《耶穌言行錄》

| | | 轉寄

Tē-56-tsiuⁿ,Iâ-so͘ bīn-māu piàn tshiàn-lān

作者 Ko Kim-sing. 2009.05.03

（Má-thài 17：1-13；Má-khó 9：2-10； Lō͘-ka 9：28-36）
Kè kuí-nā ji̍t，Iâ-so͘ tshuā Pí-tik，Nga2kok，Iok-hān，saⁿ lâng tsiūⁿ suaⁿ kî-tó.Iâ-so͘ teh kî-tó ê sî，I ê bīn piⁿ tsiâⁿ tshin-tshiūⁿ ji̍t ê kng，saⁿ pe̍h tshin-tshiūⁿ seh.Hit-sî Pí-tik，Ngá-kok，Iok-hān，ta̍k lâng ê ba̍k-tsiu put-tsí siap，tuh-ka-tsē；tsing-sîn ê sî，khuàⁿ-kìⁿ Iâ-so͘ ê îng-kng，koh khuàⁿ-kìⁿ ū nn̄g lâng，tsiū-sī Mô͘-se，Í-lī-a teh khiā khiā kap Iâ-so͘ kóng-uē；beh kè-óng tī Iâ-lō͘-sat-líng ê tāi-tsì.

Tsí nn̄g lâng tsiūⁿ thiⁿ put-tsí kú.Mô͘-se kè-óng tī Pí-sū-ka suaⁿ，sī Tsū-tsîng tsi̍t-tshing sì-pah pueh-tsa̍p guā nî；Í-lī-a bô sí，sī iok-lio̍k káu-pah-jī-tsap-pueh nî hō͘ Siōng-tè tsiap-la̍p tī thiⁿ-nih.

Pí-tik tuì Iâ-so͘ kóng，"Tsú ah，tiàm tsia sī hó，ài khí saⁿ king tshù，tsi̍t king hō͘ lí，tsi̍t king hō͘ Mô͘-se，tsi̍t king hō͘ Í-lī-a；m̄-tsai lí bueh m̄. "Kóng liáu ū hûn kā in jia-teh，hûn-lāi ū siaⁿ kóng，"Tsit ê sī guá só͘ thiàⁿ ê Kiáⁿ，lín ing-kai tio̍h thiaⁿ I. "Ha̍k-sing thiaⁿ-kìⁿ phak-teh，tsīn-tsāi kiaⁿ.Iâ-so͘ tsìn-tsîng tsiú huāⁿ I kóng，"Khí lâi bo̍h-tit kiaⁿ. "Ha̍k-sing kia̍h-ba̍k bô khuàⁿ-kìⁿ tsi̍t lâng，to̍k-to̍k Iâ-so͘ nā-tiāⁿ.Iâ-so͘ tsiū kap ha̍k-sing lo̍h suaⁿ.

思羅安台語點字網站