《台語荒漠甘泉（漢羅版）》

 | | | 轉寄

憂傷kap喜樂

作者 陳清俊 譯 林俊育 漢羅翻寫 2012.08.19

listen
八月十九(八月十九日)

「親 像(tshin-tshiūⁿ) 煩 惱(hôan-ló)，其實(kî-si̍t) 常 常(siông-siông) 快 樂(khòai-lo̍k)。」 (哥林多(ko-lîm-to) 後(āu) 書(tsu) 6：10)

憂 傷(iu-siong)，á是(sī) 煩 惱(hoân-ló) 是(sī) 美麗(bí-lē)，ná 親 像(tshin-tshiūⁿ) 月光(ge̍h-kng) 照過(tsiò-kè) 樹 葉(tshiū-hio̍h) ê 美麗(bí-lē)，溫柔(un-jiû) tī 土 腳(thô͘-kha) 光 光(kng-kng) 映映(iàⁿ-iàⁿ) ê 圓銀(îⁿ-gûn)。伊(i) 也(iā) 親 像(tshin-tshiūⁿ) 夜鷹(iā-ing) 暗時(àm-sî) 發(huat) 好 聽(hó-thiaⁿ) 歌 聲(kua-siaⁿ)，伊(i) ê 目神(ba̍k-sîn) khǹg tī 無(bô) koh 期待(kî-thāi) 快 樂(khoài-lo̍k) ê 人(lâng) ê 身 上(sin-tsiūⁿ)。伊(i) 會(ōe) kap 哀 傷(ai-siong) ê 人(lâng) 相(saⁿ)kap 哀 傷(ai-siong)，親 切(tshin-tshiat) 同 情(tông-tsêng)，總 是(tsóng-sī) m̄ 知(tsai) thang kap 快 樂(khoài-lo̍k) ê 人(lâng) 相(saⁿ)kap 快 樂(khoài-lo̍k)。

喜樂(hí-lo̍k)，á是(sī) 快 樂(khoài-lo̍k) 也是(iā-sī) 真(tsin) 美麗(bí-lē)，伊(i) ná 親 像(tshin-tshiūⁿ) 熱 天(jua̍h-thiⁿ) 早 起 時(tsá-khí-sî) 燦 爛(tshàn-lān) ê 美麗(bí-lē)。伊(i) ê 目 睭(ba̍k-tsiu) 內(lāi) 有(ū) gín-ná 時(sî) 歡 樂(huan-lo̍k) ê 笑 容(tshiò-iông)，伊(i) ê 頭 毛(thâu-mn̂g) 金(kim)sih-sih 整 齊(tséng-tsê) 好 看(hó-khòaⁿ)，伊(i) ê 歌 聲(kua-siaⁿ) ná 雲 雀(hûn-tshiok) 轉 旋(tńg-se̍h) tī 空 中(khong-tiong)。伊(i) ê 腳步(kha-pō͘) 是(sī) 勝 利(sèng-lī) teh 進 行(tsìn-hêng)，m̄-bat 失敗(sit-pāi)。伊(i) 會(ōe) kap 快 樂(khoài-lo̍k) ê 人(lâng) 相(saⁿ)kap 快 樂(khoài-lo̍k)，總 是(tsóng-sī) m̄ 知(tsai) kap 憂 傷(iu-siong) ê 人(lâng) 相(saⁿ)kap 憂 傷(iu-siong)。

憂 傷(iu-siong) 先 生(sian-siⁿ) 對(tùi) 快 樂(khoài-lo̍k) 小 姐(sió-tsiá) 講(kóng)，「咱(lán) lóng 永 遠(éng-oán) buē-thang 作 伙(tsòe-hé) mah?」 「是(sī)，永 遠(éng-oán) buē，」快 樂(khoài-lo̍k) 小 姐(sió-tsiá) 也是(iā-sī) án-ni 回(hôe)，「因為(in-ūi) 我(góa) ê 路(lō͘) 是(sī) 經 過(king-kòe) 太 陽(thài-iông) 普 照(phó͘-tsiò) ê 草 埔(tsháu-po͘)，我(góa) 來(lâi)，玫 瑰(mûi-kùi) 當(tng) teh 大(tōa) 開(khui)，鳥(tsiáu)á 也(iā) 唱(tshiùⁿ) 快 樂(khoài-lo̍k) ê 歌(kua) 歡 迎(huan-gêng) 我(góa)。」

憂 傷(iu-siong) 先 生(sian-siⁿ) ûn-ûn-á ua̍t-tńg身(sin) 講(kóng)：「Tio̍h，我(góa) ê 路(lō͘) ài 經 過(king-kòe) am-am ê 樹 林(tshiū-nâ)，有(ū) tī 暗暝(àm-mî) 開(khui) 芳 芳(phang-phang) ê 花(hue) 做 伴(tsòe-phōaⁿ)，koh 有(ū) 地 上(tē-tsiūⁿ) siōng suí siōng 純(sûn) ê 夜間(iā-kan) 愛 情(ài-tsêng) 歌(kua) hō͘ 我(góa)。」憂 傷(iu-siong) 面(bīn)iu-iu 離別(lī-pia̍t) 講(kóng)：「親 愛(tshin-ài) ê 快 樂(khoài-lo̍k) 小 姐(sió-tsiá)，再 會(tsài-hōe)，請(tshiáⁿ) 保 重(pó-tiōng)。」

