《台語荒漠甘泉（漢羅版）》

 | | | 轉寄

暗暝敬拜

作者 陳清俊 譯 林俊育 漢羅翻寫 2011.12.11

listen
十二月十一（十二月十一日）

「看(khoàⁿ)ah，耶和華(iâ-hô-hua) tsiah-ê 奴僕(lô͘-po̍k)，暝間(mî-kan) tiàm 耶和華(iâ-hô-hua) 厝內(tshù-lāi) ê，lín lóng tio̍h o-ló 耶和華(iâ-hô-hua)。願(goān) 創造(tshòng-tsō) 天地(thiⁿ-tē) ê 耶和華(iâ-hô-hua)，tuì 錫安(sik-an) 賜(sù) 福氣(hok-khì) hō͘ 你(lí)。」（詩篇(si-phian) 134：1,3）

你(lí) uē 注意(tsù-ì) tio̍h tī 真(tsin) 奇怪(kî-koài) ê 時間(sî-kan) 敬拜(kèng-pài) 上帝(siōng-tè)，tī 暗時(àm-sî)。「tī 暝間(mî-kan) tī 耶和華(iâ-hô-hua) ê 厝(tshù)」。Tī 暗暝(àm-mî)，tī 咱(lán) siōng 憂傷(iu-siong) ê 時(sî) 來(lâi) 敬拜(kèng-pài)，確實(khak-si̍t) 是(sī) 一(tsi̍t) 層(tsân) 真(tsin) 困難(khùn-lân) ê 事(sū)。不過(put-kò) tī tsit 內面(lāi-bīn) 有(ū) 福氣(hok-khì) teh 等(tán) 你(lí)，因為(in-ūi) he 是(sī) 信心(sìn-sim) 完美(oân-bí) ê 考驗(khó-giām)。Tī 寒冷(hân-léng) ê 冬天(tang-thiⁿ) uē 看(khoàⁿ) 出(tshut) 朋友(pêng-iú) 疼心(thiàⁿ-sim) ê 程度(thêng-tō͘)，siāng 款(khoán)，咱(lán) tuì 上帝(siōng-tè) ê 疼(thiàⁿ) 也是(iā-sī) án-ni。

Tī 熱天(jua̍h-thiⁿ) 有(ū) 太陽(thài-iông)，有(ū) 鳥(tsiáu)á 唱歌(tshiùⁿ-kua)，有(ū) 水果(tsúi-kó) tī 樹頂(tshiū-téng)，來(lâi) 敬拜(kèng-pài) 上帝(siōng-tè) 是(sī) 容易(iông-īⁿ) ê。若是(nā-sī) 當(tng) 鳥(tsiáu)á 無去(bô-khì)，無(bô) 歌聲(kua-siaⁿ)，樹頂(tshiū-téng) ê 果子(ké-tsí) 也(iā) lóng 落去(lo̍h-khì)，我(goá) ê 心(sim) 是(sī)m̄是(sī) iáu uē 唱歌(tshiùⁿ-kua) o-ló 上帝(siōng-tè) neh?我(goá) kiám iáu beh 願意(goān-ì) tī 暝時(mî-sî) tī 聖殿(sèng-tiān) 裡(nih)？我(goá) kiám iáu 疼(thiàⁿ) 伊(i)？我(goá) kiám beh 願意(goān-ì) kap 伊(i) tī 客西馬尼(khik-se-má-nî) 園(hn̂g)「驚醒(kéng-séng) 一點鐘(tsi̍t-tiám-tsing) 久(kú)」？（馬可(má-khó) 14：37）我(goá) kiám 願意(goān-ì) 幫贊(pang-tsān) 伊(i)，背(pē) 伊(i) ê 十字架(si̍p-jī-kè) 行(kiâⁿ) 到(kàu) 各各他(kok-kok-thaⁿ)？Tī 伊(i) 受(siū) 釘死(tèng-sí) ê 時(sî)，我(goá) kiám kap 伊(i) ê 老母(lāu-bú) 馬利亞(má-lī-a)，伊(i) 所(só͘) 疼(thiàⁿ) ê 學生(ha̍k-sing) 約翰(iok-hān) khiā 作伙(tsoè-hé) tī 身邊(sin-piⁿ) mah?我(goá) kiám uē 親像(tshin-tshiūⁿ) A-lī-má-thài ê 約瑟(iok-sik)，á是(sī) Nî-ko-tí-bó͘ 會(oē) 將(tsiong) 伊(i) ê 身屍(sin-si) tuì 十字架(si̍p-jī-kè) 頂(téng) the̍h落來(lo̍h-lâi) neh?

