《耶穌言行錄》

Sū

作者 Ko Kim-sing

Tsit phō Sìng-tsheh Kì-lio̍k,tuì Ê-mn̂g lâi,kàu tann ū 60 guā nî kú,40 guā nî bô lâng koh ìn;ài tha̍k,bô tè thang bué,sǹg sī tsua̍t-pán,huè tsheh.Tsì-hó pîng-íu,guá ê hū-jîn-lâng ū lâu 5 pún,khńg tī tsheh-tû,guá bô sīunn uē koh ìn.

Sīu tshing-iok Sian-sinn ê bián-lē kóng," Tio̍h ìn" tio̍h kā she-siā;tōng-tio̍h guá ê tsing-sîn,lau-lâng tsīu gōng-sīunn,tsē-the thìng-hāu sí,m̄-ta̍t-tio̍h tsuè hōo i sī khah-iânn.Tuí tsiah ê tsheh,lán to-siáu thiam-póo,uē-kù siu-sik lai koh ìn,ǹg-bāng thang póo lán hiān-sî ê khiàm-īng;tsheh miâ uānn sin,Sìng-king Suán-lio̍k（聖經選略）khah ha̍p pún-lâi ê ì-gī.

Sìng-king tsuân-phō ū hun Ku-iok kap Sin-iok. Tsóng-sī tuí pa̍t hong-bīn lâi khuànn,iā sī nn̄g pōo-hūn;tsīu-sī li̍k-sú kap kà-sī.Kà-sī,ū pau-hâm iàu-lí kap lûn-lí.Iàu-lí,sī pài Siōng-tè lâng sóo tio̍h sìn ê.Lûn-lí,sī pài Siōng-tè lâng sóo tio̍h kiânn ê.Lán ài bîng-pi̍k Siōng-tè ê kà-sū,tio̍h tāi-sing uē bat Sìng-king lāi ê li̍k-sū;tsīu lán ji̍p lé-pài-tn̂g thiann sian-sinn kóng tō-lí,á-sī ka-kī tha̍k Síng-king,khah uē liáu-kái,khah uē kì-sim,khah uē khak-sìn,khah uē jia̍t-thâu,khah uē bat Siōng-tè,khah uē thiànn Siōng-tè.Sim-sîn phín-hīng uē ji̍t-ji̍t uānn sin.In-uī lí tuí li̍k-sú uē khuànn-kìnn Siōng-tè ê kuân-lîng,tì-huī,kong-gī,thiànn-thàng,kap kî-thann tsióng-tsióng ê kiat-kó.Sìng-king Suán-lio̍k tsīu-sī uī-tio̍h tíng-bīn sóo kóng ê lí-îu,luē-iông tsiah pâi-lia̍t muá-muá kán-tan ê li̍k-sú,sī ài tsān lan2tsiap-sīu Siōng-tè ê tsin-lí.

Lán khuànn tsheh ê tsè-pún bô tâng,luē-iông tsóo-tsit koh-īunn,tsīu tsai m̄-sī tsi̍t lâng tù ê,in bô siâng sî-tsūn.Tsí-ū tsi̍t pún siá Tánn-má-jī Koo-nîu,kî-û lóng bô miâ.Siat-sú in nā iáu ua̍h tī sè-kan,kánn ū 100 guā hè.Tuì tsiah ê tù-tsok,ū hián-bîng in ê lô-khóo kap thiànn Tsú,in ū tì-huī kap thiànn lâng.Lán tio̍h siàu-liām in,kā in seh-siā.Koh-khah tio̍h kám-siā ê,tsīu-sī Siōng-tè,I pang-tsān tsîng ê lâng tsai tshíu,āu ê lâng tit ìm-ńg,tsia̍h ké-tsí.

Tsheh,tann tshut-pán,si̍t-tsāi tshin-tshīunn hé-tshia,kū suànn-lōo Tsài siu-lí,tshia-tâi lè îu-tshat,ū sin ê khì-siōng,khai-thong tsài kheh,hōo tsiah ê thian-kok tsìng kiánn-jî,thang tsē khì îu-lám 39 tsō ê tôo-su-kuán,27 khu ê hue-hn̂g,ài tha̍k Sìng-king,tī hiā kìnn-tio̍h koh-ua̍h ê Tsú,sim-muá ì-tsiok.

1951 nî 11 gue̍h 30 ji̍t.
Ko Kim-sing.

思羅安台語點字網站