《耶穌言行錄》

Tē-1-tsiunn, Iâ-soo Ki-tok lîm-kàu sè-kan

作者 Ko Kim-sing.

listen

Tuì A-tong Hā-ua kuánn-tshut Lo̍k-hngg kàu Iâ-soo lîm-kàu sè-kan ê sî，kuí-nā tshing nî.

Tsú Iâ-soo Ki-tok sī Siōng-tè íng-ua̍h ê Kiánn，tshut-sì tsuè lâng.Í-sài-a lūn I ê tāi-tsì tsīu kóng，"Ū tsi̍t ê Enn-á uī lán lâi tshut sî，ū tsi̍t ê Kiánn síunn-sù lán.I beh hū-tam kok-tsìng，I ê miâ tshing tsuè Kî-biāu，Bôo-sū，Tsuân-lîng ê Siōng-tè，Íng-uán tī-the ê Pē，Hô-pîng ê Jîn-kun. "（Í-sài-a 9：6）

Iâ-soo sui-jiân tshut-sì tsuè Enn-á，tī sè-kan tsuè sòng-hiong lâng，kî-si̍t sī Siōng-tè.

Iâ-soo lī-khui thian-tông îng-hián hok-khì，lîm-kàu sè-kan sī beh kìu lâng.Lâng í-king ū tik-tsuē Siōng-tè，tio̍h sīu hîng-hua̍t，Iâ-soo lai5thue3 lán tam-tngg.Siōng-tè ê bīng-līng lán tik-khak tio̍h síu，iáu-kú lán bô khuì-la̍t，Iâ-soo thuè lán síu.Lâng beh hiàn-tsè hōo Siōng-tè，ta̍k-hang tio̍h īng tsiâu-tsn̂g-ê；Iâ-soo tsīu-sī tsiâu-tsn̂g ê tsè，bô tsi̍t-tiám-á phuà-phah，sóo-í Siōng-tè huann-hí I.Siōng-tè ín put-kuán sím-mi̍h lâng nā sìn，tsīu beh īng I ê Kiánn ê huih sué-tshing i ê tsuē，ia̍h beh īng I ê Kiánn ê gī lâi tsuè i ê gī，án-ni tì-kàu íng-uán ua̍h.Sìng-king kóng，"Siōng-tè tsiong to̍k-sinn ê Kiánn síunn-sù sè-kan，hōo kìnn-nā sìn I ê lâng buē tîm-lûn，uē tit-tio̍h íng-ua̍h；I thiànn sè-kan kàu án-ni. "（Iok-han 3：16）

思羅安台語點字網站