《耶穌言行錄》

| | | 轉寄

Tē-48-tsiuⁿ,Siâ-sîn miâ kiò Iâⁿ

作者 Ko Kim-sing. 2009.03.08

(Má-thài 8:28-34; Má-khó 5:1-21;Lō͘-ka 8:26-40).
Iâ-so͘ hō͘ hái pîng-tsīng，tsûn bô luā kú kàu hit pîng huāⁿ.Iâ-so͘ kap ha̍k-sing tsiūⁿ suaⁿ，tú-tio̍h huān siâ-sîn ê tuì bōng-nih tshut-lâi.Hit ê lâng bô khiā tshù，sī khiā tī thióng-suaⁿ，thih-liān pa̍k i buē tiâu.Mî-ji̍t āu-kiò，īng tsio̍h ka-kī siong.Hn̄g-hn̄g khuàⁿ-kìⁿ Iâ-so͘，tsáu lâi pài i，tuā siaⁿ kiò kóng，"Tsì kuâiⁿ Siōng-tè ê Kiáⁿ Iâ-so͘，guá kap lí sím-mi̍h kan-sia̍p？Thok-tiōng Siōng-tè ê miâ，kiû lí bo̍h-tit khó͘-tshó͘ guá.
"In-uī Iâ-so͘ ū bīng-līng siâ-sîn lī hit ê lâng，siâ sîn sui-bóng m̄-ài，iáu-kú bô tâ-tit-uâ tio̍h tshut.

Iâ-so͘ mn̄g kóng，"Lí sím-mi̍h miâ？"Ìn kóng，"Guán miâ kiò Iâⁿ，sī guán tsiah ê put-tsí tsuē ê ian-kò͘. "Tshiat-ì kiû Iâ-so͘ bo̍h-tit kuáⁿ i tshut hit ê só͘-tsāi.Hit sî ū tsi̍t tīn ti tī suaⁿ-nih the tsia̍h，kuí kiû Iâ-so͘ tsún in ji̍p ti.Iâ-so͘ tsún，kui2jip8 ti-kûn，ti tsiū tsáu lo̍h hái tsìm-sí.

Tsiàu Mô͘-se ê lu̍t-lē，ti sī bô tshing-khì ê tsing-siⁿ，in iáu-kú tshī.Iâ-so͘ tsún kuí ji̍p ti，ū lâng phah-sǹg sī beh hō͘ in tsai in ê m̄-tio̍h.

Tshī ti ê ji̍p siâⁿ kā lâng kóng，tsíng-lâng tshut-lâi khuàⁿ só͘ kiâⁿ，kiû Iâ-so͘ lī-khui in ê só͘-tsāi.Hit ê tāi-sing huān-tio̍h kuí ê，tshīng saⁿ tsū-tsāi，kap tāi-sing lóng bô saⁿ-tâng.Siat-sú lâng uē hiáu-tit siūⁿ hit ê tāi-tsì，tik-khak m̄-ài Iâ-so͘ lī-khui;tsóng-sī hit só͘-tsāi ê lâng ū tshò-gō͘，to̍k-to̍k siūⁿ hit ê sit-lo̍h ti ê tāi-tsì nā-tiāⁿ;m̄-nā bô hó-lé，huán-tńg tshiáⁿ Iâ-so͘ lī-khui！

Lâng ū tit-tio̍h Iâ-so͘ kiù i thuat-lī Mô͘-kuí ê tshiú-thâu á bô，i ê só͘ kiâⁿ tik-khak ū tsing-tsua̍h.Iâ-so͘ tah-tsûn ê sî tāi-sing huān kuí ê kiû kap I saⁿ-kap khì.

Lán í-king tit-tio̍h Tsú ê un，tio̍h tshin-tshiūⁿ tsit ê lâng，put-tsí ài tshin-kūn Iâ-so͘，m̄-kam pàng-lī.Koh lán tio̍h tshin-tshiūⁿ i īng Tsú ê hó khuán-thāi kā lâng kóng.Siat-sú bô sím-mi̍h tshim，ta̍k-lâng uē īng Tsú khuán-thāi i pún-sin ê tāi-tsì，lâi kóng hō͘ lâng thiaⁿ.

思羅安台語點字網站