《耶穌言行錄》

| | | 轉寄

Tē-45-tsiuⁿ,Tshân phuē-á ê phì-jū

作者 Ko Kim-sing. 2009.02.15

(Má-thài 13:24-53;Má-khó 4:26-34).
Iâ-so͘ koh siat phì-jū kóng，Thian-kok tsin-tshiūⁿ lâng iā hó ê tsíng-tsí tī tshân-nih；the khùn ê sî，tuì-ti̍k kàu，iā phuē-á tī be̍h-lāi tsiū khì.Be̍h kàu thò͘-suī kiat-tsí，tsiū phuē-á ia̍h tshut-hiān.Tshân-tsú ê lô͘-po̍k lâi kā i kóng，"Tsú ah，lí kiám m̄-sī īng hó ê tsíng-tsí iā tī tshân-nih mah？tsáiⁿ-iūⁿ ū phuē-á？"

Tshân-tsú kóng，"Sī tuì-ti̍k tsuè. "Lô͘-po̍k kóng，"Guán khì khau i thang mah？"Kóng，"M̄-thang，kiâⁿ-liáu khau phuē-á，be̍h iā hō͘ lín pui̍h khí-lâi.Tio̍h iông-ún nn̄g hāng pîⁿ-pîⁿ tuā，thìng-hāu beh kuah；kuah ê sî，guá kah kuah ê lâng tio̍h tāi-sing tsiong phuē-á khioh kui-tui hâ teh，īng hé lâi sio，āu-lâi siu be̍h ji̍p tshng. "Iâ-so͘ ji̍p tshù，ha̍k-sing tsiū-kūn I kóng，"Tshân phuē-á ê phì-jū tio̍h bîng-bîng kà-sī guán.”Iâ-so͘ kóng，"Iā hó tsíng-tsí ê sī Jîn-tsú；tshân sī sè-kan；hó tsíng-tsí sī thian-kok ê peh-sìⁿ；phuē-á sī pháiⁿ-kuí ê peh-sìⁿ，tuì-ti̍k iā phuē-á ê sī Mô͘-kuí；siu-kuah ê sî，sū sè-kan ê lō͘-bé；kuah ê sī thiⁿ-sài；īng phuē-à khioh kui tui hé-nih lâi sio.Sè-kan ê lō͘-bé ia̍h sī án-ni:Jîn-tsú the- beh tshe I ê thiⁿ-sài，tuì I ê kok-lāi tsiong hō͘ lâng khì huān-tsuē ê kap tsuè pháiⁿ ê lâng khioh tsuè tui；hiat lo̍h hé-lô͘，tī hia ū ai-tshám，thî-khàu，kā-gê，tshiat-tshí.Hit-tia̍p hó-lâng the-beh kng-kng tshin-tshiūⁿ ji̍t，tiàm i ê Pē ê kok. "

Sè-kan ū nn̄g tíng-hō ê lâng saⁿ tsham，āu-lâi tio̍h pun-khui，ū lâng tit-tio̍h tuā hok-khì，ū lâng tú-tio̍h tuā tshiⁿ-tshám.Lán tio̍h kiû Siōng-tè pang-tsān lán sîng-si̍t tsuè I ê peh-sìⁿ，kàu hit sî m̄-sái thó͘-khuì kóng，"Hē-thiⁿ ê ji̍t í-king kè，siu-sîng ê sî í-king bîng-pi̍k，ia̍h guán iáu-bē tit-tio̍h tsín-kiù. "

思羅安台語點字網站