當(tng) in teh 講 話(kóng-ōe) ê 時(sî)，in 注意(tsù-ì)tio̍h 有(ū) 人(lâng) khiā tī in 身邊(sin-piⁿ)。雖 然(sui-jiân) 是(sī) 暗暗(àm-àm)，in 感 覺(kám-kak) 伊(i) 有(ū) 王(ông) ê 氣 慨(khì-khài)，深 深(tshim-tshim) 感 受(kám-siū)tio̍h 偉大(úi-tāi) 神 聖(sîn-sèng) ê 敬 畏(kèng-ùi) 氣 氛(khì-hun)，in 就(tsiū) 跪 落(kūi-lo̍h) 仆(phak) tī 伊(i) ê 面 前(bīn-tsêng)。

憂 傷(iu-siong) 細(sòe) 聲(siaⁿ) 講(kóng)：「我(góa) 看(khòaⁿ) 伊(i) 是(sī) 快 樂(khoài-lo̍k) ê 王(ông)，因為(in-ūi) 伊(i) 頭(thâu) 戴(tì) tsuē-tsuē 王 帽(ông-bō)，伊(i) ê 腳 手(kha-tshiú) 有(ū) 勝 利(sèng-lī) ê 記號(kì-hō)，我(góa) ài 將(tsiong) 家己(ka-kī) 交(kau) hō͘ 伊(i)，將(tsiong) 一 切(it-tshè) ê 憂 傷(iu-siong) 化 做(hòa-tsòe) buē 死(sí) ê 疼(thiàⁿ) kap 喜樂(hí-lo̍k)。」

快 樂(khoài-lo̍k) 小 姐(sió-tsiá) 也(iā) 細(sòe) 聲(siaⁿ) 應(ìn)：「M̄-tio̍h，憂 傷(iu-siong) 先 生(sian-siⁿ)，因為(in-ūi) 我(góa) 看(khòaⁿ) 伊(i) 是(sī) 憂 傷(iu-siong) ê 王(ông)，伊(i) ê 頭(thâu) 所(só͘) 戴(tì) ê 是(sī) 刺(tshì)á帽(bō)，伊(i) ê 腳 手(kha-tshiú) 是(sī) 痛 苦(thòng-khó͘) ê 傷 痕(siong-hûn)，我(góa) 也(iā) ài 將(tsiong) 家己(ka-kī) 獻(hiàn) hō͘ 伊(i)，因為(in-ūi) 憂 傷(iu-siong) kap 伊(i) tī-teh，一定(it-tēng) 比(pí) 我(góa) 所(só͘) 知(tsai) 喜樂(hí-lo̍k) koh-khah 甘 甜(kam-tiⁿ)。」

「Án-ni，咱(lán) tī 伊(i) ê 內面(lāi-bīn) 成 做(tsiâⁿ-tsòe) 一 體(tsi̍t-thé)。」In 真(tsin) 歡 喜(huaⁿ-hí) 講(kóng)，「因為(in-ūi) tī 伊(i) ê 內面(lāi-bīn) 將(tsiong) 憂 傷(iu-siong) kap 快 樂(khoài-lo̍k) 結 合 做(kiat-ha̍p-tsòe) 一個(tsi̍t-ê)。」In 兩 人(nn̄g-lâng) 手(tshiú) 牽 手(khan-tshiú) 進 入(tsìn-ji̍p) 世界(sè-kài)。經 歷(king-le̍k) 冬 天(tang-thiⁿ) 憂 傷(iu-siong) ê 寒 冷(hân-léng) kap 熱 天(jua̍h-thiⁿ) 快 樂(khoài-lo̍k) ê 溫 暖(un-loán)，成 做(tsiâⁿ-tsòe)「親 像(tshin-tshiūⁿ) 煩 惱(hoân-ló)，其實(kî-si̍t) 常 常(siông-siông) 快 樂(khoài-lo̍k)。」

憂 傷(iu-siong) 搭(tah) 你(lí) ê 肩 胛(king-kah)，
靜 靜(tsēng-tsēng) kap 你(lí) 行(kiâⁿ)；
喜樂(hí-lo̍k) 對(tùi) 你(lí) 變(piàn) 冷 淡(léng-tām)，
漸 漸(tsiām-tsiām) 失去(sit-khì) 伊(i) ê 影(iáⁿ)；
莫 得(bo̍h-tit) 走 開(tsáu-khui) 憂 愁(iu-tshiû) 同 伴(tâng-phōaⁿ)，
伊(i) 是(sī) 上 帝(siōng-tè) ê 使 者(sù-tsiá)；
現 在(hiān-tsāi) 你(lí) buē 明(bêng)，
以後(í-āu) beh 大 大(tōa-tōa) 感 謝(kám-siā)；
伊(i) 是(sī) 罩(tà) 暗(àm)phè，上 帝(siōng-tè) ê 天 使(thiⁿ-sài)，
「用(ēng) 信 心(sìn-sim)，無(bô) 用(ēng) 目 睭(ba̍k-tsiu)」kap 伊(i) 同 行(tâng-kiâⁿ)。(哥林多(ko-lîm-to) 後(āu) 書(tsu) 5：7)


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org