《大人囡á詩》

批評家畫像

作者 Li KhinhuaN

listen

Ba̍k-tsiu sè-sè sann-kak-hîng
目睭細細三角形
Khùann bē sūn-gán it-tshè
看 bē順眼一切
Phīnn á tok-tok phīnn-kóng tsin tūa kóng
鼻á tok-tok 鼻管真大管
Sî-siông niauh kûan-kûan huat-tshut khin-sī ê siann
時常niauh高高發出輕視ê 聲
Tshùi-hîng tsiam-tsiam thu̍t--tshut-lâi
嘴形尖尖突出來
Tshùi-phé tsûan-sī kiàn-tsí-bah
嘴phúe 全是 kiàn-tsí 肉
Tshùi ê ūn-tōng-liōng ū khah tūa
嘴ê 運動量有khah 大
Tshùi-phúe phùa tsi̍t khang
嘴邊破一孔
Thang hiâm kah lâu-nūa
Thang嫌kah 流nūa
Siang-tshiú kiu-kiu
雙手kiu-kiu
Siang-kha khiû-khiû
雙腳khiû-khiû
Thâu tsin tūa
頭真大
Sin tsin sè
身真細
Kha té tshīng tsi̍t siang kim-siak-siak oo phûe-ê
腳底穿一雙金siak-siak 烏皮鞋
Tsē tī khàn-tâi tíng tsûan tsu-sè
坐tī 看台頂全姿勢
Siang-kha khiàu-kûan-kûan
雙腳翹高高
Bô tiunn-tî, huah tsi̍t siann
無張持，huah一聲
Lí tsit siú si ah-ūn thài ē bē hó-sè?
你這首詩押韻thái會押bē好勢？
--2003/5/4 Harvard