《台語荒漠甘泉（漢羅版）》

 | | | 轉寄

信心ê thìng候

作者 陳清俊 譯 林俊育 漢羅翻寫 2011.11.20

listen
十一月二十（十一月二十日）

「見若(kìⁿ-nā) thìng 候(hāu) koh 到(kàu) 一(tsi̍t) 千(tshing) 三(saⁿ) 百(pah) 三十五(saⁿ-tsa̍p-gō͘) 日(ji̍t) ê，hit-ê 人(lâng) 有(ū) 福氣(hok-khì)。」（但以理(tān-í-lí) 12：12）

Thìng 候(hāu) kah-ná 是(sī) 真(tsin) 快(khòai) ê 事(sū)，做(tsòe) 一個(tsi̍t-ê) 基督(ki-tok) ê 兵丁(ping-ting)，卻(khiok) 需要(su-iàu) 真(tsin) tsuē 年(nî) ê 訓練(hùn-liān) tsiah 學(o̍h) tio̍h 這(tse) 功課(kong-khò)。對(tùi) 上帝(siōng-tè) ê 兵丁(ping-ting) 來(lâi) 講(kóng)：行軍(hêng-kun)、操練(tshau-liān)，若(nā) kap thìng 候(hāu)、靜靜(tsēng-tsēng) 來(lâi) 比較(pí-kàu)，是(sī) khah 容易(iông-īⁿ)。

當(tng) tú-tio̍h tāi-tsì，心(sim) 亂(lōan) tshau-tshau，m̄ 知(tsai) 頭前(thâu-tsêng) ê 方向(hong-hiòng)，也(iā) m̄ 知(tsai) beh án 怎(tsóaⁿ) 做(tsòe)，連(liân) siōng 有(ū) 信心(sìn-sim) ê 人(lâng)，ài 為(ūi) 主(tsú) 來(lâi) 行(kiâⁿ) 一生(it-sing) ê 人(lâng)，也會(iā-ōe) tú-tio̍h tsit 種(tsióng) 情形(tsêng-hêng)，beh án 怎(tsóaⁿ)？是(sī) 失望(sit-bōng) 灰心(hue-sim)？是(sī) 回頭(hôe-thâu) 忍(jím) neh?是(sī) 無(bô) 方向(hong-hiòng) lām-sám 向前(hiòng-tsêng) 衝(tshiong) mah?

Lóng m̄ 是(sī)，這(tse) 是(sī) ài 你(lí) thìng 候(hāu) ê 時(sî)，祈禱(kî-tó) teh thìng 候(hāu)，求(kiû) 上帝(siōng-tè)，將(tsiong) 你(lí) ê 困境(khùn-kéng) 排列(pâi-lia̍t) tī 伊(i) ê 面前(bīn-tsêng)，將(tsiong) 困難(khùn-lân) 講(kóng) hō͘ 伊(i) 聽(thiaⁿ)，koh 提醒(thê-tshíⁿ) 伊(i) 答應(tap-èng) beh 幫贊(pang-tsān)。

Tī 信心(sìn-sim) ê thìng 候(hāu)，堅決(kian-kuat) 不疑(put-gî) 相信(siong-sìn) 伊(i)。若是(nā-sī) 伊(i) ài 你(lí) 等到(tán-kàu) 半暝(pòaⁿ-mî)，你(lí) 也是(iā-sī) 相信(siong-sìn)。伊(i) beh tī 極(ke̍k) 適當(sik-tòng) ê 時(sî) 來(lâi) 實現(si̍t-hiān) 伊(i) 為(ūi) 你(lí) 備辦(pī-pān) ê 將來(tsiong-lâi)。

