《台語荒漠甘泉（全羅版）》

 | | | 轉寄

"Sūn thian-ì"

作者 陳清俊 翻譯 2012.05.20

listen


Gō͘ ge̍h jī-tsa̍p (Gō͘ ge̍h jī-tsa̍p ji̍t)

"Pē só͘ hō͘ guá ê pue, guá kiám bô beh lim mah?" (Iok-hān 18:11)

Siōng-tè tuì lán ê thāi-tō͘ ê jīn-tsin, suè-jī tsing-sim pí uē-tô͘-ka khah tsuē tshing pē í-siōng. I īng tsin-tsuē pi-siong ê uē-pit, sik-tshái tī bô siâng ê khuân-kíng, lâi tsiong lán uē sîng I só͘ sióng-siōng siōng hó siōng suí ê hîng-siōng. Lán ài īng tsìng-khak ê sim-tsîng lâi tsiap-siū I hó-ì ê khó͘-io̍h.

Lán nā tsiong I ê khó͘-pue the̍h khui, só͘ tshun ê kà-sī tsiū bô lō͘-īng, iā lán ê sim-lîng só͘ siū ê siong-hāi koh-khah tuā, ū-sî kàu buē thang pó͘-kiù ê thîng-tō͘. Lâng buē thang sióng-siōng I sī īng bô-pí ê thiàⁿ, sù lán khó͘-io̍h. Lán tsóng-sī in-uī líng-tām, bô tsim-tsiok, suah hō͘ tsit ê tuā lé-mi̍h sit-khì, bô tsiap-siū, kàu-bé lán ê lîng ko͘-ta, buē tsuè sím-mi̍h.

Tān-sī lán tī hong-bô͘ tiong iáu tshut uàn-giân kóng, "Tsú ah, guá kám-kak tshuì-ta, guá lāi-sim kám-kak tsin o͘-àm!" Suè-kiáⁿ ah, guá ài khó͘-khǹg lí, "Phah-khui lí ê sim-mn̂g, tsiap-siū I ê khó͘-io̍h, beh tī lí ê sim-tsîng, tsin-si̍t siōng ū tsin tuā ê sîng-tsiū kap hó-tshù." --- Tauler

Lâng pi-siong ê ho͘-kiò ta̍t-kàu Siōng-tè hia kóng:
"Tsú ah, the̍h-khì guá ê khó͘-thàng,
Tû-khì tsit sè-kài ê im-iáⁿ àm-khang,
Tû-khì hit ê só-liān tī sim-pâng,
Tû-khì si̍t-kó͘ tíng ê tāng-tàⁿ, pe buē tín-tāng,
Tû-khì sè-tsiūⁿ ê khó͘-thàng,
Hō͘ guá lú thé-huē Lí ê thiàⁿ-thàng."

Tsú án-ni huê-tap sè-kài ê ho͘-kiò:
"Kiám-thang the̍h-khì,
hit-ê uē tsing-ka jím-nāi ê khó͘-thàng mah?
Kiám thang tû-khì,
hit ê hō͘ sim liâm sim, guān-ì hi-sing ê lîn-bín mah?
Lí kiám beh sit-khì,
hiah ê king-kè hé ê thuàn-liān lâi gióng-bōng ǹg thiⁿ ê ing-hiông mah?
Guá kiám thang the̍h-khì,
kam-guān sún-sit, īng tāng-kè hi-sing kiù-sio̍k ê thiàⁿ mah?
Lí kiám kam-guān sit-khì,
hō͘ lí thang kàu Guá tsia só͘ su-iàu Ki-tok ê si̍p-jī-kè mah?


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org