng) ê 路得(lō͘-tik) tio̍h 光(kng) 照(tsiò)。總是(tsóng-sī) 一旦(it-tàn) 環境(khôan-kéng) 變(piàn) 好(hó)，生活(sing-o̍ah) 富裕(hù-jū) 後(āu)，咱(lán) 就(tsiū) 無(bô) 看見(khòaⁿ-kìⁿ) 天父(thiⁿ-pē) ê 應允(èng-ún)。親像(tshin-tshiūⁿ) tī 日時(ji̍t-sî) 看(khòaⁿ) buē-tio̍h 星辰(tshiⁿ-sîn) 一樣(tsi̍t-iūⁿ)。到(kàu) 天(thiⁿ) 暗(àm)，就是(tsiū-sī) 憂傷(iu-siong) 來臨(lâi-lîm) ê 時(sî)，眾(tsèng) 星辰(tshiⁿ-sîn) koh tī 天裡(thiⁿ-nih) 光(kng) nà-nà，也(iā) 帶(tòa) 天父(thiⁿ-pē) 寶貴(pó-kùi) ê 應允(èng-ún)，來(lâi) 安慰(an-ùi) 咱(lán)。

雅各(ngá-kok) tī 雅博(ngá-phok ) ê 渡頭(tō͘-thâu) 所(só͘) 經歷(king-le̍k) ê:tī 暗時(àm-sî)，日頭(ji̍t-thâu) 落山(lo̍h-suaⁿ)，主(tsú) ê 使者(sù-tsiá) 出現(tshut-hiān)，kap 伊(i) 鬥力(tàu-la̍t)，相(saⁿ) ián，雅各(ngá-kok) 來(lâi) khah 贏(iâⁿ)。大(tōa) 祭司(tsè-si) 亞倫(a-lûn) 也是(iā-sī) tī 暝時(mî-sî)，黃昏(hông-hun) ê 時(sî)(出埃及記(tshut-ai-ki̍p-kì) 30：8)將(tsiong) 會幕(hōe-bō͘) 聖所(sèng-só͘) ê 燈(ting) 點(tiám) to̍h。基督徒(ki-tok-tô͘) ê 燈(ting) 也是(iā-sī) tī 苦難(khó͘-lān) ê 暝時(mî-sî) 點(tiám) 起來(khí-lâi)，tsit-ê 時(sî) 照(tsiò) tio̍h siōng 光亮(kng-liāng)。

使徒(sù-tô͘) 約翰(iok-hān) 是(sī) tī 被(pī) 放逐(hòng-tio̍k) 孤單(ko͘-tuaⁿ) ê 時(sî)，見(kìⁿ) tio̍h 救贖(kiù-sio̍k) 主(tsú) tī 榮光(êng-kng) 中(tiong) 顯現(hián-hiān)。今(kin) á 日(ji̍t)，咱(lán) 中間(tiong-kan) 有(ū) 人(lâng) 也(iā) 生活(sing-o̍ah) tī「拔摩(po̍at-mô͘)」ê 海島(hái-tó)(約翰(iok-hān) 受(siū) 放逐(hòng-tio̍k) ê 所在(só͘-tsāi))裡(nih)，也(iā) 有(ū) 天父(thiⁿ-pē) kap 咱(lán) 同在(tông-tsāi) ê 無限(bû-hān) 光輝(kong-hui) 回憶(hôe-ik) 裡(nih)。雖(sui) 是(sī) tī 孤獨(ko͘-to̍k)、憂傷(iu-siong) 中(tiong)，也(iā) 得(tit) tio̍h 伊(i) 恩典(un-tián)、慈愛(tsû-ài) ê 拯救(tsín-kiù)，hō͘ 咱(lán) 脫離(thuat-lî) 肉體(jio̍k-thé) ê 孤單(ko͘-tuaⁿ) kap 苦難(khó͘-lān)。

今日(kim-ji̍t) iáu 行(kiâⁿ) tī 世間(sè-kan) 痛苦(thòng-khó͘) ê 紅海(âng-hái)，á 是(sī) 約但(io̍k-tàn) 河(hô) ê 天路客(thian-lō͘-kheh)，有(ū) juā-tsuē 人(lâng) 會(ōe) 永遠(éng-óan) 記得(kì-tit) 天父(thiⁿ-pē) 偉大(úi-tāi) 仁慈(jîn-tsû) 美好(bí-hó) ê 回憶(hôe-ik)，thang 見證(kiàn-tsèng) 講(kóng)，阮(góan) beh「行(kiâⁿ) tī 水(tsúi) 裡(nih)」ê 見證(kiàn-tsèng)。甚至(sīm-tsì) 現今(hiān-kim) iáu tī 陰陰(im-im) 暗暗(àm-àm) ê 經歷(king-le̍k) 中(tiong)，海(hái) 湧(éng) tī 四圍(sì-ûi) hua-hua 哮(háu) ，有(ū) juā-tsuē 人(lâng) 會(ōe) 停(thêng) 落來(lo̍h-lâi) 講(kóng)，阮(góan) beh 因為(in-ūi) 你(lí) 來(lâi) 歡喜(huaⁿ-hí)。──J.R. Macduff

「我(góa) 也(iā) beh tuì-hia 賞賜(siúⁿ-sù) 伊(i) 葡萄園(phû-tô-hn̂g)，koh 賞賜(siúⁿ-sù) 伊(i) 亞割(a-kat) ê 山谷(suaⁿ-kok)，做(tsòe) ǹg 望(bāng) ê 門(mn̂g)，伊(i) beh tī-hia 應聲(ìn-siaⁿ)，kap 少年(siàu-liân) ê 日(ji̍t) 無(bô) koh-iūⁿ；」(何西阿(hô͘-se-a) 2：15)表示(piáu-sī) 是(sī) 以色列(í-sik-lia̍t) 人(lâng) 當年(tong-nî) 受苦(siū-khó͘) ê 國(kok) 會(ōe) 化做(hòa-tsòe) thang 祝福(tsiok-hok) ǹg 望(bāng) ê 門(mn̂g)。

Tī 水中(tsúi-tiong)，烏暗(o͘-àm) 憂傷(iu-siong) 中(tiong)，靠(khò) 主(tsú) 來(lâi) 歡喜(huaⁿ-hí)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org