《巫義淵台語常用字》

 | | | 轉寄

常用字_13....「夫」

作者 巫義淵 2012.02.26

夫 有三个讀音：1.hu (膚) 2.hû (符) 3.po͘ (埠)。

這字一般做台語ê人攏無咧注意有三個讀音，這是幾十冬來無人整理ê緣故，又因近期推動台語ê人，為欲予學習ê人容易了解，所以攏用較粗淺文法來授課，時間一下久，續將一寡讀音簡化，致使予真濟用中文思考ê人，認為台語真粗淺無價值，事實上台語漢字ê勾破音特別濟(多)，又因漢字無夠通予台語使用，造成借字亦特別濟，百五冬來因為有羅馬字，確實予咱真大ê幫贊，遺憾ê就是有人無慣勢用羅馬字，用無合時代êㄅㄆㄇㄈ來烏白鬥，亦有人發明類似中國漢語拼音ê物件來對抗鬧場！

重點字詞：
【夫】1.po͘ (埠)2.hu (膚) 3.hû (符)。
【唐夫】[ta-po͘] (礁晡)。唐夫子＝男子。註：讀音摘自甘字典。
【夫子】[hu-tsú] (膚煮)。夫子＝老師。
【夫行善】[hû hîng-siān] (符形羨)。夫行善而得天憫。

用例：
自細漢就生活佇宗教家庭，思想觀念忠直單純，所領受ê家教，就是無論做甚麼事誌，愛有法律秩序佮社會正義，凡事，提會起來就愛放會落去，才是堂堂正正ê【唐夫子】[ta-po͘-kiáⁿ]，千萬buē使得選嬴不選輸，選輸起痚呴！對世間事ê看法攏是，有理走遍千里、無理寸步難行，這是社會做人上起碼ê道理。不知影近代ê人，有千理萬理，家己講ê就是真理，別人講ê就是無理，因按呢帶來予社會真大ê困擾佮動亂。最近社會有兩項大事誌，第一項是台灣師範大學，校長任用ê資格問題，大家攏知影，這是政治意識觀念來造成ê，人講：【夫子】[hu-tsú]作亂、其心難防！這是台灣ê現況也。第二項是320大夫上街頭，為著甚麼理由無若了解，看起來哪親像是為着「錢途」咧扑拚ê款式！自古教會就有一句道理咧講：「【夫】[hû] , 人雖富有天下，若損其靈何益之有？」善哉、善哉！