《耶穌言行錄》

| | | 轉寄

Tē-46-tsiuⁿ,Thian-kok kuí-nā ê phì-jū

作者 Ko Kim-sing. 2009.02.22

(Má-thài 13:33-55;Má-khó 4:31-34).
Iâ-so͘ koh siat phì-jū kóng，"Thian-kok tshin-tshiūⁿ kuà-tshài-tsí，lâng the̍h kgi3 iā tī hn̂g-nih.Tse sī pah-hāng tsíng-tsí ê ki̍k suè ê，kàu tuā tsâng，khah tuā tsiah ê tshài-sue，giám-jiân tsiâⁿ tshiū，pe-tsiáu kàu，hioh tī i ê ki.”Koh kóng，"Thian-kok tshin-tshiūⁿ kàⁿ-bú，hū-jîn-lâng the̍h khì hē tī saⁿ táu mī-hún lāi kàu kóng-tsóng huat-kàⁿ. "

Tha̍k tsiah ê phì-jū thang tsai Ki-tok ê hok-im tsáiⁿ-iūⁿ ū hāu-giām tī sè-kan，koh tsáiⁿ-iūⁿ hāu-giām tī lâng ê sim.Tsit hō tāi-tsì m̄-sī kâim-piⁿ tsiâⁿ，sī ûn-ûn.Hok-im ê tō-lí khí-thâu thuân sī tsió-tsió lâng sìn，ná thuân ná tsuē，āu-lâi uē kàu piàn-piàn.Lâng ê sìng pún ài kiâⁿ pháiⁿ，m̄-ài hó，tsi̍t-ē tit-tio̍h Sìng Sîn ê kám-huà，tsiū uāⁿ khuán-sit，uē uàn-hūn pháiⁿ，siông-siông kap pháiⁿ ê liām-thâu saⁿ-tsiⁿ kàu khah iâⁿ;só͘ ì-ài sī sìng tshing-khì-siùⁿ.Tsit hō lâng na2ku2na2 tsiâⁿ-sìng，tshin-tshiūⁿ kuà-tshài-tsí ná kú ná tuā，á-sī kàⁿ tī mī-hún lāi ná kú ná huat.

Lán tio̍h ka-kī síng-tshat khuàⁿ lán ū sîng-si̍t thiàⁿ Tsú á bô，koh lán ê thiàⁿ Tsú sī ná kú ná tuā á bô.Ta̍k lâng tio̍h tsìn-pō͘ tsiah tio̍h. Iâ-so͘ kóng，"Thian-kok tshin-tshiūⁿ pó-puè khǹg tī tshân-nih，lâng tú-tio̍h tsiū khàm-ba̍t，huaⁿ-hí tò-khì buē só͘ ū ê lâi bué hit khu tshân. "Koh "Thian-kok tshin-tshiūⁿ tsuè sing-lí ê lâng tshē hó ê tsin-tsu，tú-tio̍h tsi̍t lia̍p put-tsí kuì-khì ê，tsiū khì buē só͘ ū ê lâi bué hit lia̍p. "

Pó-puè ê mi̍h kap tsin-tsu，sī tsí tit-tio̍h kiù ê tō-lí.Tsit ê tō-lí uâⁿ-kè sè-kan kim-gûn tsâi-pó；sui-bóng lán tit-tio̍h kiù sī Siōng-tè pe̍h-pe̍h ê siúⁿ-sù，iáu-kú lâng tio̍h tsim-tsiok tshē tsiah uē tit-tio̍h.Tshin-tshiūⁿ Sìng-tsheh kóng，"Tio̍h tshē tshin-tshiūⁿ tshē gûn，koh tio̍h tshē tshin-tshiūⁿ tshē khàm-ba̍t ê tsâi-pó，tsaih uē bîng-pi̍k kìng-uì Tsú ê huat-tō͘，ia̍h tik-khak tit- tio̍h tsai Siōng-tè ê tō-lí. "

Lâng nā tsai hit ê tō-lí ê pó-puè，kiám-tshái tio̍h pàng-sak sè-kan ê mi̍h，i ia̍h kam-guān，tshin-tshiūⁿ ctsue3 sing-lí ê lâng buē só͘ ū ê，lâi bué hit lia̍p tsu tsi̍t-puaⁿ-iūⁿ. Iâ-so͘ koh kóng，"Thian-kok tshin-tshiūⁿ bāng pha tī hái-nih，uî tio̍h tsiah ê tsuí-tso̍k kàu muá，tsiū thua tī huāⁿ-tíng，tsē the khioh hit ê hó ê ji̍p khì-kū，pháiⁿ ê hiat tī guā-bīn. "

Tsa̍p-jī ha̍k-sing kî-tiong kuí-nā lâng pún tsuè thó-hî ê.Iâ-so͘ tiàu ê sî bat kóng，"Tè guá，guá beh hō͘ lín tit-tio̍h lâng tshin-tshiūⁿ thó-hî；"ì-sù sī beh hō͘ in thuân tō-lí kiù lâng. Tsit-tsūn sîng-si̍t ê，bô sîng-si̍t ê saⁿ-tsham tī kàu-huē lāi.Sè-kan ê bua̍t-ji̍t，"thin-sài tit-beh tshut-lâi tuì hó lâng ê tiong-kan puah-khui hit ê pháiⁿ ê，"tshin-tshiūⁿ thó-hî ê lâng hun-pia̍t hî tsi̍t-puaⁿ-iūⁿ.

思羅安台語點字網站