《台語荒漠甘泉（全羅版）》

 | | | 轉寄

"Bô khuàⁿ khuân-kíng ê sìn-sim"

作者 陳清俊 翻譯 2007.07.15

listen

Tshit ge̍h tsa̍p-gō͘ (Tshit ge̍h tsa̍p-gō͘ ji̍t)

"iā hit ê só͘-í bat khah-iâⁿ sè-kan ê, tsiū-sī lán ê sìn." (I Iok-hān 5:4)

Tshing-thiⁿ pe̍h-ji̍t sî,
Jua̍h-thiⁿ liâng-hong bî-bî,
Muî-kuì huat phang-bī,
Thiàⁿ I tsin iông-ī.
Hue khui muá suaⁿ-khiⁿ,
Tshut-ji̍t tsiò tsháu-pîⁿ,
Tsun-thàn I tsí-ì,
Iông-ī bô thang pí.

Tī lo̍h hō͘ sî,
Hûn-bū muá khong-khì,
Lō͘ àm bô pîⁿ,
Hong thàu buē sūn-ì,
Tshing-tsá siūⁿ hó-thiⁿ
Àm-àm o͘-im thiⁿ,
Khùn-lân sìn-jīm I,
Bān-bān tsun-hîng khì.

Tsiáu pe lâi tshiùⁿ-kua,
Gîm o-ló si-kua,
Huê-im se̍h tshù kuà,
Sìn-khò I tuì sim-kuaⁿ.
Tng ji̍t-tsí im-tîm,
Su-liām im-ga̍k ná tshim,
Ài tû-khì giâu-gî kiaⁿ-hiâⁿ sim,
Su-iàu sìn-sim kap sìn-jīm.

Lán só͘ su-iàu Tsú siúⁿ-sù,
Sìn-khò I ìng-ún, īng sìn-sim kiû;
I íng-uán tshuā thâu, put-kuán pîⁿ á tshu,
I muí-ji̍t só͘ su tsin hong-hù.

Kám-kak siū khì-sat ia̍h beh siong-sìn, kî-tó bô siū thiaⁿ-kìⁿ iā bô huê-tap, ia̍h ài kè-sio̍k kî-tó. Siong-sìn Siōng-tè ê thiàⁿ sī uân-tsuân ê, I tsai lí ê tshù-kíng, sīm-tsì lí ê sè-kài lóng bô beh tshap lí, lí ê tshíng-kiû iā lóng bô huán-ìng. Kuan-sim Siōng-tè tuì lí ê kè-uē, nāi-sim thìng-hāu, sīm-tsì kàu sí iā bô sit-khì sìn-sim. “Tse tsiū-sī khah-iâⁿ sè-kài lah” sī tsin-tsiàⁿ ê sìn-sim. --- George MacDonald

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com.tw