《台灣鳥a2歌詩》

 | | | 轉寄

蛇鵰興食蛇肉

作者 詩作kap註解: 蕭平治 攝影: 薛光雄 2006.06.11

listen


Khuàⁿ guá ê hîng, kap lāi-hio̍h tsiok sîng,
看我ê形，kap lāi-hio̍h足sîng，
Guá khah ài tuà lāi-suaⁿ,
我khah愛tuà內山，
Lāi-hio̍h khah ài tuà pîng-iûⁿ.
Lāi-hio̍h khah ài tuà平洋。
Guá bô lāi-hio̍h hiah tshut-miâ,
我無lāi-hio̍h hiah出名，
In-uī guá tī lāi-suaⁿ lia̍h tsuâ tsia̍h.
因為我tī內山掠蛇食。
Lāi-hio̍h hìng tsia̍h ke-á-kiáⁿ,
Lāi-hio̍h興食雞á kiáⁿ，
Thau lia̍h thau kā pháiⁿ miâ-siaⁿ.
偷掠偷咬歹名聲。


Tsuâ-tiau(蛇鵰）; 大冠鷲（tuā-kuan-tsiū）; Formosan Sarpent Eagle.
hìng食蛇類，蛇肉是伊ê主食，是蛇類ê剋星，所以有蛇鵰、蛇鷹ê名。