《耶穌言行錄》

| | | 轉寄

Tē-57-tsiuⁿ,Kó͘ⁿ siâ-kuí

作者 Ko Kim-sing. 2009.05.10

（Má-thài 17：14-21；Má-khó 9：14-29； Lō͘-ka 9：37-42）
Iâ-so͘ tuì suaⁿ-tíng lo̍h lâi ê sî，ū tsuē-tsuē lâng uî-luî teh khiā kap ha̍k-sing saⁿ-kap kóng-uē；tsiông-tiong ū tsi̍t lâng tuā siaⁿ kiò kóng，"Sian-siⁿ，kiû lí lîn-bín guá ê kiáⁿ，sī ko͘-siⁿ—ê；hō͘ siâ-sîn só͘ tîⁿ，hut-jiân âu-kiò kha-tshiú khiû-liû，lâu pe̍h-phe̍h-nuā，siông-siông hō͘ I hāi，oh-tit thuat-lī：guá bat kiû lí ê ha̍k-sing lâi kuáⁿ，in buē-uē. "Iâ-so͘ kóng，"Tio̍h tshuā lí ê kiáⁿ tsiū-kūn guá. "Hit ê lâng suî-sî tshuā I lâi.Tsi̍t-ê khuàⁿ-kìⁿ Iâ-so͘，sîn tsiū khiú-la̍k i，tó tī tuē-nih，huan-lâi huan-khì，ia̍h lâu-nuā.

Iâ-so͘ mn̄g I ê lāu-pē kóng，"Lí ê kiáⁿ huān-tio̍h tsit ê sîn ū luā-kú？"Ìn kóng，"Tuì suè-hàn ê sî；lí nā tsuè uē lâi，tsiū lîn-bín lâi pang-tsān guá. "Iâ-so͘ kóng，"Lí kóng"Lí nā uē"，lâng nā sin tsiū bô só͘ m̄-uē. "I tsiū liâm-piⁿ âu-kiò kóng，"Tsú ah，guá sìn，nā sìn buē tshim，tsiū tio̍h pang-tsān guá. "

Iâ-so͘ huah siâ-sîn.Sîn tuā siaⁿ kiò，tsin khiú-la̍k I tsiū tshut；hit ê kiáⁿ ná sí tsi̍t-puaⁿ-iūⁿ，lâng phah-sǹg i í-king sí.Iâ-so͘ khan I ê tshiú hû i，kau hō͘ lāu-pē.

Ha̍k-sing àm-tsīⁿ tsiū-kūn Iâ-so͘ kóng，"Guán buē kuáⁿ kuí sī tsáiⁿ-iūⁿ？"Iâ-so͘ kóng，"Sī m̄-sìn ê iân-kò͘. "

思羅安台語點字網站