《台灣鳥á歌詩》

蛇鵰興食蛇肉

作者 詩作kap註解: 蕭平治 攝影: 薛光雄

listen


Khùann gúa ê hîng, kap lāi-hio̍h tsiok sîng,
看我ê形，kap lāi-hio̍h足sîng，
Gúa khah ài tùa lāi-suann,
我khah愛tùa內山，
Lāi-hio̍h khah ài tùa pîng-iûnn.
Lāi-hio̍h khah ài tùa平洋。
Gúa bô lāi-hio̍h hiah tshut-miâ,
我無lāi-hio̍h hiah出名，
In-ūi gúa tī lāi-suann lia̍h tsûa tsia̍h.
因為我tī內山掠蛇食。
Lāi-hio̍h hìng tsia̍h ke-á-kiánn,
Lāi-hio̍h興食雞á kiánn，
Thau lia̍h thau kā pháinn miâ-siann.
偷掠偷咬歹名聲。


Tsûa-tiau(蛇鵰）; 大冠鷲（tūa-kuan-tsiū）; Formosan Sarpent Eagle.
hìng食蛇類，蛇肉是伊ê主食，是蛇類ê剋星，所以有蛇鵰、蛇鷹ê名。