《耶穌言行錄》

Tē-7-tsiunn,Koo-îunn ê lâng

作者 Ko Kim-sing.

listen



（Lōo-ka 2：8-17）Kūn Pik-lī-hîng ū tsi̍t ê khòng-iá；tú-tú Iâ-soo tshut-sî hit mî ū kòo-îunn ê lâng tī hia the kòo-îunn.Hut-jiân khuànn-kìnn thinn-sài tuì thinn lo̍h-lâi，Tsú ê îng-kngg sì-uî tsiò in.Kòo-îunn ê lâng tuā kiann，thinn-sài tsīu kóng，"Má-lī-a，guá pò lín hó ê siau-sit，hōo lín kap tsíng peh-sìnn tuā huann-hí，in-uī tī Tāi-pi̍t ê siânn kin-á-ji̍t ū sinn Kìu-tsú Ki-tok；lín uē khuànn-kìnn Enn-á īng pòo pau，hē tī bé-tsô；tsit ê sī I ê kì-hō. "Liâm-pinn ū tsuē-tsuē thian-ping kap thinn-sài o-ló Siōng-tè kóng，"Thinn-tíng îng-kngg kui tī Siōng-tè，tuē-bīn-tsīunn hô-pîng. "tsīu-sī in-uī Iâ-soo tsuè lán ê Kìu-tsú.Siat-sú Iâ-soo bô lâi，lán tsi̍t-sì-lâng xue7 kap Siōng-tè hô-hó，ia̍h íng buē thuat-lī Siōng-tè ê sīu-khì，in-uī Iâ-soo lâi thuè lán sīu hîng-hua̍t，tû-khì lán ê tsuē-kuà，sóo-í lán tsiah uē-tit-thang kap Siōng-tè hô.Sìng-tsheh kóng，"Lán lì-jiân tuì sìn tit-tio̍h tshing tsuè-gī，tsīu-sī khò lán ê Tsú Iâ-soo Ki-tok tsiah uē kap Siōng-tè koh hô. "Tuì án-ni thang tsai Siōng-tè si-un hōo lán，ài lán tit-tio̍h kìu，m̄-ài lán tîm-lûn.

Thinn-sài tsīunn-thinn liáu，kòo-îunn ê lâng sann-kap kóng，"Tann lán lâi khì Pik-lī-hîng，khuànn Tsú tsí-sī lán ê tāi-tsì. "Tsīu kín-kín khì，khuànn-kìnn Má-lī-a Iok-sik，koh Enn-á ê tāi-tsì sì-kuè pò-iông.

Lán tio̍h o̍h kòo-iubb5 ê lâng ài kìnn-tio̍h Iâ-soo，sui-jiân buē-uē tshin-ba̍k khuànn-kìnn，iáu-kú nā sìn，tshin-tshīunn kap i sio-kìnn；tuì lán ê kî-tó ia̍h thang kap I sann-kūn.Tsit-tia̍p Iâ-soo tsuè Kìu-tsú，ia̍h sī huann-hí thìng-hāu tsiap-la̍p sìn I ê lâng，Sìng-tsheh tsí-sī lán Iâ-soo ê tāi-tsì，lán tio̍h suè-jī tshuí-môo kàu tit-tio̍h bîng ê pîn-kù，ia̍h tsiong sóo tit-tio̍h ê tai-tsì lâi lī-ik lâng，kui îng-kngg tī Siōng-tè.

思羅安台語點字網站