《台語荒漠甘泉（漢羅版）》

 | | | 轉寄

無可能ê事

作者 陳清俊 譯 林俊育 漢羅翻寫 2011.11.27

listen
十一月二七（十一月二十七日）

「因為(in-ūi) 上帝(siōng-tè) 所(só͘) 講(kóng) ê 話(ōe)，無(bô) 一(tsi̍t) 句(kù) 無(bô) 力(la̍t)。」（路加(lō͘-ka) 1：37）

Tī 歐洲(au-tsiu) siōng 高(kôan) ê 山(suaⁿ)，A-lí-phí-sú 山(suaⁿ)（Alpine)ê 山谷(suaⁿ-kok) 中(tiong)，上帝(siōng-tè) ta̍k 年(nî) 就(tsiū) teh 創造(tshòng-tsō) 奇蹟(kî-tsik)。日時(ji̍t-sî) 有(ū) 大(tōa) 太陽(thài-iông) 照(tsiò)，暗時(àm-sî) 有(ū) 冰雪(ping-seh) 凍(tàng)，氣候(khì-hāu) 變化(piàn-hòa) 真(tsin) 大(tōa)。總是(tsóng-sī) tī 冰雪(ping-seh) khah 薄(po̍h) ê 所在(só͘-tsāi)，有(ū) 一種(tsi̍t-tsióng) 花草(hue-tsháu)，uē 對(tùi) 冰(ping) ê 中間(tiong-kan) puh 出來(tshut-lâi) 真(tsin) 燦麗(tshàn-lē) ê 花蕾(hue-m̂)。這(tse) 小小(sió-sió) ê 花(hue)，叫做(kiò-tsòe)「高山(ko-san) 鍾(tsing) 花(hue)」（soldanelle plant)，伊(i) thài uē 有(ū) tsiah-nih 大(tōa) ê 能力(lêng-le̍k) ah?

原來(gôan-lâi) tsit 種(tsióng) 花草(hue-tsháu)，當(tng) 熱天(jo̍ah-thiⁿ) ê 時(sî)，伊(i) 將(tsiong) 葉(hio̍h) tshun tī 地(tōe) 裡(nih) 真(tsin) 闊(khuah)，thang 吸收(khip-siu) 日頭(ji̍t-thâu) ê 光(kng) kap 熱(jia̍t)，tsiah-ê 能(ōe) lóng 存(tsûn) tī 伊(i) ê 根(kun) ê 內面(lāi-bīn)。當(tng) 春天(tshun-thiⁿ) 到(kàu)，雪(seh) 裡(nih) ê 性命(sìⁿ-miā) 開始(khai-sí) 醒(tshíⁿ) 起來(khí-lâi)，小小(sió-sió) ê 花草(hue-tsháu) puh 芽(íⁿ)，奇妙(kî-biāu) 來(lâi) 發出(huat-tshut) 細細(sòe-sòe) ê 熱氣(jia̍t-khì)，漸漸(tsiām-tsiām) 將(tsiong) 頂面(téng-bīn) ê 雪(seh) 溶(iûⁿ) 出(tshut) 一個(tsi̍t-ê) 氣囊(khì-lông)。

Tsit-ê 植物(si̍t-bu̍t) ná 大(tōa) 叢(tsâng)，tī 頂面(téng-bīn) ê 氣囊(khì-lông) 就(tsiū) ná 大(tōa) 粒(lia̍p)，一(tsi̍t) 直到(ti̍t-kàu) 花(hue) m̂ 安全(an-tsôan) 形成(hêng-sêng) 好勢(hó-sè)。Siōng 尾(bé)，蓋(khàm) tī 頂面(téng-bīn) ê 冰雪(ping-seh) hō͘ 氣囊(khì-lông) 大(tōa) 到(kàu) 破(phòa) 一(tsi̍t) 孔(khang)。植物(si̍t-bu̍t) ê 花(hue) m̂ 就(tsiū) tuì tsit-ê 孔(khang) tshìng 出來(tshut-lâi) 雪(seh) 頂(téng)，開(khui) 出(tshut) 細細(sòe-sòe) 紫色(tsí-sik) ê 花(hue)，伊(i) ê 花(hue) 片(phiàn) 金(kim) siak-siak，ná 親像(tshin-tshiūⁿ) 經過(king-kòe) 一段(tsi̍t-tōaⁿ) 真(tsin) 痛苦(thòng-khó͘) ê 行程(hêng-têng) 所(só͘) 致(tì) ê 記號(kì-hō)。

Tsit 種(tsióng) 細細(sòe-sòe) 脆弱(tshùi-jio̍k) ê 花(hue) hō͘ 我(góa) ê 心(sim) 有(ū) 大大(tōa-tōa) ê 感觸(kám-tshiok)，m̄ 是(sī) tī 低(kē) ê 山坪(suaⁿ-phiâⁿ) 中(tiong)，花草(hue-tsháu) 所(só͘) 開(khui) tsiok suí ê 花(hue) 所(só͘) hō͘ 我(góa) ê 感觸(kám-tshiok) 一樣(tsi̍t-iūⁿ)。咱(lán) ài 看(khòaⁿ) 無(bô) 可能(khó-lêng) ê 事(sū) 變做(pìⁿ-tsòe) 可能(khó-lêng)，koh 成做(tsiâⁿ-tsòe) 事實(sū-si̍t)，上帝(siōng-tè) 也是(iā-sī) án-ni。

所以(só͘-í)，咱(lán) ài 堅持(kian-tshî)、忍耐(jím-nāi)，將(tsiong) 咱(lán) ê 困境(khùn-kéng)、人類(jîn-lūi) ê 烏點(o͘-tiám)、懷疑(hôai-gî)、m̄ 信(sìn)、lóng 總(tsóng) ê 困難(khùn-lân)、反對(hóan-tùi) 上帝(siōng-tè) ê 作為(tsok-ûi)，lóng 推(thui) 送(sàng) tī 上帝(siōng-tè) ê 頂面(téng-bīn)，也是(iā-sī) buē-thang 阻擋(tsó͘-tòng) 上帝(siōng-tè) ê 奇妙(kî-biāu) 創造(tshòng-tsō) 奇蹟(kî-tsik) ê 能力(lêng-le̍k)。願(gōan) 咱(lán) uē 專心(tsuan-sim) 信靠(sìn-khò) 伊(i)，因為(in-ūi) 伊(i) 是(sī)「uē 做(tsòe) 出(tshut) 不可能(put-khó-lêng)」ê 上帝(siōng-tè)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org