我(goá) 若(nā) 會(oē) thang 親像(tshin-tshiūⁿ) án-ni 做(tsoè)，我(goá) ê 敬拜(kèng-pài) 是(sī) 完全(oân-tsoân)，亦(ia̍h) 我(goá) ê 福氣(hok-khì) 是(sī) 榮光(êng-kng) ê。Tī 伊(i) siōng 卑微(pi-bî) ê 時(sî)，我(goá) 疼(thiàⁿ) 伊(i)；tī 伊(i) siōng 低(kē) ê 時(sî)，我(goá) 表示(piáu-sī) 信心(sìn-sim)，tī 伊(i) siōng 無(bô) 人緣(lâng-iân)，受(siū) 看輕(khoàⁿ-khin) ê 時(sî)，我(goá) ê 心(sim) iáu 承認(sêng-jīn) 伊(i) ê 高貴(ko-kùi)。我(goá) 知(tsai)，我(goá) 是(sī) ài 伊(i) 本身(pún-sin)，m̄是(sī) ài 伊(i) ê 恩賜(un-sù)、禮物(lé-bu̍t)。實在(si̍t-tsāi)，我(goá) beh tī 暗暝(àm-mî)，khiā tī 伊(i) ê 聖殿(sèng-tiān) 敬拜(kèng-pài) 伊(i)，無(bô) 為甚物(ūi-sím-mi̍h)，只有(tsí-ū) 為(ūi) tio̍h 伊(i) 本身(pún-sin) nā-tiāⁿ。──George Matheson

上帝(siōng-tè) 本身(pún-sin) 是(sī) 我(goá) ê 目標(bo̍k-piau)，
M̄是(sī) 喜樂(hí-lo̍k)、平安(pêng-an)、福氣(hok-khì) kap 才(tsâi)tiāu。
是(sī) 照(tsiàu) 伊(i) ê 旨意(tsí-ì)，我(goá) 受召(siū-tiáu)，
親愛(tshin-ài) 主(tsú)，無(bô) 惜(sioh) 代價(tāi-kè)，路(lō͘) 無管(bô-koán) 行(kiâⁿ) tó 一條(tsi̍t-tiâu)！

信心(sìn-sim) tshuā 我(goá) ǹg 上帝(siōng-tè) 來(lâi) 邁進(mài-tsìn)，
Tshuā入(ji̍p) 疼(thiàⁿ)，靠(khò) 主(tsú) 來(lâi) 相信(siong-sìn)，
我(goá) ê 靈(lêng) tè 主(tsú) tè緊緊(kín-kín)，
直到(ti̍t-kàu) 伊(i) 答應(tap-èng) 我(goá) ê 祈禱(kî-tó) kap 深信(tshim-sìn)。

不管(put-koán) 路中(lō͘-tiong) 烏暗(o͘-àm) 孤單(ko͘-tuaⁿ)，
不管(put-koán) 代價(tāi-kè) juā 大(toā)，
伊(i) 知(tsai) 我(goá) beh 去(khì) ê ta̍k 路段(lō͘-tōaⁿ)，
到(kàu) 伊(i) hia ê 路(lō͘) 是(sī) 確信(khak-sìn)，koh 直線(ti̍t-soàⁿ)，

一(tsi̍t) 層(tsân) 事(sū) 是(sī) 肯定(khéng-tēng)，我(goá) buē 對(tùi) 伊(i) 反對(hoán-tùi)，
一(tsi̍t) 層(tsân) 事(sū) 我(goá) teh 做(tsoè)，主(tsú)，我(goá) 所(só͘) uá靠(khò) kap 跟隨(kun-sûi)，
我(goá) ná 行(kiâⁿ)，ná o-ló 我(goá) ê 上帝(siōng-tè)，心(sim) ná 開(khui)，
到(kàu) tī 天(thiⁿ) 得(tit) 極大(ke̍k-toā) ê 報賞(pò-siúⁿ)，siōng 寶貴(pó-kùi)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org