《台灣鳥a2歌詩》

 | | | 轉寄

湯匙á大嘴pe

作者 詩作kap註解: 蕭平治 攝影: 薛光雄 2006.07.02

listen


Khuàⁿ gún ê hîng-thé, kap kim-thâu-á tsiâⁿ sîng,
看阮ê形體，kap金頭á tsiâⁿ sîng，
Lín nā beh hun ē tshing, tshiáⁿ khuàⁿ gún ê tshuì-hîng.
Lín若beh分會清，請看阮ê嘴形。
Tshuì-pe tuā-tuā, ū-lâng kiò gún tuā-tshuì-pe,
嘴pe大大，有人叫阮大嘴pe，
Tshuì-pe tshiūⁿ thng-sî, mā hō͘ lâng hō-tsò thng-sî-á.
嘴pe像湯匙，mā hō͘人號做湯匙á。
Khuàⁿ--khí-lâi gōng-tai gōng-tai,
看起來憨呆憨呆，
Khuàⁿ gún siû-tsuí koh kó͘-tsui kó͘-tsui.
看阮泅水koh kó͘-tsui kó͘-tsui。

Thng-sî-á (湯匙á); 琵琶鴨/ 琵嘴鴨; Shoveller.
湯匙á ê公母鴨嘴形，lóng像湯匙á形。因為in ê嘴闊koh扁，所以koh叫做大嘴pe á。