《台語荒漠甘泉（漢羅版）》

 | | | 轉寄

考驗增加信心

作者 陳清俊 譯 林俊育 漢羅翻寫 2012.04.15

listen
四月十五(四月十五日)

「我(góa) uá靠(khò) 你(lí) ê 話(ōe)。」(詩 篇(si-phian) 119:42)

咱(lán) 信 心(sìn-sim) ê 力 量(le̍k-liōng)，完 全(oân-tsoân) 是(sī) tuì 咱(lán) ê 相 信(siong-sìn) 天父(thiⁿ-pē) 會(oē) 實 現(si̍t-hiān) 伊(i) ê 應 允(èng-ún) ê juā tsuē 來(lâi) 定(tēng)。信 心(sìn-sim) kap 感 情(kám-tsêng)、印 象(ìn-siōng)、外 表(goā-piáu)、事 情(sū-tsêng) ê 可 能(khó-lêng) á是(sī) 無(bô) 可 能(khó-lêng) lóng 無(bô) 關 係(kuan-hē)，咱(lán) 若(nā) 將(tsiong) tsiah-ê 事(sū) kap 信 心(sìn-sim) 連(liân) 作 伙(tsoè-hé)，咱(lán) 就(tsiū) 無(bô) uá靠(khò) 上 帝(siōng-tè) ê 話(oē) lah。信 心(sìn-sim) 是(sī) 用(ēng) 上 帝(siōng-tè) ê 話(oē) 做(tsoè) 憑 據(pêng-kù)，m̄是(sī) uá靠(khò) 其他(kî-tha) ê 事物(sū-bu̍t)。當(tng) 咱(lán) 靠(khò) 上 帝(siōng-tè) ê 話(oē)，內心(lāi-sim) 就(tsiū) 有(ū) 平 安(pêng-an)。

天父(thiⁿ-pē) 歡 喜(huaⁿ-hí) 鍛 鍊(toàn-liān) 咱(lán) ê 信 心(sìn-sim)，伊(i) án-ni 做(tsoè)，ài beh 賜 福(sù-hok) hō͘ 咱(lán) 個人(kò-jîn)，賜 福(sù-hok) hō͘ 教 會(kàu-hoē)，也(iā) ài tuì án-ni 見 證(kiàn-tsèng) hō͘ 無(bô) 信(sìn) ê 人(lâng)。總 是(tsóng-sī) 咱(lán) 常 常(siông-siông) 無(bô) 歡 迎(huan-gêng) 信 心(sìn-sim) 受(siū) 鍛 鍊(toàn-liān)，咱(lán) beh 退後(thè-āu)。當(tng) 考 驗(khó-giām) 來(lâi) ê 時(sî)，咱(lán) 應該(ing-kai) án-ni 回 應(hoê-èng)，講(kóng)：「阮(goán) tī 天 裡(thiⁿ-nih) ê 父(pē)，將(tsiong) 這(tse) 考 驗(khó-giām) ê 杯(pue) hē tī 我(goá) ê 手(tshiú)，hō͘ 我(goá) 後來(āu-lâi) thang 得(tit)tio̍h 快 樂(khoài-lo̍k)。」

考 驗(khó-giām) 是(sī) 信 心(sìn-sim) ê 糧食(niû-si̍t)，咱(lán) thang 將(tsiong) 本 身(pún-sin) 完 全(oân-tsoân) hē tī 天父(thiⁿ-pē) ê 手(tshiú) 裡(nih)！見若(kìⁿ-nā) 為(ūi)tio̍h kiáⁿ兒(jî) ê 好 處(hó-tshù)，伊(i) lóng 歡 喜(huaⁿ-hí) 去(khì) 做(tsoè)。總 是(tsóng-sī) 考 驗(khó-giām) kap 艱 難(kan-lân) 並(pēng) m̄是(sī) 鍛 鍊(toàn-liān)，增 加(tsing-ka) 信 心(sìn-sim) 唯一(ûi-it) ê 方 法(hong-huat)。讀(tha̍k) 聖 經(sèng-king) 也(iā) thang 幫 贊(pang-tsān) 咱(lán) 認 識(jīm-bat) 真(tsin) 神(sîn)，因為(in-ūi) 伊(i) tī 聖 經(sèng-king) 中(tiong) 啟示(khé-sī) 伊(i) 本 身(pún-sin)。

照 理(tsiàu-lí) tuì 天父(thiⁿ-pē) ê 認 識(jīm-bat) kap tuì 伊(i) ê 關 係(kuan-hē)，伊(i) 是(sī)m̄是(sī) 一位(tsi̍t-ūi) 可愛(khó-ài) ê 上 帝(siōng-tè) mah?若(nā) m̄是(sī)，我(goá) ài 鼓勵(kó͘-lē) 你(lí)，求(kiû) 天父(thiⁿ-pē) 會(oē) 將(tsiong) 你(lí) tshuā到(kàu) tsit-ê 境 界(kéng-kài)，hō͘ 你(lí) 十 足(tsa̍p-tsiok) 認 識(jīm-bat) koh 感 謝(kám-siā) 伊(i) ê 溫柔(un-jiû) kap 慈愛(tsû-ài)，uē-thang 講 出(kóng-tshut) 伊(i) 是(sī) 真(tsin) suí，真(tsin) 好(hó)。亦(ia̍h) 知(tsai) 天父(thiⁿ-pē) 真(tsin) 歡 喜(huaⁿ-hí) 為(ūi)tio̍h 伊(i) ê kiáⁿ兒(jî) 來(lâi) 做(tsoè) 真(tsin) tsuē ê 工 作(kang-tsok)。

咱(lán) ê 心內(sim-lāi) 若(nā) ná 接 近(tsiap-kūn) tsit 點(tiám)，咱(lán) 就(tsiū) ná 願意(goān-ì) 將(tsiong) 本 身(pún-sin) 交(kau) tī 天父(thiⁿ-pē) ê 手(tshiú) 裡(nih)，koh-khah 滿意(moá-ì) 伊(i) tī 咱(lán) 身 上(sin-tsiūⁿ) 所(só͘) 做(tsoè) ê 一 切(it-tshè)。考 驗(khó-giām) 來(lâi) ê 時(sî)，咱(lán) beh 願意(goān-ì) 講(kóng)：「我(goá) 會(oē) 忍耐(jím-nāi) thìng候(hāu)，看(khoàⁿ) 上 帝(siōng-tè) tī 我(goá) 身 上(sin-tsiūⁿ) 所(só͘) 做(tsoè) ê 好(hó)，也(iā) 確 實(khak-si̍t) 信(sìn) 伊(i) 會(oē) án-ni 做(tsoè)。」

Án-ni，咱(lán) beh tuì 世 間 人(sè-kan-lâng) 做 出(tsoè-tshut) 有力(ū-la̍t) ê 見 證(kiàn-tsèng)，幫 贊(pang-tsān) 人(lâng)，hō͘ 別 人(pa̍t-lâng) 性命(sìⁿ-miā) 得(tit) 豐 盛(hong-sēng)，得(tit) 氣 力(khùi-la̍t)。──George Mueller


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org