《台語荒漠甘泉（漢羅版）》

 | | | 轉寄

信

作者 陳清俊 譯 林俊育 漢羅翻寫 2011.05.01

listen 五月初一(五月一日)

「就是(tsiū-sī) 無(bô) 白賊(pe̍h-tsha̍t) ê 上帝(siōng-tè) tī 永(éng) 世代(sè-tāi) ê tāi 先(sing) 所(só͘) 應允(èng-ún) ê;」(提多(thê-to) 1：2)

信(sìn)，m̄ 是(sī) 照(tsiàu) 你(lí) ê 想像(sióng-siōng) á 是(sī) 推理(thui-lí) 所(só͘) 會(ōe) 發生(huat-sing) ê tāi-tsì。信(sìn)，是(sī) 對(tùi) 上帝(siōng-tè) ê 應允(èng-ún) 確信(khak-sìn) 無(bô) 疑(gî)，因為(in-ūi) 相信(siong-sìn) 上帝(siōng-tè) 所(só͘) 講(kóng) ê 話(ōe) 確實(khak-si̍t)，來(lâi) 歡喜(huaⁿ-hí)，koh 心安(sim-an) 理得(lí-tik)。

信(sìn)，是(sī) 將(tsiong) 所(só͘) 應允(èng-ún) ê，事先(tāi-sing) 知(tsai)，做(tsòe) 預言(ī-giân)。應允(èng-ún) 需要(su-iàu) 咱(lán) ê 合作(ha̍p-tsok)，咱(lán) 真正(tsin-tsiàⁿ) 相信(siong-sìn) 伊(i)，tsiah 成做(tsiâⁿ-tsòe) 預言(ī-giân)，咱(lán) ài 有(ū) tsit 種(tsióng) ê 確信(khak-sìn)，努力(ló͘-le̍k) 向前(hiòng-tsêng) 來(lâi) 做(tsòe)。因為(in-ūi) 上帝(siōng-tè) 無(bô) 白賊(pe̍h-tsha̍t)。─tuì「Tī地(tōe) ná tī 天(thiⁿ)」(from Days of Heaven upon Earth)

我(góa) 常常(siông-siông) 聽(thiaⁿ) 人(lâng) 祈禱(kî-tó) 求(kiû) khah 大(tōa) ê 信心(sìn-sim)，khah 詳細(siông-sè) 聽(thiaⁿ) in ê 祈禱(kî-tó) 了後(liáu-āu)，知(tsai) in 祈禱(kî-tó) ê 目的(bo̍k-tik)，根本(kun-pún) m̄ 是(sī) beh 求(kiû) khah 大(tōa) ê 信心(sìn-sim)；in 所(só͘) 求(kiû) ê，不過(put-kò) 是(sī) ài 實現(si̍t-hiān) in ê 心(sim) 所(só͘) 想(siūⁿ) ê 而已(jî-í)。

信心(sìn-sim) m̄ 是(sī) 講(kóng)：「我(góa) 看(khòaⁿ) 這(tse) 是(sī) 對(tùi) 我(góa) 有(ū) 好處(hó-tshù)，上帝(siōng-tè) 一定(it-tēng) 會(ōe) 賞賜(siúⁿ-sù)。」反(hóan) tńg 是(sī) 應該(ing-kai) ài 講(kóng)：「這(tse) 是(sī) 上帝(siōng-tè) 所(só͘) 賞賜(siúⁿ-sù)，一定(it-tēng) 對(tùi) 我(góa) 有(ū) 幫贊(pang-tsān)。」

有(ū) 信心(sìn-sim) ê 人(lâng)，tī 烏暗中(o͘-àm-tiong) kap 主(tsú) 同行(tâng-kiâⁿ)，只要(tsí-iàu) 伊(i) kā 伊(i) ê 手(tshiú) 掠(lia̍h) tiâu-tiâu 就(tsiū) 夠額(kàu-gia̍h) lah。──Phillips Brooks

大(tōa) 牧者(bo̍k-tsiá) 無(bô) 要求(iau-kiû) 你(lí)，
信(sìn) 家己(ka-kī)，反(hóan) tńg 是(sī) 信靠(sìn-khò) 伊(i)；
這(tse) 是(sī) 伊(i) 講(kóng)：「來(lâi) 我(góa) tsia」ê 意義(ì-gī)。
暝日(mî-ji̍t) tshē 求(kiû) 伊(i) ê 旨意(tsí-ì)，
將(tsiong) 信(sìn) ê khang-khè 交(kau) hō͘ 耶穌(iâ-so͘) 而已(jî-í)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org