《台語荒漠甘泉（漢羅版）》

 | | | 轉寄

得勝有tshun

作者 陳清俊 譯 林俊育 漢羅翻寫 2011.12.18

listen
十二月十八（十二月十八日）

「反(hóan)tńg tī tsiah-ê lóng總(tsóng) ê 事(sū)，咱(lán) 對(tùi) 疼(thiàⁿ) 咱(lán) ê，得勝(tik-sèng) 到(kàu) 有(ū) tshun。」（羅馬(lô-má) 8：37）

福音(hok-im)，上帝(siōng-tè) ê 恩賜(un-sù) 是(sī) 真(tsin) 奇妙(kî-biāu) ê，uē 將(tsiong) 敵人(te̍k-jîn) 對敵(tùi-te̍k) 咱(lán) 所有(só͘-ū) ê 力量(le̍k-liōng) 集(tsi̍p) 起來(khí-lâi)，化做(hoà-tsoè) 幫贊(pang-tsān) 咱(lán) 行(kiâⁿ)ǹg 天國(thian-kok)，去(khì) 見(kìⁿ) 上帝(siōng-tè) ê 路(lō͘)。這(tse) ná 親像(tshin-tshiūⁿ) 鶯鳥(ing-tsiáu) 利用(lī-iōng) 暴風(po̍k-hong) ê 力量(le̍k-liōng) 成做(tsiâⁿ-tsoè) 伊(i) pìng 空中(khong-tiong) ê 力(la̍t)。鷹(ing) khiā tī kuân-kuân ê 山崖(suaⁿ-gâi) 邊(piⁿ) 靜靜(tsēng-tsēng)，看(khoàⁿ) 天色(thiⁿ-sik) teh 暗(àm)，sih-nà teh sih，暴風(po̍k-hong) teh 捲(kńg)。看(khoàⁿ) 準準(tsún-tsún)，就(tsiū) ǹg 強(kiông) 風(hong) 飛(pe) 去(khì)，利用(lī-iōng) 風(hong) ê 力(la̍t) 將(tsiong) 伊(i) ǹg 空中(khong-tiong) 飛(pe) kuân。

上帝(siōng-tè) 也(iā) ài 伊(i) 每(múi) 一個(tsi̍t-ê) kiáⁿ兒(jî) uē án-ni，「得勝(tik-sèng) 到(kàu) 有(ū) tshun」。將(tsiong) 暴風雨(pō-hong-ú) ê 雲(hûn) 變做(pìⁿ-tsoè) 勝利(sèng-lī) ê 戰車(tsiàn-tshia)。「得勝(tik-sèng) 到(kàu) 有(ū) tshun」m̄-nā 是(sī) 戰(tsiàn) 贏(iâⁿ)，將(tsiong) 敵人(te̍k-jîn) phah 敗(pāi)，koh uē tuì 敵人(te̍k-jîn) 來(lâi) 得(tit) in ê 糧食(niû-si̍t)，in ê ta̍k 種(tsióng) ê 物(mi̍h)。這(tse) 是(sī) tsit-ê 經節(king-tsat) 真正(tsin-tsiàⁿ) ê 意義(ì-gī)，m̄-nā phah 贏(iâⁿ)，koh 有(ū) 戰利品(tsiàn-lī-phín) thang the̍h。

親愛(tshin-ài) ê 基督徒(ki-tok-tô͘)，當(tng) 你(lí) 經過(king-koè) 驚惶(kiaⁿ-hiâⁿ) thang 驚(kiaⁿ) ê 苦難(khó͘-lān) 山谷(suaⁿ-kok) 後(āu)，你(lí) 是(sī) m̄ 是(sī) 有(ū) 帶(toà)tio̍h 戰利品(tsiàn-lī-phín) 離開(lī-khui) mah?當(tng) 你(lí) 受傷(siū-siong)，已經(í-king) teh-beh 無(bô) 元氣(goân-khì) ê 時(sî)，你(lí) 有(ū) 信靠(sìn-khò) 上帝(siōng-tè)，hō͘ 你(lí) 出去(tshut-khì) ê 時(sî) 比(pí) 你(lí) 入來(ji̍p-lâi) ê 時(sî) khah 豐盛(hong-sēng)、富裕(hù-jū) mah?做(tsoè) 一個(tsi̍t-ê)「得勝(tik-sèng) 到(kàu) 有(ū) tshun」是(sī) tuì 敵人(te̍k-jîn) hia 得(tit) 戰利品(tsiàn-lī-phín)，歸(kui) tī 家己(ka-kī)，敵人(te̍k-jîn) 所(só͘) beh 用(ēng) 這(tse) 來(lâi) 攻擊(kong-kik) 你(lí) ê 物(mi̍h) 變做(pìⁿ-tsoè) 你(lí) ê，變做(pìⁿ-tsoè) 對(tùi) 你(lí) 有(ū) 路用(lō͘-iōng) ê 物(mi̍h)。

Tī 英國(ing-kok) Bú-lâi-tùn(Brighton, Ingland) 有(ū) 一位(tsi̍t-ūi) Mō͘-un 博士(phok-sū)（Dr. Mo͘n)，有(ū) 一日(tsi̍t-ji̍t) 伊(i) 忽然(hut-jiân) 失明(sit-bêng)，青瞑(tshiⁿ-mî) 無(bô) 看見(khoàⁿ-kìⁿ)。伊(i) 對(tùi) 主(tsú) 講(kóng)：「主(tsú) ah，我(goá) tuì 你(lí) 得(tit)tio̍h 失明(sit-bêng)，這(tse) 是(sī) 一種(tsi̍t-tsióng) ê 才能(tsâi-lêng)，求(kiû) 你(lí) 幫贊(pang-tsān) 我(goá)，hō͘ 我(goá) uē 用(ēng) 這(tse) 來(lâi) 榮耀(êng-iāu) 你(lí)。Tī 你(lí) 再(tsài) 臨(lîm) ê 時(sî)，uē 連(liân) 本(pún) 帶(toà) 利(lāi) 來(lâi) 收回(siu-hoê)。（馬太(má-thài) 25：27）。後來(āu-lâi) 得(tit)tio̍h 上帝(siōng-tè) ê 幫贊(pang-tsān)，伊(i) 發明(huat-bêng) 盲人(bông-jîn) ê 字母(jī-bú)，hō͘ 千千(tshing-tshing) 萬萬(bān-bān) ê 盲人(bông-jîn) uē-thang 讀(tha̍k) 上帝(siōng-tè) ê 話(oē)，得(tit)tio̍h 救恩(kiù-un) ê 道理(tō-lí)。

上帝(siōng-tè) 無(bô) 將(tsiong) 保羅(pó-lô) ê「肉體(jio̍k-thé) ê 刺(tshì)」除去(tû-khì)，（哥林多(ko-lîm-to) 後(āu) 12：7），主(tsú) 所(só͘) 做(tsoè) ê koh-khah 好(hó)，hō͘ 保羅(pó-lô) 克服(khik-ho̍k) tsit 支(ki) 刺(tshì)，hō͘ 刺(tshì) 變做(pìⁿ-tsoè) 伊(i) ê 奴僕(lô͘-po̍k)。帶(toà) 刺(tshì) ê 事奉(sū-hōng)，對(tùi) 人類(jîn-lūi) ê 貢獻(kòng-hiàn) 比(pí) 坐(tsē) tī 王位(ông-ūi)（享受(hiáng-siū)）ê 事奉(sū-hōng) khah 偉大(úi-tāi)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org