Pe̍h-thâu-khok-á, ài kóng-uē, 白頭khok-á，ài講話 Ū-sî kho͘-si-á, 有時kho͘-si-á， Ū-sî tuā-siaⁿ m̄-tsai teh huah-hiu siáⁿ-mi̍h-huè. 有時大聲m̄知teh huah-hiu啥物huè。 Tuè sî-kiâⁿ, thâu-khak ní pe̍h-pe̍h, Tuè時行，頭殼染白白， Tn̄g-tio̍h huaⁿ-hí koh ē kóng he Bí-kok-uē: Tn̄g-tio̍h歡喜會講he美國話： Tshiok-khuh-liat-toh ! tshiok-khuh-liat-toh ! Tsocolate/巧克力，tsocolate/巧克力！ Lín kám thiaⁿ ū gún teh kóng siáⁿ-mi̍h-huè ? Lín kám聽有阮teh講啥物huè？ Pe̍h-thâu-khok-á/Pe̍h-thâu-khiak-á(白頭殼á）; 白頭翁; Formosan Tsinese Bulbul. Pe̍h-thâu-khok-á (白頭殼á)，tī 台灣平地siōng-kài捷看tio̍h，tsiâⁿ普遍ê鳥á，頭殼頂有一tshop白毛，Pe̍h-thâu-khok-á、Pe̍h-thâu-khok-á，就án-ni叫tiâu - -leh。 白頭殼á，ki-ki kā-kā，叫聲真吵，m̄-kuh真好聽，千變萬化，有時孤單哀怨，有時kho͘-si-á ná唱歌，歇tī樹尾頂，無張無持白膏痢ê屎尿uì空中lak--落來，hō͘人抑好氣抑好笑，ná會tsiah tú好，來去買彩券包會tio̍h： 「白頭殼á，戴白帽，親像阿公- -a ê白頭毛；kho͘-si-á，ki-ki 叫，無張無持kā 阿公- -a phuì白膏。」 白頭殼á，tī台灣分布tī屏東楓港以北ê西部平地到低山區；東台灣出現tī花蓮以北ê平野。公園、學校、厝宅lóng有伊ê腳跡，有時kui陣tsiâⁿ百隻，活跳liú-lia̍h愛sńg，吼聲無停，優美好聽，食昆蟲、鳥榕、榕á ê漿果。
|
|
|
轉寄