《宋澤萊新著《天路拾穗》TOJ/台灣字版》 |
 |
 |
|
 轉寄 |
Tsútê：23 Ông Lêngūn kah Sòng Te̍klâi tâm Sènglêng ê koànak
作者 Sòng Te̍klâi 2026.08.09
Tsútê：23 Ông Lêngūn kah Sòng Te̍klâi tâm Sènglêng ê koànak
Ông Lêngūn mn̄g：Góa ū tsi̍tê kúinā nî ê giâugî siūⁿ beh tī tsia tshéngkàu Sòng lāusu, tshiáⁿ lí ū êng ê sî thang ūi góa suatbêng, toshiā! Kúi nî tsêng, ū tsi̍t ūi Tiúⁿló Kàuhōe ê bo̍ksu teh ūi góa phòapēⁿ ê a'tsé kîtó, Hu̍tkàu tô͘ ê góa mā khiā tī pēⁿtshn̂g piⁿ tsù’ì thiaⁿ. Tī bo̍ksu kîtó ê sî, hutjiân ū kiônglia̍t ê tiānliû tùi góa thâukhak téng koànji̍p hingpak, sòatsiap tī hingpak lāi sìkè tsáutsông, góa hō͘ i tiān tio̍h, siojia̍t ê ba̍ksái ti̍t lâu. Nā m̄sī kiaⁿ khì kansia̍p kiáujiáu hiāntiûⁿ, góa tsin siūⁿ beh tshut siaⁿ tōa khàu. Tsit káng tiānliû kàu tējī kang tsiah oântsoân siausit. Sūāu góa tshéngkàu bo̍ksu, bo̍ksu kóng sī Sènglêng kànglîm. M̄koh góa mā tshéngkàu tsi̍tkóa Kitoktô ê tôngsū, in khiok kóng lóng m̄bat kingle̍k lūisū ê hiānsiōng. Góa siūⁿ beh tshéngkàu ê būntê jû hā：
1. Góa siū tiānkik ê hiānsiōng sī siáⁿmi̍h? Sèngking lāité kám ū kângkhoán á sī lūisū ê biâusu̍t?
2. Góa ē kámsiū tio̍h pī kiôngle̍k tiānkik, sī m̄sī inūi góa ê tsōehêng khah tāng?
3. Tsitê tiānkik hiānsiōng íāu kám ē kohtsài huatsing?
Sòng Te̍klâi tap：Ke̍k khólêng sī Sènglêng tùi téngbīn koànak lo̍h lâi ê hiānsiōng. Lí tsitê kinggiām tsin sêng góa tsìntsêng pī Sènglêng tà tiâu ê kinggiām, kuiê lâng kahná tītsingkhì ue ni̍h kângkhoán, tsin siojua̍h, ba̍t kah bē thanghong ê hit tsióng tsingkhì, siaⁿsè kiaⁿlâng, lâng ē tsin tsūjiân kakī huattshut tōasiaⁿ ê honggiân（tsi̍t tsióng kah sîn kauthong ê tsi̍him gígiân）, hiòng thiⁿ oló. Lí ê tsōnghóng ingkai sī píkàu khah tshián tsi̍tkóa ê Sènglêng koànak kinggiām bô m̄tio̍h, inūi tongtiûⁿ ū bo̍ksu kîtó tsò tsèngbêng. Bînkok 50, 60 nî tsóiū, Lo̍kkáng ū tsi̍t king kàuhōe tī tōa kelō͘ piⁿ’á ê kàuhōe tsò lêngun pò͘tō tāihōe, kiatkó ū tsin tsē khiâ thihbé ê lâng（hui sìntô͘）tùi kelō͘ kingkòe, tsi̍tê-tsi̍tê pua̍htó tī thô͘kha, tsin kú tsiah khiā ún khí lâi, kèsio̍k khiâ tshia, tse to̍h sī hō͘ Sènglêng phahtó ê hiānsiōng. Hiāntsāi tī Tâioân, píkàu khah kiôngtiāu Sènglêng koànak ētàng kóng honggiân（lênggí）ê kàuhōe ū "Tsin Iésu Kàuhōe", nāsī lí ū sîkan thang khì kàuhōe kah in tâm Sènglêng koànak kóng honggiân ê tāitsì, tsin tshùbī ê. Kohtsài pó͘tshiong hôetap lí the̍h ê saⁿê būntê：
1. Sènglêng koànak tī "sèngking" ni̍h tsin tsē, siōng ūmiâ ê sī “Iôel su” 2：28, Tsú kóng, "Íāu, góa beh kā góa ê lêng koànak hoānnā ū hia̍tkhì ê, lín ê kiáⁿjî tio̍h kóng īgiân, lín ê lāulâng ài tsò ībāng, siàuliânlâng ē kìⁿ tio̍h īsiōng." íki̍p "Sùtô͘ Hêngtoān" 2： 1~4, "Gō͘sûntseh kàu, bûntô͘ lóng tsūtsi̍p tī tsi̍tê só͘tsāi. Hutjiân, tùi thiⁿténg ū hiángsiaⁿ lo̍h lâi, kahná tsi̍t tsūn tōa hong tshue kòe, tshiongmóa in só͘ tsē ê tshùthe̍h, koh ū tshùitsi̍h tshintshiūⁿ hóeiām hiánhiān tshut lâi, hunkhui lak tī in kok lâng ê thâukhak téngbīn. In tsiū lóng pī Sènglêng tshiongmóa, àntsiàu Sènglêng só͘ sù ê kháutsâi kóngkhí pa̍t kok ê ōe lâi."（Tsù：Ūsî Sènglêng koànak bô ittēng ē kóng honggiân.）
2. Sènglêng koànak kah tsōe bô kuanhē, tse sī sîn ê intián.
3. Sènglêng koànak liáuāu, Sènglêng to̍h līkhui singkhu a, tsionglâi iáu ē ū koh tsi̍t pái koànak ê kihōe, khólêng ē koh khah sēngtāi.
──2020, 12, 30 tah tī "Kitokkàu Thongsìn"
