《耶穌言行錄》

| | | 轉寄

Tē-49-tsiuⁿ,Iâ-so͘ i-hó hū-jîn-lâng ê pīⁿ，hō͘ tsa-bó͘ gín-ná koh-ua̍h

作者 Ko Kim-sing. 2009.03.15

(Má-thài 9:18-26;Má-khó 5:21-43， 6:1-6;Lō͘-ka 8:41-56).
Ū tsi̍t ê kuán hue̍-tn̂g ê，miâ Gâi-ló͘，i ū tsi̍t ê ko͘-tuaⁿ tsa-bó͘-kiáⁿ，tú-á tsa̍p-jī hè，phuà-pīⁿ put-tsí siong-tiōng，pē-bú phah-sǹg i tik-khak sí.Gâi-ló͘ khì kiû Iâ-so͘ lâi kiù i.Iâ-so͘ kap i khì.Kiâⁿ tit-beh kàu，tsuē-tsuē lâng tè I，pik-kūn saⁿ-khueh，sī ài khuàⁿ Iâ-so͘.Tsiông-tiong ū tsi̍t ê hū-jîn-lâng，í-king phuàⁿ-pīⁿ tsa̍p-jī nî kú，bat hō͘ tsuē-tsuē i-sing i，ke-hé phuà-liáu，nā-sī i ê pīⁿ ê sè-bīn huán-tńg khah tāng.Thiaⁿ-kìⁿ Iâ-so͘ ê saⁿ-á-ku，ka-kī phah-sǹg nā bong tsiū hó.Bong kiáu pīⁿ kó-jiân hó.Iâ-so͘ ua̍t-thâu kóng，"Tsī-tsuī-á bong guá ê saⁿ？
"Ha̍k-sing kóng，"Sian-siⁿ，tsìng-lâng ue-khueh lí，tsiū mn̄g tsī-tsuī-á bong guá mah？"Iâ-so͘ sì-uî khuàⁿ，ài khuàⁿ kiâⁿ án-ni ê hū-jîn-lâng.Hū-jîn-lâng tsai i sing-khu só͘ king-kè ê tāi-tsì，buē khǹg-ba̍t tit，tsiū tsìn-tsîng phak-teh，lóng siông-sè kóng.Iâ-so͘ kā i kóng，"Lí sìn i-hó lí，an-jiân tò-khì，lí ê pīⁿ hó lah. "Lán ê tsuē sī tshin-tshiūⁿ put-tsí tāng ê pīⁿ，Iâ-so͘ í-guá bô lâng uē I;só͘-í tio̍h o̍h tsit ê hū-jîn-lâng ê sìn lâi tsiū-kūn Iâ-so͘，tsiah uē tit-tio̍h thuat-lī tsuē-ok ê kan-khó͘.Iâ-so͘ the kóng ê sî，lâng tuì Gâi-ló͘ ê tshù lâi pò kóng，"mi̍h-sái tio̍h-buâ sian-siⁿ，tsa-bó͘ gín-ná í-king sí lah. "Iâ-so͘ thiaⁿ-kìⁿ，tsiū kā Gâi-ló͘ kóng，"Bo̍h-tit kiaⁿ，to̍k-to̍k tio̍h sìn. "

Iâ-so͘ tsí-ū tsún Pí-tik，Ngá-kok，Iok-hān tsí saⁿ lâng tè I kiâⁿ.

Kàu tshù khuàⁿ lâng tuā siaⁿ thî-khàu，Iâ-so͘ kóng，"Siáⁿ-sū tuā siaⁿ thî-khàu？tsa-bó͘-kiáⁿ m̄-sī sí，sī khùn nā-tiāⁿ. "Lâng tshiò I，in-uī m̄-tsai Iâ-so͘ ū kuân-lîng uē hō͘ i koh-ua̍h.Iâ-so͘ kah tsìng-lâng tshut-khì，tsiū tshuā gín-ná ê pē-bú kap tè I ê lâng ji̍p gín-ná ê pâng，tsiū khan tsa-bó͘ gín-ná ê tshiú kóng，"Tsa-bó͘ gín-ná khí-lâi. "Hit ê gín-ná liâm-piⁿ khí-lâi，iû-guân hó-hó.Iâ-so͘ kah i ê pē-bú īng mi̍h hō͘ i tsia̍h.

Lán tio̍h o̍h Gâi-ló͘ ê khuán-sit，ke-lāi ê lâng kiám-tshái phuà-pīⁿ，á-sī sím-mi̍h hō ê kan-khó͘，tio̍h thuè i ê kî-tó.Tē-it iàu-kín tio̍h pik-tshait kiû Iâ-so͘ si-lo̍h un-tián，tîng-thâu-siⁿ ke-lāi lâng ê sim tshin-tshiūⁿ hō͘ in tuì sí koh-ua̍h tsi̍t-puaⁿ-iūⁿ.Iâ-so͘ hō͘ Gâi-ló͘ ê tsa-bó͘-kiáⁿ koh-ua̍h，koh bô luā-kú tsiah khì Ná-sat-li̍k.Iân-lō͘ kiâⁿ koh-iūⁿ ê sîn-jiah，kuáⁿ siâ-sîn，i-pīⁿ，hō͘ tshiⁿ-mî ba̍k-tsiu kng.Iâ-so͘ tī Ná-sat-li̍k ê sî ji̍p huē-tn̂g kà-sī lâng，tsiah ê lâng put-tsí kî-kuài kóng，"Tsit ê lâng thai，2-thó uē tit-tio̍h kàu tsiah tì-huī？tsit ê kiám m̄-sī ba̍k-kang ê kiáⁿ mah？tsáiⁿ-iūⁿ uē kàu tsiah tshang-miâ？"Hiah ê lâng lia̍h I tsuè lâng nā-tiāⁿ，m̄-tsai I ia̍h sī Siōng-tè ê Kiáⁿ，só͘-í kóng tsit hō uē.

思羅安台語點字網站