《台語荒漠甘泉（漢羅版）》

 | | | 轉寄

行天路

作者 陳清俊 譯 林俊育 漢羅翻寫 2011.05.08

listen 五月初八(五月八日)

「看(khòaⁿ) ah，我(góa) 看見(khòaⁿ-kìⁿ) 有(ū) 四(sì) 個(ê) 人(lâng)，並(pēng) 無(bô) 受縛(siū-pa̍k)，行(kiâⁿ) tī 火中(hé-tiong)，也(iā) 無(bô) 受傷(siū-siong)；」(但以理(tān-í-lí) 3：25)

Sa-tik-la̍h，Bí-suah，A-pik-nî-ko 受(siū) hiat 落(lo̍h) tī 火窯(hé-iô) nih，烈烈(lia̍t-lia̍t) ê 火(hé) buē 阻止(tsó͘-tsí) in ê 行動(hêng-tōng)，因為(in-ūi) 看(khòaⁿ) tio̍h in tī 火中(hé-tiong) teh 行遊(kiâⁿ-iû)。實在(si̍t-tsāi) 講(kóng)，火(hé) 是(sī) in 行(kiâⁿ) ǹg 目的地(bo̍k-tik-tē) ê 一條(tsi̍t-tiâu) 道路(tō-lō͘)。Tuì 基督(ki-tok) ê 真理(tsin-lí)，咱(lán) 得(tit) tio̍h 安慰(an-ùi)，m̄ 是(sī) 因為(in-ūi) 這(tse) 真理(tsin-lí) 教(kà) 咱(lán) buē 悲傷(pi-siong) ê 自由(tsū-iû)，是(sī) 教(kà) 咱(lán) tuì 悲傷(pi-siong) 來(lâi) 得(tit) 自由(tsū-iû)。

親愛(tshin-ài) ê 主(tsú)，當(tng) 烏暗(o͘-àm) 遮罩(jia-tà) 我(góa) ê 時(sî)，hō͘ 我(góa) 知(tsai)，我(góa) 只有(tsí-ū) 是(sī) 進入(tsìn-ji̍p) 一個(tsi̍t-ê) pōng-khang nā-tiāⁿ，真(tsin) 緊(kín) 就(tsiū) 會(ōe) 通過(thong-kè) pōng-khang，回復(hôe-hok) 到(kàu) 光明(kong-bêng)。

我(góa) 知(tsai)，有(ū) 一日(tsi̍t-ji̍t)，我(góa) 會(ōe) khiā tī 橄欖山(kaⁿ-ná-suaⁿ) 頂(téng)，體會(thé-hōe) koh 活(o̍ah) ê 榮耀(êng-iāu)。是(sī)，天父(thiⁿ-pē) ah，我(góa) beh 體驗(thé-giām) koh-khah tsuē，beh 經過(king-kòe) 你(lí) ê 受釘(siū-tèng) tī 各各他(kok-kok-tha) ê 山頂(suaⁿ-téng)。我(góa) 知(tsai) 烏烏(o͘-o͘) 暗暗(àm-àm) ê 蔭影(ìm-ńg) 是(sī) ǹg 天堂(thian-tông) ê 道路(tō-lō͘) ê 一個(tsi̍t-ê) 蔭影(ìm-ńg) nā-tiāⁿ。教示(kà-sī) 我(góa)，知(tsai) 我(góa) peh 山(suaⁿ) ê 目的(bo̍k-tik)，是(sī) 因為(in-ūi) 你(lí) ê 厝(tshù) 是(sī) tī hia。Án-ni，若是(nā-sī) 行過(kiâⁿ-kè) 火中(hé-tiong)，我(góa) buē 因為(in-ūi) 憂傷(iu-siong) 來(lâi) 受傷(siū-siong)。──George Matheson

路(lō͘) tsiah pháiⁿ 行(kiâⁿ)，
一直(it-ti̍t) teh peh 崎(kiā)，
無(bô) 花(hue)，只有(tsí-ū) 刺(tshì) á，荒野(hong-iá)，
Lóng 是(sī) 烏陰(o͘-im) 天(thiⁿ) nā-tiāⁿ。
總是(tsóng-sī)，危險(gûi-hiám) ê 時(sî)，伊(i) 牽(khan) 我(góa) 行(kiâⁿ)，
Kap 伊(i) 同行(tâng-kiâⁿ)，我(góa) 自在(tsū-tsāi) 無(bô) 驚(kiaⁿ)。

十字架(si̍p-jī-kè) tsit 款(khóan) 工(kang)，
Kah-tsiah 擋(tòng) buē-tiâu ê 重(tāng)，
大(tōa) koh 粗(tsho͘) 重(tāng)，mo͘h buē tín 動(tāng)，
也(iā) 無(bô) 關心(kuan-sim) ê 人(lâng)。
當(tng) 伊(i) 溫柔(un-jiû) 摸(bong) 我(góa) ê 手(tshiú)，我(góa) 得(tit) ǹg 望(bāng)，
伊(i) 知(tsai)，伊(i) 了解(liáu-kái)，伊(i) 關心(kuan-sim) 我(góa) ê 苦痛(khó͘-thàng)。

為何(ūi-hô) iáu teh 啼哭(thî-khàu)，驚惶(kiaⁿ-hiâⁿ)，
十字架(si̍p-jī-kè)，phāiⁿ 起來(khí-lâi) 行(kiâⁿ)，
一步(tsi̍t-pō͘)，一步(tsi̍t-pō͘) ǹg 天(thiⁿ) 城(siâⁿ)，
是(sī) 咱(lán) 所(só͘) ài，所(só͘) beh 贏(iâⁿ)。
每(múi) 一步(tsi̍t-pō͘) 得(tit) 新(sin) 性命(sìⁿ-miā)，
是(sī) 有(ū) 主(tsú) 陪(pôe) 咱(lán) 行(kiâⁿ)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org