《押韻啟應詩篇》

台語押韻啟應詩篇 72

作者 Tīnn Jî-gio̍k

72　　Sóo-lô-bûn ê si.

1a　Siōng-tè ah , kiû Lí tsiong Lí ê phùann-tùan siúnn-sù ông-kun,
　　上 帝 啊，求 你 將 你 的 判 斷 賞 賜 王 君，

1b　　　Tsiong Lí ê kong-gī siúnn-sù ông ê kiánn-sun.
　　　　將 你 的 公 義 賞 賜 王 的 子 孫。

2a　I beh tsiàu kong-gī sím-phùann Lí ê tsú-bîn,
　　他 要 照 公 義 審 判 你 的 子 民，

2b　　　Tsiàu kong-pîng phùann-tùan Lí hiah-ê khùn-khóo ê jîn-bîn.
　　　　照 公 平 判 斷 你 那 些 困 苦 的 人 民。

3a　Tūa-suann beh in-ūi kong-gī hōo peh-sìnn pîng-an,
　　大 山 要 因 為 公 義 使 百 姓 平 安，

3b　　　Suann-á iā beh án-ni pîng-an.
　　　　山 仔 也 要 按 呢 平 安。

4a　I beh phùann-tùan, sī ūi peh-sìnn-tiong khùn-khóo ê lâng,
　　他 要 判 斷， 是 為 百 姓 中 困 苦 的 人，

4b　　　I beh kiù sòng-hiong ê lâng,
　　　　他 要 救 貧 窮 的 人，

I BEH TEH-CHHUI3 PŌ-GIO̍K Ê LÂNG.
他要 壓 碎 暴 虐 的 人。

5a　Lâng beh kìng-ùi Lí ji̍t-kú ge̍h-tn̂g.
　　人 要 敬 畏 你 日 久 月 長，

5b　　　Ti̍t-kàu bān sè-tāi bô tn̄g.
　　　　直 到 萬 世 代 無 斷。

6a　I beh kàng-lîm tshin-tshiūnn hōo lo̍h tī í -king kuah ê tsháu,
　　他要 降 臨 親 像 雨 落 在 已 經 割 的 草，

6b　　　Tshin-tshiūnn ki̍p-sî ê hōo lūn-ti̍k thóo-tūe múa tsúi-kau.
　　　　親 像 及 時 的 雨 潤 澤 土 地 滿 水 溝。

7a　Tī i ê ji̍t-tsí gī-lâng beh hing-ōng;
　　在 他 的 日 子 義 人 要 興 旺；

7b　　　Tūa-tūa pîng-an kap ge̍h pînn kú hiah hing-thong.
　　　　大 大 平 安 與 月 平 久 許 興 通。

8a　I beh tsiáng-kûan tùi tsit-ê hái kàu hit-ê hái,
　　他 要 掌 權 對 此 個 海 到 彼 個 海，

8b　　　Tùi tūa-hô kàu tūe-ki̍k ê kau-kài.
　　　　對 大 河 到 地 極 的 交 界。

9a　Khiā-khí tī khòng-iá--ê , beh khut-kē tī i ê bīn-tsîng;
　　居 起 在 曠 野 的，要 屈 低 在 他 的 面 前 ；

9b　　　I ê tùi-ti̍k beh tsīnn thôo-hún kiong-kìng.
　　　　他的 對 敵 要 舐 土 粉 恭 敬。

10a　Tha-si kap hái-sū ê lia̍t-ông beh tsìn-kòng;
　　　他 施 及 海 嶼 的 列 王 要 進 貢；

10b　　　Sī-pa kap Se-pa ê ông beh hiàn lé-mi̍h lâi soo-thong.
　　　　　示 巴 與 西 巴 的 王 要 獻 禮 物 來 疏 通。

11a　Lia̍t-ông lóng beh phak-lo̍h pài i ,
　　　列 王 攏 要 仆 落 拜 他，

11b　　　Bān-kok lóng beh ho̍k-sāi i .
　　　　　萬 國 攏 要 服 事 他。

12a　In-ūi sòng-hiong lâng kiû-kiò ê sî , ông beh kiù in ;
　　　因 為 貧 窮 人 求 叫 的 時，王 要 救 伊；

