《巫義淵台語常用字》

 | | | 轉寄

常用字_01....「標」

作者 巫義淵 2011.11.06

「標」 有三ê讀音：(一) pio (錶) ; (二) piau (婊) ; (三) phiau (漂)。

(一) pio：話音
【標】[pio]
(1).利器(兵器)。例：標槍[pio -tshiuⁿ ]，放標[pàng-pio]，射標[siā-pio]。
(2).競爭的幟號。例：標會仔[pio-huē-á ]，搶頭標[tshiúⁿ-thau-pio]。
【標售】[pio-siû ]招標出售。例：市政府標售公有地。
【標會】[pio-huē ]民間儲蓄互助會，定期開標，由願意付出最高利息者、得著該期會款。
【標槍】[pio-tshiuⁿ ](1).指標佮槍兩種兵器。(2).運動器械名，田徑運動中的一種投擲物。
【標簽】[pio-tshiam]商品頂面標明價格、品牌等。
【招標】[tsio-pio](1).工程徵估計便宜的營造商通稱。(2).動不動產出售徵願出高價的買主通稱。
【走標】[tsáu-pio]走相趘(趇)的通稱。例：走標運動。
【搶頭標】[tshiúⁿ-thâu-pio]搶先攑著標籤；競賽中搶頭名的意思。
(二).piau：文音 【標】[piau ]兩個含意。
(1).樹木的末端。例：治標[tī-piau]，治本[tī -pún]。註：樹木的上頂面叫標，上下面叫本。
(2).權利的客體。例：標的[piau-tik ]。
【標高】[piau-ko]「altitude」指某一點佮水平面間的垂直距離。例：玉山、標高 3,952公尺。
【標竿】[piau-kan](1).指目標方向。(2).用來標示目標的測量工具。
【標榜】[piau-póng](1).揭示，品評。例：標榜品管第一。(2).宣揚，誇獎。專門標榜家己。
【標的】[piau-tik](1).箭靶；準則。(2).權利的客體。例：標的物[piau-tik-bu̍t]，契約標的物。
【標點符號】[piau-tiám hû-hō]字邊抑是字下的點線等的各種符號。
【標新立異 piau-sin li̍p-īⁿ】原本是指獨創新奇的見解。今多數是用來指：言行無合常理。
(3).phiau：勾破音
【標】[phiau]模範，記號。例：標準[phiau-tsún ]，標頭[phiau-thâu ]。
【標頭】[phiau-thâu]商品的標記。例：商標，虎標。
【標記】[phiau-kì ]記號，用來辨識資料的符號。
【標準】[phiau-tsún]會當做依據的法度程式。
【標緻】[phiau-tì ]形容女子秀麗出眾。
【標準時】[phiau-tsún-sî ]英國格林威治時間。是1884年在美國 Washington (華盛頓)國際會議決定的。
【標準桿】[phiau-tsún-kuáiⁿ ]Golf (高爾夫)球賽的時，每一孔的標準桿數。一般300碼以內的球道訂 3 桿，超過500碼球道訂 5 桿。
【標準音】[phiau-tsún-im]「standard soond」指安定度高，用來做測定音之基準。一般用 440 Hz 的 la。
【標準子午線】[phiau-tsún tsú-ngó͘-suàⁿ ]「standard meridian」佇24小時區內，被選做代表某一時區的子午線、稱做子午線。如臺北市、位於東經121度32分，以東經120度為標準子午線。


簡辭：
標準水[phiau-tsún -tsuí ]
標準化[phiau-tsún-huà]
標準軌[phiau-tsún-kuí ]
標準差[phiau-tsún-tsha]
標準值[phiau-tsún-ta̍t]
標準球[phiau-tsún-kiû ]
標準分數[phiau-tsún hun-sò͘]
標準狀態[phiau-tsún tsōng-thài]
標準溫度[phiau-tsún un-tō͘]
標準大氣[phiau-tsún tāi-khì ]
標準空氣[phiau-tsún khong-khì ]
標準成本[phiau-tsún sîng-pún]
標準環境[phiau-tsún khuân-khíng]
標準溶液[phiau-tsún iông-i̍k]
標準壓力[phiau-tsún ap-li̍k]