Thìng 候(hāu)，平靜(pêng-tsēng)、安心(an-sim)、耐心(nāi-sim) ê thìng 候(hāu)，莫得(bo̍h-tit) 為(ūi) tio̍h 你(lí) 所(só͘) 想(siūⁿ) 出(tshut) ê 原因(gôan-in) 來(lâi) 埋怨(bâi-òan)，這(tse) ná 親像(tshin-tshiūⁿ) 以色列(í-sik-lia̍t) 人(lâng) 對(tùi) 摩西(mô͘-se) 出(tshut) 怨言(òan-giân) 一樣(tsi̍t-iūⁿ)。接受(tsiap-siū) 現今(hiān-kim) ê 情形(tsêng-hêng)，全心(tsôan-sim) 交代(kau-tāi) tī 上帝(siōng-tè) ê 手中(tshiú-tiong)，除去(tû-khì) 家己(ka-kī) ê 想法(siūⁿ-huat)，對(tùi) 主(tsú) 講(kóng)：「主(tsú) ah，無(bô) 照(tsiàu) 我(góa) ê 意思(ì-sù)，是(sī) 照(tsiàu) 你(lí) ê 旨意(tsí-ì)。」（路加(lō͘-ka) 22：42）我(góa) m̄ 知(tsai) beh án 怎(tsóaⁿ) 做(tsòe)，我(góa) 是(sī) tī 極(ke̍k) 困苦(khùn-khó͘) 中(tiong)，需要(su-iàu) 你(lí)，我(góa) beh thìng 候(hāu)，等(tán) 你(lí) 將(tsiong) 目前(ba̍k-tsêng) ê 大海(tōa-hái) 分開(pun-khui)，等(tán) 你(lí) 將(tsiong) 前面(tsêng-bīn) ê 對敵(tùi-te̍k) 趕走(kóaⁿ-tsáu)。假使(ká-sú) 我(góa) ài 等(tán) 真(tsin) 久(kú)，我(góa) 也(iā) beh 等(tán)。親愛(tshin-ài) ê 主(tsú)，我(góa) 專心(tsuan-sim) thìng 候(hāu) 你(lí)，等(tán) 你(lí) ê 拯救(tsín-kiù) nā-tiāⁿ。我(góa) ê 靈(lêng) 全心(tsôan-sim) 自信(tsū-sìn) teh 等待(tán-thāi) 你(lí)，你(lí) 是(sī) 我(góa) ê 拯救(tsín-kiù)，我(góa) ê 喜樂(hí-lo̍k)，「因為(in-ūi) 你(lí) 是(sī) 我(góa) 逃閃(tô-siám) ê 所在(só͘-tsāi)，做(tsòe) 我(góa) 堅固(kian-kò͘) ê 高台(kôan-tâi)，thang 脫離(thuat-lî) 對敵(tùi-te̍k)。」（詩篇(si-phian) 61：3）

Thìng 候(hāu)，耐心(nāi-sim) ê thìng 候(hāu)，
上帝(siōng-tè) 無(bô) 失效(sit-hāu)，
你(lí) ê 計畫(kè-ōe) hē tī 上帝(siōng-tè) ê 手頭(tshiú-thâu)，
Thìng 候(hāu) 伊(i) 來(lâi) tháu，
Thìng 候(hāu)，koh thìng 候(hāu)，
耐心(nāi-sim) ê thìng 候(hāu)。

信靠(sìn-khò)，ǹg 望(bāng) ê 信靠(sìn-khò)，
上帝(siōng-tè) teh 做(tsòe)；
除去(tû-khì) 你(lí) 心內(sim-lāi) ê tso-tso。
伊(i) ê 旨意(tsí-ì) 將(tsiong) 你(lí) 生活(sing-o̍ah) 改造(kái-tsō)，
信靠(sìn-khò)，koh 信靠(sìn-khò)，
Ǹg 望(bāng) ê 信靠(sìn-khò)。

安歇(an-hioh)、平和(pêng-hô) ê 安歇(an-hioh)，
Tī 救主(kiù-tsú) ê 胸前(hing-tsêng) 惜(sioh)；
排列(pâi-lia̍t) 你(lí) 大(tōa) 計畫(kè-ōe)，事業(sū-gia̍p) 基石(ki-tsio̍h)，
伊(i)beh成就(sêng-tsiū) hō͘ 你(lí) tiô koh 笑(tshiò)，
安歇(an-hioh)，koh 安歇(an-hioh)，
平和(pêng-hô) ê 安歇(an-hioh)！ ──Mercy A. Gladwin


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org