12b　　　Khùn-khóo bô i -úa ê lâng, ông iā beh kiù--in .
　　　　　困 苦 無 依 倚 的 人， 王 也 要 救 伊。

13a　I beh lîn-bín tshing-tām sòng-hiong lâng ê àn-kiānn,
　　　他要 憐 憫 清 淡 貧 窮 人 的 案 件，

13b　　　I beh tsín-kiù sòng-hiong lâng ê sìnn-miā.
　　 　 　　他 要 拯 救 貧 窮 人 的 性 命。

14a　I beh kiù-sio̍k in ê sìnn-miā thuat-lī ap-pik kap pō-gio̍k;
　　　他要 救 贖 伊 的 性 命 脫 離 壓 迫 及 暴 虐；

14b　　　I beh khùann in ê huih tsùe pó-pùe bô tshoo-sio̍k.
　　　　　他 要 看 伊 的 血 做 寶 貝 無 粗 俗。

15a　Gūan ông bān-sùe,
　　　願 王 萬 歲，

15b　　　I beh tùi Tsú tit-tio̍h Sī-pa ê kim tsùe pó-pùe,
　　　　　他要 對 主 得 著 示 巴 的 金 作 寶 貝，

15c　Peh-sìnn beh ūi i kî -tó sam-sî ,
　　　百 姓 要 為 他 祈 禱 三 時，

15d　　　Thong-ji̍t teh o -ló i .
　　　　　通 日 在 讚 美 他。

16a　Tī tūe--ni̍h, tī suann-tíng,
　　　在 地 裡，在 山 頂，

16b　　　Gōo-kak tik-khak bōo-sīng,
　　　　　五 穀 的 確 茂 盛，

16c　Sóo kiat ê gōo-kak beh iô-tāng,
　　　所 結 的 五 穀 要 搖 動，

16d　　　Tshin-tshiūnn Lī-pa-lùn ê tshiū-tsâng;
　　　　　親 像 黎 巴 嫩 的 樹 欉；

16e　Siânn-lāi ê lâng beh hing-ōng,　　
　城 內 的 人 要 興 旺，

16f　　　Tshin-tshiūnn tūe-tsiūnn ê tsháu tshong-song.
　　　　　親 像 地 上 的 草 蒼 蔥 。

17a　I ê miâ beh lâu kàu íng-úan iáu ū ,
　　　他 的 名 要 留 到 永 遠 尚 有，

17b　　　I ê miâ beh liû-thûan tshin-tshiūnn ji̍t ê kú ;
　　　　　他 的 名 要 流 傳 親 像 日 的 久；

17c　Lâng beh in-ūi i lâi tit-tio̍h hok-khì;
　　　人 要 因為 他 來 得 著 福 氣；

17d　　　Bān-kok beh tshing-hoo i ū hok-khì.
　　　　　萬 國 要 稱 呼 他 有 福 氣。

18a　Iâ-hô-hua Siōng-tè ,
　　　耶 和 華 上 帝，

18b　　　Tsiū-sī Í -sik-lia̍t ê Siōng-tè ,
　　　　　就 是 以 色 列 的 上 帝，

18c　Tsí-ū I kiânn kî- īnn ê sū ,
　　　只 有 祂 行 奇 異 的 事，

18d　　　Lán tio̍h ing-kai o -ló I kú-kú .
　　　　　咱 著 應 該 讚 美 祂 久 久。

19a　Gūan I îng-kng ê miâ íng-úan siū o -ló ;
　　　願 祂 榮 光 的 名 永 遠 受 讚 美；

19b　　　Gūan I ê îng-kng tshiong-múa tsûan-tūe ta̍k kak-lo̍h.
　　　　　願 祂 的 榮 光 充　　滿 全 地 逐 角 落。
　　　　A- bīng ! koh A- bīng !
　　　　　阿 們 ！ 復 阿 們！

20　Iâ-se ê kiánn Tāi-pi̍t ê kî -tó bîng-pi̍k.
　　　耶西 之 子 大 闢 的 祈 禱 明 白。