《CTT出頭天園地》

 | | | 轉寄

I-sap 寓言 12

作者 TLH 2007.05.06

12. Ke-kak-á kap Tsin-tsu

Tsò-sit-lâng ê mn̂g-kháu-tiâⁿ, tsi̍t-tsiah ke-kak-á giâ-thâu tián-si̍t, tī tsi̍t-tīn ke-nuâ-á--ni̍h kiâⁿ kuè-lâi, se̍h kuè-khì, tsin iāng-khì ê khuán-sit.

I hiông-hiông huat-hiān tshik-á-tui--ni̍h ū mi̍h-kiāⁿ teh siám-sih. I huāⁿ-hí kàu tuā-siaⁿ huah, “Lín tāi-ke kín lâi khuàⁿ ô͘ ! Guá tshuē-tio̍h pó-puè lah!” Tsiū iōng tsiam-tsiam ê tshuì tsin tshut-la̍t kā hit-lia̍p kim-sih-sih ê mi̍h-kiāⁿ kā--tshut--lâi. Guân-lâi sī tsú-lâng phah-bô-khì tsin-kú ê tsin-tsu. Ke-kak-á tsin sit-bōng kóng, “Lí sī tsú-lâng ê pó-puè; m̄-kú, guá jīn-uî tsi̍t-lia̍p tshik-á pí lí koh-khah pó-kuì.”

Tin-kuì ê mi̍h-kiāⁿ kan-ta tuì su-iàu ê lâng tsiah ū lō͘-iōng.