《CTT出頭天園地》

 | | | 轉寄

I-sap 寓言 13

作者 TLH 2007.05.13

13. Iá-lông kap Iûⁿ-á-kiáⁿ

Kó͘-tsá kó͘-tsá, tsi̍t-tsiah tuā iá-lông tī kuâⁿ-thiⁿ khùn tsi̍t tuā tshéⁿ, tú khí--lâi, pak-tó͘ tsin-iau. Iá-lông tuì suaⁿ-tíng khuàⁿ--lo̍h--khì, khuàⁿ-tio̍h tsi̍t-tsiah iû-á kiáⁿ tī khe-piⁿ teh lim-tsuí. I tsin huaⁿ-hí, siūⁿ beh kā lia̍h lâi tsia̍h. Iū-koh kiaⁿ lâng kóng i kiông khi jio̍k, tsiū kuáⁿ-kín tshuē lí-iû.

“Ué! ué! khó-ò͘ⁿ ê iûⁿ-á-kiáⁿ! Lí ná-ē kā guá beh lim ê tsuí lā kiaⁿ-lâng?”

“Guá bô-guá bô-m̄-sī guá. Lí tī suaⁿ-tíng, guá tī suaⁿ-kha, guá ná-ē kā lí beh lim ê tsuí lā kiaⁿ-lâng?”

“Koh ū, kū-nî lí iōng pháiⁿ-uē kā guá mē, guá iáu-buē kap lí lí-lūn!” Iá-lông ná kóng ná tuì suaⁿ-tíng tsông--lo̍h--lâi.

“Uan-óng! uan-óng! m̄-sī guá, guá tsiah tshut-sì la̍k gue̍h-ji̍t nā-tiāⁿ.”

“Án-ne it-tīng sī lín lāu-pē, lí ài thè i tsia̍h-tsuē.” Iá-lông kóng suah, khui-tshuì tsiū kā tsia̍h--lo̍h--khì.

Ài! ài! Ngē beh kā lâng tīng-tsuē, bián kiaⁿ ē tshuē bô lí-iû lah!