常用字詞正音
巫 義 淵 編著2010.07 標有三ê讀音：1.pio (錶) 2.*piau (婊) 3.phiau (漂)。這字一般五六十歲的社會人士佇言談中講著攏真標準，奇怪的就是真濟從事台語工作的人，這字攏講 kah mi-mi mauh-mauh。這字第一個讀音：pio、有兩的含意，(1).是利器、兵器。例如：標槍、放標、射標。(2).是競爭的幟號。例如：標會仔，標工程。第二個讀音：piau、是本音，嘛是兩個含意，(1).指樹木的末端。例如：治標[tī-piau]，治本[tī -pún]。註：樹木的上頂面叫標，下面叫做本。(2).權利的客體。例如：標的[piau-tik ]。第三個讀音：phiau、是勾破音，模範、記號的意思。例如：標準[phiau-tsún ]，標頭[phiau-thâu ]。

重點字詞： 【標】1.pio (錶) 2.*piau (婊) 3.phiau (漂)。 　　【標的】[piau-tik] (鏢竹)。標榜，指標。 【招標】[tsio-pio] (椒鏢)。標會仔。 【商標】[siong-phiau] (傷漂)。標頭，尪仔標。

用例：
　　荷蘭人時代、糖是斯當時台灣的重要出口物資，種植甘蔗需要大量有農耕經驗的漢人，所以引進大量的漢人來開墾種甘蔗，並優惠種甘蔗免稅來獎勵耕作者，同時嘛引進真濟各行各業的技術人員，親像木匠、泥水、竹俱等師父。但因大員當局的收入無法度滿足開支，為欲節流開源、佇1640年當局就開始向漢人收人頭稅來剝削引進的漢人。斯當時荷蘭人亦管制漢人佮原住民交易，所有的交易攏由荷蘭人家己包辦，後來因為地下交易真濟、荷蘭人的利益受損，所以佇1644年實施贌社【招標】[tsio-pio]，標著的漢人會當獨佔佮原住民村落的交易權，其招標的【標的物】[piau-tik-bu̍t ]是以村社做單位，有真濟漢人的頭家、攏標幾若個村社來交易買賣，包含收購鹿皮、佮賣日用品等，雖然攏有家己的品牌，但是【商標】[siong-phiau]攏需要荷蘭人來課稅認證，若無一旦被掠著、攏處以極刑。因為荷蘭人的刑罰嚴厲、剝削嚴重，引起多數的漢人不滿，佇1652年郭懷一發動叛亂，殺害荷蘭人的老弱婦孺千外人，了後荷蘭人動員兩千名原住民來支援，提供火槍、對台江西岸到二層行溪南爿，將所有的漢人全部刣掉，人數大約萬外人至兩萬外，會當講斯當時來台的漢人全部攏被剿滅！ 標有三ê讀音：1.pio (錶) 2.*piau (婊) 3.phiau (漂)。這字三個讀音的用法一般攏hut kah bū sà-sà，其實三個音攏各有所司。第一個讀音：pio、有兩個含意，(1)兵器(利器)，動詞。例：標槍，放標、射標。第二個讀音：piau、是本音，有兩個含意，(1)樹木的末端。例：治標[tī-piau]，治本[tī -pún]。(2)權利的客體。例：標的[piau-tik ]。第三個讀音：phiau、是勾破音，是做模範，記號的路用。例：標準[phiau-tsún ]，標頭[phiau-thâu ]。逐個人若了解頂面的含意，相信使用起來就會標準[phiau-tsún]。

重點字詞：
【標】1.pio (錶) 2.*piau (婊) 3.phiau (漂)。
【搶頭標】[tshiúⁿ-thau-pio] (廠頭鏢)。
【標榜】[piau-póng] (婊膀)。
【標頭】[phiau-thâu] (飄頭)。

用例： 　　 自從2008年馬先生就任總統以來，景氣敗壞物價波動、經濟指數幾近崩盤，失業率節節高升，國家定位予多數的台灣人產生疑惑，國民黨的大官小官，攏違背著彼位民族的救星蔣介石、佮蔣經國二位，誓死欲反攻大陸、消滅共匪的宗旨，一個一個攏去中國【搶頭標】[tshiúⁿ-thau-pio]朝貢，特別是一寡一直【標榜】[piau-póng]著欲「殺共匪」的將軍爺，領台灣的大錢、提去資匪，嘛一日到暗附和中國的統戰陰謀來恐嚇台灣人，有人講、這寡將軍爺的做法會按呢，主要是因為馬先生規家口仔攏是美國人，有一工若風吹草動，共匪無成、顛倒被共匪掠去剝皮就慘，所以做前將瞞騙台灣人的這塊中華民國【標頭】 [phiau-thâu]提掉，走去中國佮共匪交陪較有偏頭，這寡中國人亦順續借機來完成，半世紀來、落葉歸根的願望！