《台語荒漠甘泉（漢羅版）》

 | | | 轉寄

人ê盡尾是天父ê開始

作者 陳清俊 譯 林俊育 漢羅翻寫 2012.03.25

listen
三月二五(三月二十五日)

「設使(siat-sú) 無(bô) 信(sìn)，就(tsiū) buē 會(ōe) hō͘ 上 帝(siōng-tè) 歡 喜(huaⁿ-hí)；因為(in-ūi) 親 近(tshin-kūn) 上 帝(siōng-tè) ê，的 確(tik-khak) tio̍h 信(sìn) 伊(i) 有(ū)，也是(iā-sī) 報 賞(pò-siúⁿ) hiah-ê 求(kiû) 伊(i) ê 人(lâng)。」(希伯來(hi-pik-lâi) 11:6)

Tī 走 投(tsáu-tâu) 無路(bô-lō͘) ê 時(sî)，咱(lán) 所(só͘) 需要(su-iàu) ê，是(sī) 信 心(sìn-sim) nā-tiāⁿ，tī 聖 經(sèng-king) 中(tiong) 有(ū) 記 載(kì-tsài) 真(tsin) tsuē tsit 類(lūi) ê 例(lē)，用(ēng) 講 古(kóng-kó͘)、詩歌(si-kua)、預言(ī-giân) 來(lâi) 談 論(tâm-lūn)。走 投(tsáu-tâu) 無路(bô-lō͘) ê 時日(sî-ji̍t)，是(sī) 向(hiòng) 光 明(kong-bêng) 路(lō͘) ê 踏 腳 石(ta̍h-kha-tsio̍h)，是(sī) 天父(thiⁿ-pē) ài 咱(lán) 學習(ha̍k-si̍p) 智慧(tì-hūi) ê 好(hó) 機會(ki-hoē)。

詩 篇(si-phian) 第(tē) 107 篇(phiⁿ) 就 是(tsiū-sī) 上 帝(siōng-tè) 施落(si-lo̍h) 疼 痛(thiàⁿ-thàng) ê 故事(kò͘-sū)，每(múi) 一個(tsi̍t-ê) 拯 救(tsín-kiù) ê 故事(kò͘-sū)，就 是(tsiū-sī)，當(tng) 人(lâng) 已經(í-king) 行 到(kiâⁿ-kàu) tsīn-pōng ê 時(sî)，就 是(tsiū-sī) 天父(thiⁿ-pē) 行 動(hêng-tōng) ê 時刻(sî-khik)。人(lâng) ê 智慧(tì-hūi) 無 法 度(bô-huat-tō͘) ê 時(sî)，就 是(tsiū-sī) 上 帝(siōng-tè) 發 揮(huat-hui) 力 量(le̍k-liōng) ê 時(sî)。(參 考(tsham-khó) 詩 篇(si-phian) 107:27)

記得(kì-tit) 早時(tsá-sî)，天父(thiⁿ-pē) bat tuì 一 對(tsi̍t-tùi)「親 像(tshin-tshiūⁿ) 已經(í-king) 死(sí) ê」夫婦(hu-hū) 應 允(èng-ún)，答 應(tap-èng) in ê kiáⁿ孫(sun) beh「生 湠(siⁿ-thoàⁿ) 親 像(tshin-tshiūⁿ) 天 星(thiⁿ-tshiⁿ) ê tsuē，親 像(tshin-tshiūⁿ) 海 沙(hái-sua) ê buē 算得(sǹg-tit)。」(希伯來(hi-pik-lâi) 11:12)。Koh 讀(tha̍k) 一(tsi̍t) 篇(phiⁿ) 以色列(í-sik-lia̍t) tī 紅海(âng-hái) 受(siū) 拯 救(tsín-kiù) ê 故事(kò͘-sū)，以及(í-ki̍p) 扛(kng) 耶和華(iâ-hô-hua) 約櫃(iok-kùi) ê 祭司(tsè-si) tī 約旦(iok-tàn) 河(hô) 中(tiong) ê 乾地(ta-toē) khiā 在 在(tsāi-tsāi) ê 記 載(kì-tsài)(約書亞(iok-su-a) 3:17)。Koh 研 究(gián-kiù) 一(tsi̍t) pái，A-sat,Iok-sa-huat kap Hi-se-ka tsiah-ê 王(ông) tī 極其(ke̍k-kî) 困 難(khùn-lân)，m̄知(tsai) beh án-tsuáⁿ 做(tsoè) ê 時(sî)，所(só͘) 發 出(huat-tshut) ê 祈禱(kî-tó)。Koh 有(ū) Nî-hi-bí、但以理(tān-í-lí)、和西亞(hô-se-a) kap 哈 巴 谷(hap-pa-kok) ê 歷史(le̍k-sú)。Iáu 有(ū) tī 烏暗 中(o͘-àm-tiong) ê 客西 馬利(Khik-se-má-nî) 園(hn̂g)，tī A-lī-má-thài ê 約 瑟(iok-sik) ê 墳 墓(hûn-bōng) 前(tsêng)(馬 太(má-thài) 27:57)hiah-ê 艱 苦(kan-khó͘) 驚 惶(kiaⁿ-hiâⁿ) ê 時刻(sî-khik)，kap 初 代(tsho͘-tāi) 教 會(kàu-hoē) ê 見 證 人(kiàn-tsèng-jîn)，koh 使徒(sù-tô͘) 當(tng) in tī 困 境(khùn-kéng) ê 日子(ji̍t-tsí) ê 經 歷(king-le̍k)、經 驗(king-giām)，thang hō͘ 咱(lán) 來(lâi) 讀 讀(tha̍k-tha̍k) 想 想(siūⁿ-siūⁿ) ê。

