《耶穌言行錄》

Tē-6-tsiunn,Ki-tok ê tshut-sì

作者 Ko Kim-sing.

listen

（Má-thài 1：18-25；Lōo-ka 2：1-7）Ḿ-lī-a í-king tsuè Iok-sik tiānn-tioh，iáu-bē sîng-tshin，hōo Sìng Sîn sóo kám tsīu ū sin.I ê riong7-hu Iok-sik sī gī ê lâng，m̄-ài bîng-bîng lîng-jio̍k i，sīunn beh àm-tsīnn huè-tshin.Teh sīunn ê sî，Tsú ê thinn-sài tshut-hiān thok-bang kóng，Tāi-pi̍t ê hōo-è Iok-sik，tio̍h tshuā lí ê bóo Má-lī-a，bo̍h-ti̍t giâu-gî，in-ui i ū sin sī tuì Sìng Sîn.I tik-thak uē sinn kiánn，miâ tio̍h kiò Iâ-soo，in-uī I beh kìu I ê peh-sìnn thuat-lī tsuē-ok.Sian-ti Bí-ka ū kóng，Iâ-soo tshut-sì ê soo-tsāi sī Îu-thài ê Pik-lī-hîng.Iok-sik khia7Na2-sat-li̍k，hut ê siânn lī Pik-lī-hîng sui-jiân hn̄g，iáu-kú ìng-giām，in-uī hông-tè tú-tú hut sî tshut tsiàu，kah Îu-thài lâng tsō ke-kah.Ta̍k lâng tio̍h tò-khì pún sóo-tsāi.Iok-sik tsīu tò-khì tsóo-ke Pik-lī-hîng，in-uī i sī Tāi-pi̍t ê hōo-è.Má-lī-a kap i khì.In tī pik-lī-hîng，kheh-tiàm lâng tsuē buē hioh tit，sóo-í khì hioh bé-tiâu.Hit ê-hngg tú-á Siōng-tè ìng-ún Má-lī-a ê sî kàu，tsīu sinn Iâ-soo.Má-lī-a īng pòo pau，lok tī bé-tsô，án-ni thang tsai Iâ-soo tshut-sì tsin pi-tsiān.I ê sin-thé kap pîng-siông ê enn-á sann-tâng，uē tsai iau，uē tsai kan-khóo，ia̍h tio̍h lâng lâi io.Lūn I ê sìng ia̍h sann-tâng，tsí-ū tsi̍t hāng tuā bô sann-tâng，tsīu-sī bô tsuē.Koh ū Siōng-tè ê sìng.Lán tio̍h kì-tit Iâ-soo sī Siōng-tè，ia̍h sī lâng.

Iâ-soo thâu tsi̍t pái lîm-kàu sè-kan sī tsin khiam-pi，in-uī beh sīu khóo，sīu sí lâi kìu lâng.Sìng-tsheh kóng，"I pún-jiân pú，in-uī lán tì-kàu sòng-hiong，hōo lán tuì I ê sòng-hiong tì-kàu pù. "Lán sīunn tsit ê tāi-tsì tsin-tsiànn tio̍h kám-un.（Ṳ Ko-lîm-to 8：9）.

Na-sī kàu bua̍t-jit koh lâi m̄-sī án-ni，tsīu-sī ū tuā kuân-lîng lâi tsuè sím-phuànn ê Tsú，lóng-tsóng ê tuì-ti̍k tīng-tsuē sīu hîng-hua̍t，lóng-tsóng sìn I ê lâng tsīu tsuā in kàu thian-tông.Lán tio̍h kîu Siōng-tè hōo lán tsuè sîng-si̍t sìn I ê lâng. "I kàu ê sî bô thang hōo I hiâm，uē an-jiân kap I sann-kìnn. "

思羅安台語點字網站