《台語荒漠甘泉（漢羅版）》

 | | | 轉寄

相信無僥疑

作者 陳清俊 譯 林俊育 漢羅翻寫 2012.04.01

listen
四月初一(四月一日)

「伊(i) beh thâi死(sí) 我(góa)，我(góa) 無(bô) thang ǹg望(bāng)。」(約 伯 記(iok-pik-kì) 13:15)
「因為(in-ūi) 我(góa) bat 我(góa) 所(só͘) 信(sìn) ê。」(提 摩 太(thê-mô͘-thài) 後(āu) 書(tsu) 1:12)

我(goá) buē 僥 疑(giâu-gî)，
所有(só͘-ū) tńg來(lâi) ê 船(tsûn) lóng pháiⁿ去(khì)，
我(goá) 相 信(siong-sìn) 聖 手(sèng-tshiú)，永(éng) buē 失 錯(sit-tshò)，teh 教示(kà-sī)，
Pháiⁿ事(sū) 也(iā) beh 變 做(pìⁿ-tsoè) 有利(iú-lī)，
雖 然(sui-jiân) 船(tsûn) 破(phoà)，流 目 屎(lâu-ba̍k-sái)，希 望(hi-bōng) 失去(sit-khì)，
我(goá) iáu beh 講(kóng)，「我(goá) 相 信(siong-sìn) 你(lí)。」

我(goá) buē 僥 疑(giâu-gî)，
雖 然(sui-jiân) 我(goá) ê 祈禱(kî-tó) 無(bô) 得(tit)tio̍h 聽 見(thiaⁿ-kìⁿ)，
我(goá) 相 信(siong-sìn) 這(tse) lóng 是(sī) 好意(hó-ì)，
雖 然(sui-jiân) 真(tsin) 傷 悲(siong-pi)，
我(goá) iáu 堅 信(kian-sìn) 正 義(tsèng-gī)，
繼 續(kè-sio̍k) 發(huat) 光(kng) 照(tsiò) 無(bô) 止(tsí)。

我(goá) buē 僥 疑(giâu-gî)，
憂 傷(iu-siong) ná 雨(hō͘) tsha̍p-tsha̍p滴(tih)，
麻 煩(mâ-hoân) 事(sū) ná 蜂(phang) 趕(koáⁿ) buē 離(lī)，
我(goá) 相 信(siong-sìn) 努力(ló͘-le̍k) 向(hiòng) 高(koân) peh起(khí)，
只有(tsí-ū) 通 過(thong-kè) 痛 苦(thòng-khó͘)，哀 痛(ai-thòng) tsiah 會(oē) 勝 利(sèng-lī)，
Tī 十字架(si̍p-jī-kè) 下(ē)，哀求(ai-kiû)，賜(sù) 慈悲(tsû-pi)
Siōng 大(toā) ê 損 失(sún-sit) 變 做(pìⁿ-tsoè) khah 大(toā) ê 益利(ik-lī)。

我(goá) buē 僥 疑(giâu-gî)，
信 心(sìn-sim) ê 綻(tiàⁿ) 確 定(khak-tēng) 不移(put-î)，
Ná 堅 固(kian-kò͘) ê 船(tsûn)，向(hiòng) 大(toā) 風 湧(hong-éng) 駛(sái) 去(khì)，
M̄驚(kiaⁿ) 失敗(sit-pāi)，勇 敢(ióng-kám) 向(hiòng) 死 亡(sí-bông) ê 海 裡(hái-ni̍h)，
雖 然(sui-jiân) 肉 體(jio̍k-thé) kap 靈 魂(lêng-hûn) 分離(pun-lī)，
用(ēng) 最 後(tsoè-āu) 一(tsi̍t) 氣(khùi)，hō͘ 世 間 人(sè-kan-lâng) 聽 見(thiaⁿ-kìⁿ)，
我(goá) 大 聲(toā-siaⁿ) 喉叫(âu-kiò)「我(goá) 無(bô) 僥 疑(giâu-gî)」。

一位(tsi̍t-ūi) 真(tsin) 有(ū) 經 驗(king-giām) ê 水 手(tsúi-siú) án-ni 講(kóng)，「Tī 強 烈(kiông-lia̍t) ê 暴 風(po̍k-hong) 中(tiong)，咱(lán) 所(só͘) tio̍h tsuè ê 事(sū)，只有(tsí-ū) 一 條(tsi̍t-tiâu) pó 性命(sìⁿ-miā) ê 路(lō͘):就 是(tsiū-sī) tshē bó͘ 一個(tsi̍t-ê) 位置(ūi-tì) 停(thêng) tī hia 無(bô) 徙位(soá-ūi)。」親 愛(tshin-ài) ê 基督徒(ki-tok-tô͘)，這(tse) 就 是(tsiū-sī) 咱(lán) 所(só͘) 必須(pit-su) tsuè ê 事(sū)。

有時(ū-sî)，親 像(tshin-tshiūⁿ) 使徒(sù-tô͘) 保羅(pó-lô)，tú-tio̍h 強 烈(kiông-lia̍t) 暴 風(po̍k-hong)，無(bô) 太 陽(thài-iông) á是(sī) 天 星(thiⁿ-tshiⁿ) thang 來(lâi) 幫 贊(pang-tsān) 行 船(kiâⁿ-tsûn)。Tsit 時(sî)，你(lí) 只有(tsí-ū) 需要(su-iàu) 做(tsoè) 一 項(tsi̍t-hāng) 事(sū)，也是(iā-sī) 因為(in-ūi) 只有(tsí-ū) 一 條(tsi̍t-tiâu) 路(lō͘)。理智(lí-tì) buē 幫 贊(pang-tsān) 你(lí)，過去(kè-khì) ê 經 驗(king-giām) 也(iā) buē 指 點(tsí-tiám) 你(lí)，連(liân) 祈禱(kî-tó) to buē 安慰(an-ùi) 你(lí)。只(tsí) tshun 一 條(tsi̍t-tiâu) 路(lō͘)，就 是(tsiū-sī) 將(tsiong) 你(lí) ê 心 靈(sim-lêng) 定(tēng) 一個(tsi̍t-ê) 位置(ūi-tì)，留(lâu) tī hia。

你(lí) 必須(pit-su) 將(tsiong) 家己(ka-kī) 放(pàng) 定(tiāⁿ) tī 主(tsú) ê 身 上(sin-tsiūⁿ)，然 後(jiân-āu) 不 管(put-koán) 是(sī) 風(hong)，浪(lōng)，大淘(toā-tô)，sih-nà，雷(lûi) tân，暗 石(àm-tsio̍h)，大 湧(toā-éng)，huāⁿ-tiâu-tiâu 你(lí) ê 船 舵(tsûn-toā)。堅 決(kian-kuat) 相 信(siong-sìn) 上 帝(siōng-tè) ê 信實(sìn-si̍t)，伊(i) ê 立約(li̍p-iok) 應 允(èng-ún) kap 伊(i) tī 耶穌(iâ-so͘) 基督(ki-tok) 永 遠(éng-oán) ê 疼(thiàⁿ)。---Ritsard Fuller


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org