Tī 絕 境(tsua̍t-kéng) 中(tiong) 比(pí) 絕 望(tsua̍t-bāng) khah 好(hó)，咱(lán) tú-tio̍h 絕 境(tsua̍t-kéng) 並(pēng) m̄ 是(sī) 因為(in-ūi) 咱(lán) ê 信 心(sìn-sim)，信 心(sìn-sim) ê 工 作(kang-tsok) 是(sī) hō͘ 咱(lán) 度過(tō͘-kè) hiah-ê 絕 境(tsua̍t-kéng)，艱 難(kan-lân) ê 日子(ji̍t-tsí)，hō͘ 咱(lán) 有(ū) 能 力(lêng-le̍k) 來(lâi) 解 決(kái-kuat) hiah-ê 問題(būn-tê)。Siōng 驚(kiaⁿ) ê 是(sī) tī 絕 境(tsua̍t-kéng) 中(tiong) 失去(sit-khì) 信 心(sìn-sim)，這(tse) 真 正(tsin-tsiàⁿ) 是(sī) 絕 望(tsua̍t-bāng) lah。信(sìn) hō͘ 咱(lán) 會(oē) 堅 持(kian-tshî)，koh 會(oē) 克 服(khik-ho̍k) 困 難(khùn-lân)。

Tú-tio̍h 極(ke̍k) 危 險(gûi-hiám) koh 會(oē) 保 持(pó-tshî) 信 心(sìn-sim)，siōng 好(hó) ê 例(lē) 就 是(tsiū-sī) Sa-tik-la̍h，Bí-suah，A-pik-nî-ko tsit 三(saⁿ) 個(ê) 希伯來(hi-pik-lâi) 青 年 人(tshing-liân-lâng) ê 故事(kò͘-sū)。(但以理(tān-í-lí) 第(tē) 3 章(tsiuⁿ))In tī 情 況(tsêng-hóng) 極(ke̍k) 危 險(gûi-hiám) ê 時(sî) 勇 敢(ióng-kám) án-ni 講(kóng)：「果 然(kó-jiân) án-ni，阮(goán) 所(só͘) 服事(ho̍k-sāi) ê 上 帝(siōng-tè) 會(oē) 救(kiù) 阮(goán) 出(tshut) 炎熱(iām-jia̍t) ê 火爐(hé-lô͘)；王(ông) ah，I 也(iā) beh 救(kiù) 阮(goán) 脫 離(thuat-lî) 你(lí) ê 手(tshiú)。若(nā) 無(bô) án-ni，王(ông) ah，你(lí) tio̍h 知(tsai) 阮(goán) 決 斷(kuat-toàn) 無(bô) beh 服事(ho̍k-sāi) 你(lí) tsiah-ê 上 帝(siōng-tè)，也(iā) 無(bô) beh 敬 拜(kèng-pài) 你(lí) 所(só͘) 立(li̍p) ê 金 像(kim-siōng)。」(但以理(tān-í-lí) 3:17,18)tī tsia，我(goá) 特 別(te̍k-pia̍t) ài tsit-ê 回 答(hoê-tap) 講(kóng)：「若(nā) 無(bô) án-ni。」

咱(lán) koh 來(lâi) 提起(thê-khí) 客西 馬利(Khik-se-má-nî) 園(hn̂g) ê 故事(kò͘-sū)，tī 經 文(king-bûn) án-ni 記載(kì-tsài)「若(nā) 會(oē) 做 得(tsoè-tit)，...總 是(tsóng-sī)，...」(馬 太(má-thài) 26:39)咱(lán) ê 主(tsú) ê 靈(lêng) 已經(í-king) 陷 落(hām-lo̍h) tī 極(ke̍k) 深(tshim) ê 烏暗 中(o͘-àm-tiong)。信 靠(sìn-khò) ê 意義(ì-gī) 就 是(tsiū-sī) 經 驗(king-giām)tio̍h 到(kàu) 流 血(lâu-huih) ê 地步(tē-pō͘)，陷 落(hām-lo̍h) tī 極(ke̍k) 深(tshim) ê 烏暗 中(o͘-àm-tiong)，iáu 會(oē) 講(kóng)：「總 是(tsóng-sī)！」「總 是(tsóng-sī)！」 Tshē 一(tsi̍t) 本(pún) 詩歌(si-kua)，唱(tshiùⁿ) 一(tsi̍t) 首(siú) 你(lí) 心愛(sim-ài) ê「tī 危急(gûi-kip) 中(tiong) iáu 會(oē) 保 持(pó-tshî) 信 心(sìn-sim)」ê 歌(kua)。──S. Tsadwick

Tng 試 驗(tshì-giām)，塞 礙(that-gāi) 四(sì) 面(bīn) uî 我(goá) ná 高 牆(koâiⁿ-tshiûⁿ)，
我(goá) 所(só͘) thang 做(tsoè) ê 是(sī) 交 託(kau-thok) 你(lí)，ǹg 你(lí) 請 求(tshéng-kiû)。

照 看(tsiàu-khoàⁿ) 是(sī) 無(bô) 機會(ki-hoē)，無(bô) 轉 換(tsoán-oāⁿ)，來(lâi) 脫 離(thuat-lî) 我(goá) 所(só͘) 受(siū)，
Tī 絕 境(tsua̍t-kéng) 中(tiong) 安 靜(an-tsēng) thìng候(hāu) 你(lí) ê 拯 救(tsín-kiù)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org